కెరీర్ టైమ్స్

     ఇ ప్పుడు ప్రపంచం మొత్తం ఇంటర్నెట్ ఆధారంగానే నడుస్తోంది. ఇప్పుడు జరుగుతున్న , భవిష్యత్ లో జరగబోయే ఆవిష్కరణలన్నీ ఇంటర్నెట్ కేంద్రంగానే జరగబోతున్నాయి. ఆన్‌లైన్ బేస్డ్ గా జరుగుతున్న ఈ టెక్నాలజీ విసృతికి అనుగుణంగానే కంపెనీలు తమ రూపును మార్చుకుంటున్నాయి. అంతెందుకు టెక్నాలజీ ఉన్న ఫళంగా కొన్ని గంటలు నిలిచిపోతే చాలు, దేశాల ఆర్థిక వ్యవస్థలే కుప్పకూలుతాయి.  దీంతో ఈ డిజిటల్ వరల్డ్ లో కొత్త జాబ్స్ ఊపిరిపోసుకుంటున్నాయి. ఇందులో కొన్ని జాబ్స్ గూర్చి గతంలో చర్చించుకున్నప్పటికీ ఈ నెక్స్ట్ జనరేషన్ జాబ్స్ కు వచ్చే ఐదేళ్లలో మంచి డిమాండ్ ఉంటుంది. ఆన్‌లైన్ లోనే కంపెనీని ఉన్నత శిఖరాలకు చేరుస్తూ, ఆన్‌లైన్ లోనే సవాళ్లను పరిష్కరించే ఈ సూపర్ జాబ్స్ ఏంటో ఓసారి చూసేద్దామా? 1. ఇన్‌ఫ్లూయెన్సియల్ మార్కెటర్స్      ప్రస్తుతం సోషల్ మీడియా పరిధి పెరిగాక సాంప్రదాయ మార్కెటింగ్  మెల్లగా కనుమరుగవుతోంది. ఇప్పుడు అధిక శాతం మార్కెటింగ్ సోషల్ మీడియాలో జరిగిపోతోంది. అయితే సోషల్ మీడియాలో ఎక్కువ మందిని ప్రభావితం చేయగల వ్యక్తులు కొందరు ఉంటారు. ఇటువంటి వ్యక్తులను గుర్తించడమే ఇన్‌...