టెలిఫోనిక్ ఇంటర్వ్యూలో ఎలా మాట్లాడాలో మీకు తెలుసా?

    అర్హులైన, సామర్ధ్యమున్న అభ్యర్ధులను ఎంపిక చేసుకోవడం ఇప్పుడు కంపెనీల ముందున్న అతిపెద్ద సవాలు. అందుకు తగ్గట్టుగానే కంపెనీలు తమ హెచ్‌ఆర్ విభాగాన్ని బలోపేతం చేసుకుంటున్నాయి. దీంతో నాణ్యమైన అభ్యర్ధులను దొరకబుచ్చుకునేందుకు హెచ్‌ఆర్ మేనేజర్లు వడపోతను పకడ్బందీ చేస్తున్నారు. అందులో భాగంగానే వచ్చింది టెలిఫోనిక్ ఇంటర్వ్యూ. జాబ్ కు అప్లయ్ చేసుకున్న అభ్యర్థిని ప్రధాన ఇంటర్వ్యూకు పిలవాలా? వద్దా? అన్నదానిపై ఒక నిర్ణయం తీసుకునేందుకు టెలిఫోనిక్ ఇంటర్వ్యూలను నిర్వహిస్తున్నారు. నిజంగా చెప్పాలంటే ఇది ఒక విధంగా ప్రిలిమినరీ రౌండ్. ఇందులో విజయవంతమైతేనే మీకు ప్రధాన ఇంటర్వ్యూకు పిలుపొస్తుంది. కాబట్టి టెలిఫోనిక్ ఇంటర్వ్యూ అనేది ఇప్పుడు చాలా కీలమైన విషయంగా మారిపోయింది. కాబట్టి అభ్యర్ధులు టెలిఫోనిక్ ఇంటర్వ్యూలో ఎలా మాట్లాడాలి? ఏం మాట్లాడాలి? అన్న విషయాలపై అవగాహన పెంచుకోకుంటే నష్టపోతారు. 

టెలిఫోనిక్ ఇంటర్వ్యూ ముఖ్యోద్దేశ్యం ఏంటి?

       మనం ముందు చెప్పుకుంటున్న హెచ్‌ఆర్ విభాగం పరిధి పెరిగాక నాణ్యమైన అభ్యర్ధులును ఎంచుకునేందుకు హెచ్‌ఆర్ మేనేజర్లు ఎన్నో విషయాలను పరిగణనలోకి తీసుకుంటున్నారు. ముఖ‌్యంగా అభ్యర్థి కమ్యూనికేషన్ స్కిల్స్ అలాగే లిజనింగ్ స్కిల్స్ పై రిక్రూటర్స్ ఒక అంచనాకు వచ్చేందుకు టెలిఫోనిక్ ఇంటర్వ్యూ ఉపయోగపడుతుంది. చాలా మంది టెలిఫోనిక్ ఇంటర్వ్యూ అంటే కమ్యూనికేషన్ స్కిల్స్ ఉంటే సరిపోతుంది అనుకుంటారు. అది పూర్తిగా తప్పు. మంచి భావ వ్యక్తీకరణ నైపుణ్యాలతో విషయాన్ని శ్రద్ధగా విని అర్ధం చేసుకునే లిజనింగ్ స్కిల్స్ కూడా చాలా అవసరం. ఇప్పుడు మనం చెప్పుకోబేయే విషయాలను చాలా జాగ్రత్తగా ఆకళింపు చేసుకుని టెలిఫోనిక్ ఇంటర్వ్యూకు ప్రిపేర్ ఫలితం అనుకూలంగా వస్తుంది. 

టెలిఫోనిక్ ఇంటర్వ్యూలో ఈ విషయాలు చాలా ముఖ్యం! 

• టెలిఫోనిక్ ఇంటర్వ్యూలో ముందుగా మీరు చేయాల్సిన పని మీరు పంపిన రెజ్యుమెను మరోసారి క్షుణ్ణంగా చదువుకోవడం. మీరు రెజ్యుమెలో పేర్కొన్న విషయాలపై మీకు పూర్తి ఆధిపత్యం ఉందని రిక్రూటర్ భావించాలి. 

• మీరు అప్లయ్ చేసి పోస్ట్ లేదా పొజిషన్ పై మీకు పూర్తి అవగాహన ఉండాలి. అవసరమైతే దాని గురించి రీసెర్చ్ చేసి సమాచారాన్ని సేకరించి పెట్టుకోవాలి. అదే విధంగా కంపెనీ గురించి కూడా పూర్తి సమాచారాన్ని చదివి మైండ్ రిజిష్టర్ చేసుకోవాలి. 

• ఒక్కోసారి టెలిఫోనిక్ ఇంటర్వ్యూలో నోట్స్ తీసుకోవాల్సిన అవసరం పడొచ్చు. దానికోసం ముందుగానే నోట్ బుక్, పెన్ వంటిని రెడీ చేసుకుని పెట్టుకుంటే ఇబ్బంది లేకుండా ఉంటుంది.

• చుట్టు పక్కల ఎటువంటి రణగొణధ్వనులు లేని ప్రదేశాన్ని ఎంచుకోవాలి. రిక్రూటర్ ఎప్పుడు కాల్ చేస్తాడో తెలియదు కాబట్టి ఫోన్ కు ముందుగానే ఛార్జ్ చేసుకుని ఎటువంటి ఇబ్బంది లేకుండా చూసుకోవాలి. 

• ఇంటర్వ్యూకు ముందుకు శారీరకంగా , మానసికంగా చాలా కామ్ గా ఉండాలి. ఎటువంటి ఉద్వేగాలకు లోను కాకూడదు.

• ఒకవేళ మీరు ట్రాఫిక్ లో ఇరుక్కుపోయినా, లేదా ఫోన్ సిగ్నల్ సరిగా రీచ్ కానీ ప్రదేశంలో ఉన్నట్టయితే ఆ విషయాన్ని రిక్రూటర్ నిజాయితీ చెప్పి , ఇంటర్వ్యూను రీ షెడ్యూల్ చేయించుకోండి. 

• టెలిఫోన్ ఇంటర్వ్యూలో మధ్యలో బ్రేక్ ఉండదన్న విషయాన్ని గుర్తించండి. కాబట్టి కాలకృత్యాలు అన్నీ తీర్చుకుని వాటర్ బాటిల్ ను ముందు పెట్టుకుని రెడీగా ఉండండి. ఆ సమయంలో ఇతర కాల్స్ రాకుండా చూసుకోండి. 

• టెలిఫోనిక్ ఇంటర్వ్యూలో రిక్రూటర్ బాగా గమనించేది అభ్యర్ధి లిజనింగ్ స్కిల్స్ . ప్రశ్న పూర్తి కాకుండానే సమాధానం చెప్పేందుకు రెడీ అయిపోకుండా ప్రశ్న పూర్తిగా విని సమగ్రంగా సమాధానం ఇవ్వాలి. 

• అర్హతలు చెప్పండి అనగానే ఎప్పుడూ టెన్త్ , ఇంటర్ అంటూ మొదలు పెట్టకండి. మీ గ్రాడ్యుయేషన్ డిగ్రీ, ఏ డిసిప్లిన్ లో పూర్తి చేసారు. ప్రాజెక్ట్ వర్క్. సాధించిన అచీవ్‌మెంట్స్ ఇవి మాత్రమే చెప్పండి. 

• రిక్రూటర్ తో మాట్లాడేటప్పుడు మాటల్లో మర్యాద తగ్గకుండా చూసుకోవాలి. అవతలి వారి గౌరవానికి భంగం కలుగుకుండా మాట్లాడాలి. సంభాషణ ఎప్పుడూ సరళంగా ఉండేలా చూసుకోవాలి. బరువైన పదాలను, ప్రొఫెషనల్ లాంగ్వేజ్ మాట్లాడటం చేయవద్దు. 

• వేగంగా మాట్లాడుతూ రిక్రూటర్ కు అర్ధం కాని విధంగా అస్సలు మాట్లాడొద్దు. చాలా స్పష్టంగా అవతలివారికి అర్ధమయ్యేంత వేగంగా మాట్లాడాలి. మీకు తెలియని విషయం ఉంటే చాలా స్పష్టంగా నాకు తెలియదు అని నిజాయితీ ధ్వనించేలా చెప్పండి. 

• టెలిఫోనిక్ ఇంటర్వ్యూలో  మరో ముఖ్యమైన విషయం. అసలు తత్తరపడకూడదు. చాలా సావధానంగా , కూల్ గా ప్రశ్నలకు సమాధానాలు ఇవ్వాలి. దీని ద్వారా అవతలి వైపు ఉన్న రిక్రూటర్ కు మీకు సంభాషణ కరెక్ట్ గా ఉంటుంది. ఇంటర్వ్యూ ముగిసిన చివరలో తప్పుకుండా థ్యాంక్స్ చెప్పి ముగించాలి. ఇది తప్పనిసరిగా గుర్తుపెట్టుకొండి. 

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                         You can send your Educational related articles to  careertimes.online1@gmail.com