కెరీర్‌లో ఈ 4 సలహాలు అస్సలు వినకండి!!
ఇ ది పోటీ ప్రపంచం. మనం ఎంత బాగా పనిచేసినా దాన్ని సరిగ్గా ప్రచారం చేసుకోలేకుంటే రేసులో వెనుకబడినట్టే. ముఖ్యంగా కెరీర్ లో ఉన్నత స్థానానికి వెళ్లాలనుకుంటున్న ఉద్యోగులకు పనిని ప్రచారం చేసుకోవడం, సందర్భానుసారంగా వ్యవహరించడం చాలా అవసరం. ఈ క్రమంలో కొన్ని వాస్తవాలు తెలుసుకోలేకపోతే కెరీర్ పరుగులో ఇబ్బందులు ఎదుర్కోవాల్సి రావచ్చు. కొందరు ఇచ్చే సలహాలు, చదివిన విషయాలు వినడానికి కాస్త బాగున్నా ప్రజెంట్ ట్రెండ్ లో వాటిని అనుసరిస్తే వేగంగా ఎదిగేందుకు అవకాశం ఉండదు. ఎందుకంటే అవి గతంలో వర్కవుట్ అయి ఉండొచ్చు కానీ ప్రస్తుత ట్రెండ్ కు మాత్రం అవి ఏ విధంగానూ సరిపోవు. కాబట్టి స్వీయ విశ్లేషణ చేసుకుని వాస్తవితకు దగ్గరగా ఉంటూ సరైన సమయంలో తక్షణ నిర్ణయాలు తీసుకుంటేనే మీ కెరీర్ వెలిగిపోయేందుకు అవకాశం ఉంటుంది. చాలా మంచి సలహాలే అయినా ఇప్పటి ట్రెండ్ కు సరిపోని ఆ విషయాలపై ఓ లుక్కేద్దామా. 1. కష్టపడి పనిచేస్తే అన్నీ మన దగ్గరకే వస్తాయి! మంచి స్థాయికి వెళ్లాలంటే ప్రతీ ఒక్కరూ కష్టపడాల్సిందే. ఇందులో ఎటువంటి సందేహం లేదు. అయితే ప్రజంట్ ట్రెండ్ లో మీరు కేవలం కష్ట...