సూటిగా,సుత్తిలేకుండా..చాగంటి వారిలా..!
ఒ క విష‌యాన్ని స‌ర‌ళంగా, సూటిగా చెప్ప‌డంలోనే వ్య‌క్తి విజ‌యం ఆధార‌ప‌డి ఉంటుంది. ఎంతటి విష‌య ప‌రిజ్ఞాన‌మున్నాన‌లుగురికి అర్ధ‌మ‌య్యేలా చెప్ప‌లేకుంటే అది వ్య‌ర్ధంగానే మిగిలిపోతుంది. భావ వ్య‌క్తీక‌ర‌ణ‌లో స‌ర‌ళ‌త చాలా కీల‌క‌మైన విష‌యం. ఈ విష‌యాన్ని క‌చ్చితంగా గుర్తుపెట్టుకుంటేనే అటు టీచ‌ర్ అయినా ఇటు విద్యార్ధి విజ‌యం సాధించ‌గ‌లుగుతారు. సంక్లిష్ట‌మైన ప‌దాల‌ను వాడుతూ అవ‌త‌లి వ్య‌క్తుల‌ను ఆక‌ట్టుకోవాల‌నుకుంటే అది ఎప్ప‌టికీ మంచి ఫ‌లితాల‌ను ఇవ్వ‌దు. విజ‌యం సాధించిన వ్య‌క్తుల జీవితాల‌ను క్షుణ్ణంగా ప‌రిశీలిస్తే ఈ విష‌యం అర్ధ‌మ‌వుతుంది. ఇప్పుడు విద్యార్ధికి వృత్తిగ‌త నైపుణ్యాల‌తో పాటు భావ‌వ్య‌క్తీక‌ర‌ణ కూడా చాలా ముఖ్యమైన అర్హ‌త‌గా మారిపోయింది. అటువంటి కీల‌క‌మైన భావవ్యక్తీకరణలో త‌గిన మార్పులు చేసుకుని అవ‌త‌లి వ్య‌క్తులకు హ‌త్తుకునేలా చెప్ప‌గ‌లిగిన‌ప్పుడే స‌క్సెస్ ద‌రికి చేరుతుంది. ఎలా చెప్పామ‌న్న‌దే ముఖ్యం వేట‌లో సూటిగా బాణం వేయ‌డంలో ఎంత నేర్పు ఉండాలో భావవ్యక్తీకరణలో విష‌యాన్ని సూటిగా చెప్ప‌గ‌ల‌గ‌డంలో అంతే నేర్పు ఉండాలి. ఎంతటి సంక్లిష్ట‌మైన విష‌య...