ఇంటర్వ్యూలో మీ 'బాడీ లాంగ్వేజ్' ఇలా ఉండాలి..10 సూపర్ టిప్స్!

      సాధారణంగా మనం ఒక మనిషిని ఎలా అంచనా వేస్తాం? అతని హావభావాలు, మాట్లాడే విధానం, నడవడిక ఆధారంగానే అతనిపై ఒక అంచనాకు వస్తాం. కేవలం అరగంట, గంట సమయంలో ఒక మనిషిని విశ్లేషించేందుకు ఇంతకంటే వేరే మార్గాలు లేవు. ఇంటర్వ్యూలో హెచ్ఆర్ మేనేజర్లు కూడా ఇదే విధమైన పద్ధతిని ఫాలో అవుతారు. అభ్యర్ధికి ఉన్న అకడమిక్ అర్హతలతో పాటు వ్యక్తిగా అతను ఏ స్థితిలో ఉన్నాడన్న విషయాన్ని బాడీ లాంగ్వేజ్ ద్వారానే నిశితంగా గమనిస్తారు. కాబట్టి ఉద్యోగార్ధులకు అర్హతలు, లాంగ్వేజ్ తో పాటు బాడీ లాంగ్వేజ్ కూడా చాలా ముఖ్యం. ఆత్మవిశ్వాసంతో హుందాగా కనిపించాలి అదే సమయంలో నాకు అన్ని తెలుసన్న అతి విశ్వాసాన్ని ప్రదర్శించకూడదు. ఆత్మవిశ్వాసం లేని వాళ్లను రిజెక్ట్ చేసినట్టుగానే అతి విశ్వాసం ఉన్నవాళ్లను కూడా రిక్రూటర్లు జాబ్ లోకి తీసుకునేందుకు ఇష్టపడరు. 

హావభావాల్లో అణుకువ కనిపించాలి! 

       చాలా మంది అభ్యర్ధులు ఇంటర్వ్యూలో కాస్త ఒదిగి ఉండటం తప్పు ఏమో అని భావిస్తారు. ఈ ఆలోచన సగం వరకూ మాత్రమే కరెక్ట్. అభ్యర్ధి ఇంటర్వ్యూలో రిక్రూటర్ ఎదురుగా ఉన్నప్పుడు హుందాతనంతో పాటు అణుకువ కూడా చూపించాలి. తనకు మాత్రమే పరిమితమైన ఆత్మవిశ్వాసంతో కూడిన నడవడిక చాలా ముఖ్యం. అతి విశ్వాసంతో ప్రవర్తిస్తే మీకు అర్హతలు ఉన్నా మీరు ఆటిట్యూడ్ ప్రాబ్లమ్ ఉన్న వ్యక్తులుగా మిగిలిపోతారు. ఆత్మవిశ్వాసాన్ని, అణుకువను సమపాళ్లలో ప్రదర్శించడమే ఇంటర్వ్యూలో మీ  విజయాన్ని డిసైడ్ చేస్తుంది. 

ఇంటర్వ్యూలో బాడీ లాంగ్వేజ్ ఈ విధంగా ఉండాలి! 

• రిక్రూటర్స్ టేబుల్ దగ్గరకు వెళ్లేటప్పుడు నిటారుగా నడుచుకుంటూ వెళ్లండి . మీ నడకలో మీ ఆత్మవిశ్వాసం ప్రతిబింబించాలి. 

•  మీ కళ్లల్లో, మీ శరీర భాగాల్లో ఒక రకమైన ఎనర్జీ ఇంటర్వ్యూ చేసేవాళ్లకు కనిపించాలి. 

• రిక్రూటర్ ఎదురుగా కూర్చీలో కూర్చున్నప్పుడు కొంచెం ఫ్రీగా కూర్చోవాలి. బిగదీసుకుపోయినట్టు ఉండొద్దు. కూర్చోవడం కూడా మీ ఆత్మవిశ్వాసం చూపించాలి. అయితే మీరు కూర్చున్న విధానం నిర్లక్ష్యంగా ఉన్నట్టు రిక్రూటర్ కు అనిపించకుండా జాగ్రత్త పడండి. 

• ఇంటర్వ్యూ చేసే వ్యక్తితో ఐ కాంటాక్ట్ చాలా ముఖ్యం. సమాధానాలు సూటిగా అతని కళ్లలోకి చూస్తూ కాన్ఫిడెంట్ చెప్పాలి. అయితే కేవలం ఐ కాంటాక్ట్ కాకుండా ముఖంలోని మిగిలిన భాగాలపైన కూడా దృష్టి సారించాలి. దీనివలన మీకు కొంత వెసులుబాటు లభిస్తుంది. 

• మీ చేతులు ఇంటర్వ్యూ చేసే వాళ్లకు కనిపించేలా చూసుకొండి. ఎందుకంటే వాళ్లు మీ చేతులను గమనిస్తారు. మీ చేతులు వణుకుతున్నాయంటే మీకు ఆత్మవిశ్వాసం లేదని గ్రహిస్తారు. అలాగే చేతులు కనిపించకుండా టేబుల్ కిందగా పెట్టుకున్నా వాళ్లే అదే విధంగా భావిస్తారు. కాబట్టి చేతులు ఇంటర్వ్యూ చేసేవాళ్లకు కనిపించేలా పెట్టి వాటిని గట్టిగా ఉంచడం ద్వారా మీ కాన్ఫిడెన్స్ ను చూపించవచ్చు. 

• పాదాలను నేలకు ఆనించి ఉంచాలి. పాదాలు భూమిపై ఆనించి ఉంచడం వలన బ్రెయిన్ ను ఆలోచనలకు ఇంటర్ కనెక్షన్ అన్నది ఒక థియరీ. కాబట్టి ఇంటర్వ్యూ సమయంలో పాదాలను నేలకు ఆనించి ఉంచండి. ఇక మహిళలైలే పాదాలను క్రాస్ గా పెట్టకుండా చూసుకొండి. 

• ఇంటర్వ్యూకు ముందు బలంగా గాలి పీల్చి, వదలడం చేస్తే మీరు చాలా రిలాక్స్ అవుతారు. దీని వలన బీపీ నార్మల్ గా ఉంటుంది. అంతా మంచి జరుగుతుంది అన్న పాజిటివ్ ఫీలింగ్ తో ఇంటర్వ్యూ గదిలోకి అడుగుపెట్టండి. 

• సందర్భాన్ని బట్టి మాత్రమే తల ఆడించాలి. అవతలి వాళ్లు చెప్తున్న విషయాన్ని మీరు శ్రద్ధగా వింటున్నారన్నదానికి అదే సంకేతం.  కానీ అదే పనిగా ఎక్కువగా తల ఆడించకుండా చూసుకోవడం కూడా చాలా ముఖ్యం. 

• ఇంటర్వ్యూ జరుగుతున్నప్పుడు కూర్చీలో కొద్దిగా ముందుకు వంగి, భుజాలను కాస్త వెనక్కు, చెస్ట్ కు కాస్త దిగువగా ఉండేలా చూసుకొండి. దీంతో అవతలి వాళ్లు మీ అప్రమత్తతను గుర్తిస్తారు. 

• ఇంటర్వ్యూలో మంచి ఆహార్యంతో పాటు అణుకువ కూడా ముఖ్యమని అభ్యర్ధులు గుర్తించాలి. ముఖ్యంగా ఆత్మవిశ్వాసం లేకపోవడం ఎంత నష్టం చేస్తుందో అలాగే అతి విశ్వాసం కూడా అంతే నష్టం చేస్తుంది.  

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                         You can send your Educational related articles to  careertimes.online1@gmail.com