కేస్ స్ట‌డీ : కెరీర్ ఎంపిక లో రాంగ్ స్టెప్.. జీవితానికి రాంగ్ ట‌ర్న్!
కె రీర్ ఎంపికలో త‌ప్పిదాలు ఒక్కోసారి జీవితాన్ని అస్త‌వ్య‌స్థం చేస్తాయి. సామాజికంగా, ఆర్థికంగా త‌మ‌కు అస్సలు న‌ప్ప‌ని కెరీర్ ల‌ను కొంద‌రు ఎంచుకుంటారు. స‌రైన మార్గ‌నిర్దేశ‌క‌త్వం లేక‌పోవడం, త‌న‌కు అన్నీ తెలుసు అనుకునే అవ‌గాహ‌న లేమి వ‌ల‌న ఇటువంటి త‌ప్పిదాలు చేస్తారు. అయితే కొన్నిసార్లు ఈ త‌ప్పుకు వీరు భారీ మూల్యం చెల్లించాల్సి రావ‌చ్చు. వృత్తిగ‌త జీవితంతో పాటు వ్య‌క్తిగ‌త జీవితం కూడా దెబ్బతిని కోలుకోలేని ఇబ్బందుల్లో ప‌డ‌తారు. కెరీర్ ను ఛేంజ్ చేసుకునే ప్ర‌యత్నాల్లో కూడా వీరికి పాత కెరీర్ పెద్ద అడ్డంకిగా మారుతుంది. అయితే చేసిన పొర‌పాటును స‌రిదిద్దుకునే కీల‌క‌మైన మ‌లుపులో నిపుణుల స‌ల‌హాలు తీసుకుని అప్ర‌మ‌త్తంగా వ్య‌వ‌హ‌రిస్తే ఈ సంక్షోభం నుంచి బ‌య‌ట‌ప‌డొచ్చు. కెరీర్ ఎంపికలో త‌ప్పు చేస్తే జీవితం త‌ల‌కిందులే! చంద్ర‌క‌ళ ఆర్ట్స్ బ్యాక్ గ్రౌండ్ లో డిగ్రీ వ‌ర‌కూ చ‌దివింది. డిగ్రీ త‌ర్వాత ఒక మంచి ప్రొఫెష‌న‌ల్ కోర్సు చ‌ద‌వాల్సిన త‌రుణంలో త‌న చుట్టూ ప‌రిస్థితులు, నేప‌థ్యాల‌కు ప్ర‌భావిత‌మై లా చ‌ద‌వాల‌ని నిర్ణ‌యించుకుంది. ఎం...