కెరీర్ టైమ్స్

   వి శ్వవిద్యాలయాలు ఒక దేశ భవిష్యత్ ముఖచిత్రాన్ని నిర్దేశించే కార్యస్థలాలు. నాణ్యమైన ఉన్నత విద్య ద్వారానే నైపుణ్యం, మంచి శీలం కలగలిపిన ఉత్సాహవంతమైన యువతరం తయారవుతుంది. ఒకప్పుడు నలంద, తక్షశిల వంటి అత్యున్నత విశ్వవిద్యాలయాలు మన ప్రాచీన వైభవానికి ప్రతీకలుగా నిలవడంతో పాటు యావత్ ప్రపంచాన్ని మనదేశంవైపు చూసేలా చేశాయి. అయితే ఇంతటి ఘనచరిత్ర కలిగిన మన ఉన్నత విద్యా విధానం ప్రస్తుతం దిక్కుతోచని స్థితిలో కొట్టుమిట్టాడుతోంది. విశ్వవిద్యాలయాల్లో రోజు రోజుకీ తీసికట్టు అన్నట్టు తయారవుతున్న భోధనా ప్రమాణాలు ఆందోళన కలిగిస్తున్నాయి. ఇక పరిశోధనల సంగతి చెప్పనే అక్కర్లేదు. అసలు విశ్వవిద్యాలయాల ప్రధాన విధి పరిశోధనలే అన్న విషయం పూర్తిగా మర్చిపోయారు. ఫలితం ప్రతిభావంతులు అవకాశాలను వెతుక్కుంటూ విదేశాలకు వలస పోతున్నారు. యూనివర్సిటీల్లో ప్రాథమిక పరిశోధన ఇంతటి నిర్లక్ష్యానికి గురౌవుతున్నా పట్టించుకునే నాధుడు కనిపించడం లేదు. తాజాగా ఉస్మానియా యూనివర్సిటీ శత వార్షిక వేడుకల్లో రాష్ట్రపతి ప్రణబ్ ముఖర్జీ కూడా ఈ దుస్థితిపై ఆవేదన వ్యక్తం చేసారు. అత్యవసరంగా ఉన్నత విద్యలో సంస్కరణలకు తెరలేపి పరిశోధనలకు పెద్ద పీట వేయ...