నోటిఫికేష‌న్స్ లో రాని జాబ్స్ ను ఎలా వెతికి ప‌ట్టుకోవాలో తెలుసా?

      ఒక కంపెనీకి ఉద్యోగులు కావాలంటే ఏం చేస్తుంది. ఒక నోటిఫికేష‌న్ ను రిలీజ్ చేయ‌డ‌మో లేక పేప‌ర్ లో ప్ర‌క‌ట‌న ఇవ్వ‌డ‌మో చేస్తుంది . అయితే ఇప్పుడు కంపెనీలు త‌మ స్టైల్ ను మార్చుకున్నాయి. భారీ సంఖ్య‌లో ఉద్యోగులు కావాల్సి వ‌చ్చిన‌ప్పుడు మాత్రమే నోటిఫికేష‌న్స్ ను విడుద‌ల చేస్తున్నాయి. మిగ‌తా స‌మ‌యాల్లో జాబ్ లిస్టింగ్ వెబ్ సైట్స్, రిఫ‌రెన్స్ ల ద్వారానే ఉద్యోగుల భ‌ర్తీ చేప‌డుతున్నాయి. ఈ నేప‌థ్యంలో అభ్య‌ర్ధులు, కంపెనీలు విడుద‌ల చేసే నోటిఫికేష‌న్, అడ్వ‌ర్టైజ్ మెంట్ల కోసం వెయిట్ చేయ‌కుండా కొన్ని ప‌ద్ధ‌తులను అవ‌లంభిస్తే జాబ్ ను ప‌ట్టేయ‌వ‌చ్చు. ప్ర‌స్తుతం ట్రెండ్ కు అనుగుణంగా అప్ డేట్ అవుతూ ఇప్పుడు మేం చెప్పే పనులు చేస్తే మీకు ఉద్యోగం రావ‌డం గ్యారంటీ. మ‌రింకెందుకాల‌స్యం హిడెన్ జాబ్స్ ను ఎలా ఒడిసిప‌ట్టుకోవాలో తెలుసుకుందాం రండి. 

1. రిఫ‌రెన్స్  

     చాలా కంపెనీలు ఇప్పుడు రిఫ‌రెన్స్ ల ద్వారానే త‌మ ఉద్యోగుల‌ను భర్తీ చేసుకుంటున్నాయి. ప్ర‌క‌ట‌న‌ల్లో రాని జాబ్ లు చాలావ‌ర‌కు రిఫ‌రెన్స్ ద్వారానే ఫిల్ అవుతూ ఉంటాయి. హెచ్ఆర్ మేనేజ‌ర్లు, ఉద్యోగులు కంపెనీలో ఉన్న ఖాళీల‌ను త‌మ‌కు ప‌రిచ‌యం ఉన్న‌వాళ్ల‌తో భ‌ర్తీ చేస్తుంటారు. అలానే సంస్థ‌లోని ఉద్యోగుల రిఫ‌రెన్స్ ద్వారా కొత్త వారిని జాబ్ లోకి తీసుకుంటారు. ప్ర‌స్తుతం చాలా కంపెనీలు ఇంట‌ర్నల్ రిఫ‌రెన్స్ ద్వారానే చాలా వ‌ర‌కూ ఖాళీల‌ను భ‌ర్తీ చేస్తున్నాయి. మంచి ఉద్యోగిని రిఫ‌ర్ చేస్తే బోన‌స్ వ‌స్తుంది క‌నుక ఆ కంపెనీలో ప‌నిచేసే ఉద్యోగులు రిఫ‌రెన్స్ చేయ‌డానికి ఉత్సాహ‌రంగా ఉంటారు. ఈ విష‌యాన్ని గుర్తించి అభ్య‌ర్ధులు ఎప్పుడూ మంచి ప్రొఫెష‌న‌ల్ ప‌రిచ‌యాలు పెంచుకోవాలి. అంద‌రితోనూ సఖ్య‌త‌గా మెలిగితే ఎవ‌రో ఒక‌రు మీకు రిఫ‌రెన్స్ ఇస్తారు. 

2. జాబ్ లిస్టింగ్ సైట్స్ 

      హిడెన్ జాబ్స్ ను అన్వేషించ‌డంలో జాబ్స్ సైట్స్ ది కూడా కీల‌క పాత్ర‌. కంపెనీలు త‌మ‌కు కావాల్సిన అభ్య‌ర్ధుల కోసం ఇప్పుడు జాబ్స్ సైట్స్ ను ఆశ్ర‌యిస్తున్నాయి. ఈ విషయాన్ని దృష్టిలో పెట్టుకున్ని అభ్య‌ర్ధులు జాబ్ సైట్స్ లో రిజిస్ట్రేష‌న్ చేసుకోవ‌డం మంచిది. ఎందుకంటే కొన్ని సార్లు కంపెనీ హెచ్ఆర్ లు జాబ్స్ సైట్స్ లోని డేటా ఆధారంగా అభ్య‌ర్ధుల‌కు నేరుగా కాల్ చేసి ఇంట‌ర్వ్యూకు ఆహ్వానిస్తారు. కాబ‌ట్టి క్వాలిఫికేష‌న్స్ , అనుభ‌వం, స్కిల్స్ ను జాగ్ర‌త్త‌గా జాబ్స్ సైట్స్ లో మెయింటైన్ చేయాలి. అలాగే సోష‌ల్ మీడియా ప్రోఫైల్ ను కూడా అందంగా తీర్చిదిద్దుకుంటే దాని ద్వారా కూడా మీకు ఇంట‌ర్వ్యూ కాల్స్ రావ‌చ్చు. 

3. నెట్ వ‌ర్కింగ్ 

      మీ రంగానికి సంబంధించిన ప్రొఫెష‌న‌ల్స్ తో ఎప్పుడూ స‌త్సంబంధాల‌ను మెయింటైన్ చేయండి. ముఖ్యంగా లింక్డ్ ఇన్ వంటి సోష‌ల్ సైట్ల ద్వారా మీ రంగంలోని వ్య‌క్తుల‌తో ప‌రిచ‌యాలు పెంచుకోండి. కేవలం జాబ్ కోస‌మే అన్న‌ట్టుగా కాకుండా నిజాయితీగా వారితో రిలేష‌న్ ను కొన‌సాగించండి. మీరు జాబ్ కోసమే వారితో మాట్లాడుతున్న‌ట్టు వారికి అనిపిస్తే వారు మీతో సంబంధాల‌ను క‌ట్ చేసుకునే ప్ర‌మాదం ఉంది. మీ అన్ని విష‌యాల‌ను వారితో షేర్ చేసుకుంటూ మీకు జాబ్ ఎంత అవ‌స‌ర‌మో, ఆ జాబ్ మీరు ఎంత బాగా చేయ‌గ‌ల‌రో వారికి తెలిసేలా చేయండి. ఇలా చేయ‌డం వ‌ల‌న వాళ్ల ప‌రిధిలో అవ‌కాశం రాగానే వెంట‌నే మీరు గుర్తుకువ‌చ్చేలా వాళ్ల‌లో మీ ప్ర‌వ‌ర్త‌న ఉండాలి. 

4. డైరెక్ట్ రెజ్యుమె స‌బ్మిష‌న్

     ఇప్పుడు కొన్ని కంపెనీల్లో నేరుగా రెజ్యుమెను పంపే వీలుంది. ఈ విష‌యాన్ని గుర్తుంచుకుని మీ ప్రొఫైల్ ను అర్హ‌త‌ల‌కు త‌గిన కంపెనీల‌ను ముందుగా షార్ట్ లిస్ట్ చేసుకోండి. త‌ర్వాత ఆ కంపెనీ వెబ్ సైట్ లోకి వెళ్లి రిక్రూట్ మెంట్ మేనేజ‌ర్ల స‌మాచారాన్ని తెలుసుకోండి. త‌ర్వాత ఒక క‌వ‌రింగ్ లెట‌ర్ ను రాసి రెజ్యుమెను ఫార్వాడ్ చేయండి. అయితే ఇక్క‌డ చాలా ముఖ్య‌మైన విష‌యాన్నిఅభ్య‌ర్ధులు గుర్తుంచుకోవాలి. ఇలా డైరెక్ట్ గా రెజ్యుమెల‌ను స్వీక‌రించే కంపెనీలు, అప్లికెంట్ ట్రాకింగ్ సిస్ట‌మ్ ద్వారా రెజ్యుమెల‌ను షార్ట్ లిస్ట్ చేస్తాడు. కాబ‌ట్టి రెజ్యుమెలోని మీరు వాడే ప‌దాలు అప్లికెంట్ ట్రాకింగ్ విధానానికి సూట్ అయ్యేలా చూసుకోండి. 

5. నేరుగా మేనేజ‌ర్ తో మీటింగ్ 

     ఒక్కోసారి కంపెనీల హెచ్ఆర్ మేనేజ‌ర్ ల‌ను నేరుగా క‌ల‌వ‌డం కూడా మంచి ఫ‌లితాల‌ను ఇస్తుంది. ఇది అంత‌గా వ‌ర్క‌వుట్ కాక‌పోయినా కొన్ని సంద‌ర్భాల్లో మాత్రం మంచి అవ‌కాశాల‌ను తెచ్చిపెడుతుంది. కంపెనీల వెబ్ సైట్స్ లో హెచ్ఆర్ మేనేజర్ వివ‌రాల‌ను సేక‌రించి ఈ మెయిల్ ద్వారా వారి అప్పాయింట్ మెంట్ కోరి నేరుగా వారిని క‌ల‌వ‌డం వ‌ల‌న కూడా హిడెన్ జాబ్స్ ను ఒడిపిప‌ట్టొచ్చు. హెచ్ఆర్ మేనేజ‌ర్ తో నేరుగా మాట్లాడ‌టం వ‌ల‌న మీ అర్హ‌త‌లు, నైపుణ్యాలపై అత‌నికి ఒక అభిప్రాయం ఏర్ప‌డుతుంది. రేప్పొద్దున ఏదైనా జాబ్ ఉంటే వెంట‌నే మీరే గుర్తుకు వ‌చ్చేలా అత‌నితో మీరు బిహేవ్ చేయాల్సి ఉంటుంది. అలాగే వాళ్ల‌తో ఆన్ లైన్ లో సోష‌ల్ నెట్ వ‌ర్కింగ్ ట‌చ్ లో ఉంటే వారు మిమ్మ‌ల్ని గుర్తిస్తారు.  

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                          You can send your Educational related articles to  careertimes.online1@gmail.com