నోటీస్ బోర్డుల్లో పెట్ట‌ని 'ఆఫీస్ మేన‌ర్స్' ఏంటో తెలుసా?

    మ‌ర్యాద మ‌ర్యాదను మ‌ర్యాద‌గా చూసుకుంటుంది. ఇంట్లో అయినా, స‌మాజంలో అయినా కొన్ని క‌ట్టుబాట్లు విధించుకుంటూ అంద‌రితో మ‌ర్యాద‌గా మెల‌గ‌డమే ఒక వ్య‌క్తి విజయాన్ని డిసైడ్ చేస్తుంది. ఎవ‌రికివ్వాల్సిన మ‌ర్యాద వాళ్ల‌కు ఇస్తే అంద‌రితో రిలేష‌న్స్ చాలా బాటుంటాయి. అలాగే మీరు ఆపీస్ లో ప‌నిచేసేట‌ప్పుడు అక్క‌డ కొన్ని మ‌ర్యాద‌లు పాటించాల్సి ఉంటుంది.అయితే ఈ విష‌యాల‌ను ఎవ‌రూ నోటీస్ బోర్డులో పెట్ట‌రు. ఎవ‌రికి వారు తెలుసుకుని వాటిని స‌క్ర‌మంగా పాటిస్తే కెరీర్ లో ముందుకు వెళ్లేందుకు అవ‌కాశం ఏర్ప‌డుతుంది. ముఖ్యంగా ఆఫీస్ సంప్ర‌దాయాలను, ప‌ద్ధ‌తుల‌ను ఆక‌లింపు చేసుకుని వాటికి అనుగుణంగా న‌డుచుకుంటే ఉన్న‌తాధికారుల వ‌ద్ద మీ గౌర‌వం పెరుగుతుంది. ఇప్పుడు మ‌నం చెప్పుకోబోయే విష‌యాల‌ను తేలిగ్గా తీసిపారేయ‌కండా వాటిని జాగ్ర‌త్త‌గా అమ‌లు చేస్తే కెరీర్ ప‌రుగులో మీరే విజేత‌గా నిలుస్తారు. 

1. మీ ఆఫీస్ లో ఎమ్ డీ , డైరెక్ట‌ర్, సీఈఓ వంటి ఉన్న‌త స్థానంలో ఉన్న వ్య‌క్తుల వాహ‌నాల కోసం ప్ర‌త్యేకంగా పార్కింగ్ ను కేటాయిస్తారు. ఆ పార్కింగ్ ఖాళీగా ఉంది క‌దా అని మీ వాహ‌నాన్ని ఎప్పుడూ అక్క‌డ పార్క్ చేయ‌కండి. ఖాళీగా ఉంది క‌దా అని మీ వాహ‌నాన్ని పార్క్ చేయ‌డం అంటే ఆ వ్య‌క్తుల‌ను అవ‌మానించిన‌ట్టే. ఈ విష‌యాన్ని జాగ్ర‌త్త‌గా గుర్తుపెట్టుకోండి. 

2. అలాగే బాస్ లు, సీఈఓ ల కోసం కేటాయించిన లిఫ్ట్ ల‌ను కూడా ఎట్టిప‌రిస్థితుల్లోనూ వాడొద్దు. బాస్ స్వ‌యంగా మిమ్మ‌ల్ని పిలిస్తే త‌ప్ప ఆ లిఫ్ట్స్ లో ఎక్క‌కుండా ఉంటేనే మంచిది. 

3. లిఫ్ట్స్ , టాయిలెట్స్ ల‌లో స్మోకింగ్ ఎట్టి ప‌రిస్థితుల్లోనూ చేయ‌కండి. ఈ విష‌యాన్ని కంపెనీ యాజ‌మాన్యం తీవ్రంగా ప‌రిగ‌ణిస్తుంది. ఇలాంటి త‌ప్పు చేసి మీ కెరీర్ ను ఇబ్బందుల్లో ప‌డేసుకోకండి. 

4. అదే విధంగా మీ బాస్, సీఈఓ లు ఉప‌యోగించే అటాచ్డ్ బాత్ రూమ్స్ , టాయిలెట్స్ మీరు ఎలాంటి సంద‌ర్భంలోనైనా వాడ‌వ‌ద్దు. ఇలా వేరే వాళ్ల‌కు కేటాయించిన బాత్ రూమ్ ల‌ను వాడ‌టం అన్న‌ది మీ మ‌ర్యాద‌ను త‌గ్గిస్తుంది. 

5. మీ శాల‌రీ ఇంక్రిమెంట్స్ కోసం అలాగే సెల‌వులు కోసం మీ బాస్ తో కానీ లేదా మీ పై అధికారితో కానీ ఫోన్ లో ఎప్పుడూ చ‌ర్చ‌లు జ‌ర‌ప‌వ‌ద్దు. వాళ్లు ఎదురుగా ఉన్న‌ప్పుడు మాత్ర‌మే ఇటువంటి విష‌యాల‌ను చ‌ర్చించాలి. 

6. ఈ ఆఫీస్ లో ఈవెంట్స్ జ‌రిగేట‌ప్పుడు ఆ ఫంక్ష‌న్స్ కు మీ భార్యా పిల్ల‌ల‌ను ఎప్పుడూ తీసుకెళ్ల‌కండి. ప్ర‌త్యేకంగా ఈ ఫంక్ష‌న్ కు ఫ్యామిలీ మెంబ‌ర్స్ హాజ‌రు కావ‌చ్చున‌ని చెప్పే సంద‌ర్భాల్లో మిన‌హాయించి మిగిలిన ఏ ఫంక్ష‌న్స్ కు ఫ్యామలీ మెంబ‌ర్స్ ను తీసుకెళ్ల‌కండి. 

7. బాస్ ఎదురుగా ఉన్న‌ప్పుడు ఆయ‌న టేబుల్ పై ఉన్న ఫ్ల‌వ‌ర్స్ ను  స్టేష‌న‌రీని ముట్టుకోవ‌డం, నిమ‌ర‌డం వంటి ప‌నులను ఎట్టి ప‌రిస్థితుల్లోనూ చేయ‌కండి. బాస్ లేన‌ప్పుడు కూడా ఇలాంటి ప‌నులు చేయ‌కండి. 

8. బాస్ కు సంబంధించిన ప‌ర్స‌న‌ల్ కంప్యూట‌ర్, మొబైల్స్ ను ఎప్పుడూ బ్రౌజ్ చేయ‌కండి. హిస్ట‌రీ సింక్ అయి ఉంటుంది కాబ‌ట్టి బాస్ మీపై అనుమాన‌ప‌డే ప్ర‌మాదముంది. అస‌లు బాస్ టేబుల్ పై ఉన్న ఏ వ‌స్తువును ఆఖ‌రికి ల్యాండ్ ఫోన్ ను కూడా తాకకుండా ఉండేలా జాగ్ర‌త్త ప‌డండి. 

9. అలాగే ఆఫీస్ లో ప‌నిచేస్తున్న‌ప్పుడు మ‌రో ఉద్యోగానికి సంబంధించిన వెబ్ సైట్ల‌ను చూడ‌టం కూడా మంచిది కాదు. అలాగే మీ ప‌ర్స‌న‌ల్ ప‌నుల‌ను, వేరే ఆఫీస్ ప‌నులను చేయ‌కండి. అదే విధంగా అశ్లీల వెబ్ సైట్ల‌ను ఎట్టి ప‌రిస్థితుల్లోనూ మీ కార్యాల‌యంలో ఒపెన్ చేసేందుకు ప్ర‌య‌త్నించ‌కండి. మీ సిస్ట‌మ్ లో ఏం చేస్తున్నారో అన్న ప్ర‌తీ విష‌యంపై నిఘా ఉంటుందని గ‌మ‌నించుకోండి. 

10. వీటితో పాటు మ్యారేజ్ బ్యూరో వెబ్ సైట్లు, డేటింగ్ సైట్లు, స్ట్రీమింగ్ సైట్లు కూడా చూడ‌వ‌ద్దు. ప‌ర్స‌న‌ల్ విష‌యాలను ఆఫీస్ సిస్ట‌మ్  లో కాకుండా ఇంట్లో ప‌ర్స‌న‌ల్ సిస్ట‌మ్ లో చూసుకుంటేనే మంచింది. 

        ఇవ‌న్నీ అధికారికంగా ఎక్క‌డా ప్ర‌క‌టించ‌ని, నోటీస్ బోర్డుల‌లో పెట్ల‌ని ఆఫీస్ క‌ట్టుబాట్లు. ఈ అన్ రిటెన్ ఆఫీస్ మేన‌ర్స్ ను మీరు పాటించ‌క‌పోతే అన్ వాంటెడ్ ఎంప్లాయీస్ లిస్ట్ లో చేరిపోతారు జాగ్ర‌త్త‌. 

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                   You can send your Educational related articles to  careertimes.online1@gmail.com