కెరీర్ టైమ్స్

      ప్ర‌ స్తుత మ‌న విద్యా విధానం విద్యార్ధుల‌పై తీవ్రమైన ఒత్తిడిని క‌లిగిస్తోంది. నిరంత‌రం పోటీ పోటీ అంటూ ఇటు ఉపాధ్యాయులు, అటు త‌ల్లిదండ్రులు వారి లేత జీవితాల‌ను మానసిక సంఘ‌ర్ష‌ణలోకి నెట్టేస్తున్నారు. ప్ర‌తీ రోజూ పోటీ ప‌రీక్ష‌లు, ప్ర‌త్యేక త‌ర‌గ‌తులు, ప‌క్క విద్యార్ధుల‌తో పోలిక‌లు..ఇలా ఒక‌టా రెండా..నిండా ప‌దేళ్లు నిండ‌కుండానే త‌ల్లిదండ్రుల క‌ల‌ల భారాన్ని మోయ‌లేక వాళ్ల భుజాలు వంగిపోతున్నాయి. ఈ భార‌మైన చ‌దువు ప‌రుగు పందెంలో వాళ్లు కాస్త సేద‌తీరే స‌మ‌యం వేస‌వి సెల‌వులే. అయితే మ‌న కార్పోరేట్ పోటీ విద్యా వ్య‌వ‌స్థ ఆ కొద్ది రోజుల ఆట‌విడుపును కూడా చిన్నారుల నుంచి నిర్దాక్షిణ్యంగా లాగేసుకుంటోంది. వేస‌వి శిక్ష‌ణా త‌ర‌గ‌తులు, స‌మ్మ‌ర్ క్యాంప్స్ ...పేర్లు ఏమైతేనేం పిల్లల‌కు వేస‌వి సెల‌వులు అనేవి లేకుండా చేసి వాళ్ల హ‌క్కుల‌ను కాల‌రాస్తున్నారు.  ఒత్తిడి వ‌దిలించుకోకుంటే చిత్తే!      పాఠ‌శాల విద్యా విధానం యొక్క ప్ర‌ధాన ల‌క్ష్యం విద్యార్ధి యొక్క మాన‌సిక ప‌రిణితిని పెంచ‌డం. ఈ ద‌శ‌లో కొత్త వ‌స్తువుల ప‌ట్ట శ్ర‌ద్ధ‌, కొత్త ప‌నుల‌పై ఆక‌ర్ష‌ణ‌, అద్భుత‌మైన మార...