కెరీర్ టైమ్స్

      మీ కు ఏడు చేప‌ల క‌థ గుర్తుండే ఉంటుంది. రాజుగారి ఏడుగురు కొడుకులు వేట‌కెళ్లి తెచ్చిన ఏడు చేప‌ల్లో ఒక‌టి ఎందుకు ఎండ‌లేద‌న్న దానిపై పెద్ద చ‌ర్చ జ‌రుగుతుంది. ఈ క‌థ‌లో కార‌కులు ఒక‌రిపై ఒక‌రు ఫిర్యాదులు చేసుకుంటారు త‌ప్ప పరిష్కారం ఆలోచించ‌రు . ప్ర‌స్తుతం చాలా మంది విద్యార్ధులు ఈ ఏడు చేప‌ల క‌థ మాదిరిగానే ఎంత‌సేపు ఫిర్యాదులు త‌ప్ప ప‌రిష్కార మార్గాల‌పై దృష్టిపెట్ట‌డం లేదు. మ‌న రోజువారీ జీవితంలో మ‌న‌కు తెలీకుండానే కొన్ని పొర‌పాట్ల‌ను చాలా అవ‌లీల‌గా చేసేస్తూ ఉంటాం .విచార‌క‌ర‌మైన విష‌యమేమిటంటే ఆ పొర‌పాట్ల‌ను మ‌నం గుర్తించ‌లేక, ఆ త‌ప్పుల నుంచి పాఠాలు నేర్చుకోలేక విలువైన జీవిత పాఠాన్ని కోల్పోతాం. ప్ర‌స్తుత ఆధునిక విద్యా విధానంలో విద్యార్ధులు వ్య‌క్తిత్వ వికాసంలో కీల‌క విష‌యాల‌ను నేర్చుకోక‌, త‌ప్పులు చేస్తున్నారు. ప్ర‌తీ విష‌యానికి ఫిర్యాదులు చేయ‌డం వారికి అల‌వాటుగా మారిపోయింది. స‌హ‌చ‌ర విద్యార్ధులు, ఉపాధ్యాయులు, త‌ల్లిదండ్రులు, కుటుంబం, స‌మాజం ఇలా ప్ర‌తీ దానిపైనా ఫిర్యాదు చేస్తూ మాన‌సికంగా బ‌ల‌హీనులుగా త‌యార‌వుతున్నారు.  ఫిర్యాదుల‌తో అద్భుతాలు జ‌రగ‌వు!  ...