'బాహుబలి'ని మించిన హీరోలు ఉన్నారు!!
ఇ ప్పుడు దేశం మొత్తం 'బాహుబలి' మేనియాతో ఊగిపోతోంది. ఎక్కడ చూసినా, ఏ నలుగురు కలిసినా ఈ సినిమా కోసమే చర్చించుకుంటున్నారు. సినిమాకు అన్ని కోట్లు ఖర్చు పెట్టారు, ఇన్ని సెట్లు వేసారు. ఇంత వసూలు చేస్తుంది..ఆ రికార్డులు గల్లంతే..ఇలా సాగుతోంది ఆ చర్చల సారాంశం. ఇక యువత, విద్యార్ధులైతే చదువును కాస్త పక్కన పెట్టి టిక్కెట్లు ఎలా సంపాదించాలి? అన్న దానిపై సీరియస్ గా దృష్టి సారించారు. సామాజిక సమస్యల ప్రస్తావనే లేని ఓ ఫక్తు కమర్షియల్ సినిమాను అదేదో దేశభక్తి సినిమా, ఆ సినిమా చూడకుంటే జీవితం వృధా అన్న రీతిలో యువత ఊగిపోవడం విద్యావేత్తలను ఆందోళనపరుస్తోంది. సామాజిక స్పృహపై విద్యార్ధుల్లో నెలకొన్న అపరిపక్వ ఆలోచనా విధానాన్ని ఈ పరిణామం కళ్లకు కడుతోంది. సరిహద్దులో కాపలా కాసే సైనికులు, దేశానికి అన్నం పెట్టే రైతులే అసలుసిసలు హీరోలని తెలుసుకోకుంటే సినీ మాయలో సామాజిక స్పృహ కొట్టుకుపోయినట్టే. చదువే కాదు సమాజాన్ని చదవండి! ఈ తరం విద్యార్ధి తరగతి గదికే పరిమితమైపోతున్నాడు. బయట ప్రపంచం అంటే ఏంటో తెలియకుండా ఇళ్...