ఒత్తిడి అస్సలు లేని ఉద్యోగాలు ఏంటో తెలుసా?

     ప్రస్తుతం ఉద్యోగం అంటేనే టార్గెట్లు, డెడ్‌లైన్లు. ఉదయం ఆఫీస్ కు వెళ్లిన దగ్గర్నుంచి సాయింత్రం ఇంటికి వచ్చేవరకూ మెడపై ఒత్తిడి అనే కత్తి వేలాడుతూ ఉంటుంది. కొందరు ఆఫీస్ పనిని ఇంటికి కూడా మోసుకొచ్చి తమ ఒత్తిడిని మరింత పెంచుకుని ఆరోగ్యాన్ని పాడుచేసుకుంటూ ఉంటారు. ఎంత ఒత్తిడి ఉన్నా ఉద్యోగం చేయక తప్పని పరిస్థితి కాబట్టి మనలో చాలామంది బండిని ఎలాగోలా నెట్టుకొస్తూ కాలం గడిపేస్తారు. కానీ ఉద్యోగంలో ఒత్తిడిని తగ్గించుకునే ప్రయత్నం చేయకుంటే మన కెరీర్, జీవితం రెండూ ఇబ్బందుల్లో పడొచ్చు. ఒత్తిడిని ఎలా ఫేస్ చేయాలన్న దానిపై గతంలో 'కెరీర్ టైమ్స్' పలు కథనాల్లో ముఖ్యమైన విషయాలను వెల్లడించింది. అయితే ఉద్యోగం అనే పరుగు పందెంలో ఒత్తిడిని ఎదుర్కొనే సామర్ధ్యం, ఇష్టం లేని వాళ్లు కొన్ని స్ట్రెస్ ఫ్రీ జాబ్స్ ను ఎంచుకోవచ్చు. ఈ ఉద్యోగాల్లో పెద్దగా ఒత్తిడి ఉండదు కనుక ఉద్యోగ జీవితం హాయిగా సాగిపోతుంది. ఒత్తిడి లేని అటువంటి ఉద్యోగాలు ఏంటో ఇప్పుడు మనం తెలుసుకుందాం. 

పొలిటికల్ ఎనలిస్ట్ 

     పొలిటికల్ సైన్స్, సోషియాలజీ, పబ్లిక్ అడ్మినిస్ట్రేషన్ లలో పీజీ చేసిన చాలా మంది విద్యార్ధులు తమ చదివిన చదువుకు పెద్దగా అవకాశాలు లేవని అనుకుంటూ ఉంటారు. కానీ అది తప్పు. కానీ కాస్త కృషి చేస్తే ఇందులో ఇప్పుడు అపారమైన అవకాశాలున్నాయి. ముఖ్యంగా రాజకీయ పార్టీలు, సర్వే సంస్థలు, ఎన్‌జీవో లు పొలిటికల్ సైన్స్ చదివి రాజకీయ అవగాహన ఉన్నవారికి రెడ్ కార్పెట్ పరుస్తున్నాయి. మన దేశంలో గల్లీకో రాజకీయ పార్టీ ఉంది. ప్రస్తుతం వీరికి ఎప్పటికప్పుడు రాజకీయ సమాచారం, శాస్త్రీయ విశ్లేషణ, ఎన్నికల సర్వేలు మొదలైనవి చాలా అవసరం. అందుకే ఇప్పుడు మన దేశంలో రాజకీయ విశ్లేషకులకు చాలా డిమాండ్ పెరిగింది. దేశంలోనే రాజకీయ విశ్లేషకుడిగా పేరు సాధించి, ప్రస్తుతం ఏపీలో జగన్ పార్టీకి రాజకీయ విశ్లేషకుడిగా పనిచేస్తున్న ప్రశాంత్ కిషోరే దీనికి ఉదాహరణ.  

బిజినెస్ కన్సల్టెంట్ 

       ప్రస్తుతం చాలా మంది ఉద్యోగం చేయడం కంటే సొంతంగా ఒక స్టార్టప్ పెట్టి ఎదగాలనుకుంటున్నారు. కానీ వ్యాపారంలో ఒక్కో కంపెనీ విభిన్న కారణాల వలన సమస్యలు వస్తాయి. ఆ సమస్యను గుర్తించడం కంపెనీ పెట్టిన వాళ్లకు గుర్తించడం చేతకాదు. ఆ సమస్య ఆర్థికమైనదా? లేక ఉద్యోగుల నైపుణ్యాల కొరతా? అన్నది తెలియదు. కానీ ఒక కంపెనీని అధ్యయనం చేసి అసలు సమస్య ఎక్కడ ఉందో చెప్పే వాళ్లే బిజినెస్ కన్సల్టెంట్స్.  రకరకాల కంపెనీల సమస్యల మీద పనిచేసే ఉద్యోగం కాబట్టి ఇది బోర్ కొట్టే ఛాన్సే లేదు. పైగా టెన్షన్ ఉండదు. సొంతంగా కన్సల్టెన్సీ పెట్టుకుని రాణించే అవకాశం ఉంది. 

జియో సైంటిస్ట్ 

     చమురు , సహజ వాయవులు, ఖనిజాల సంబంధించిన శాస్త్రీయ అంశాలపై వీరు పనిచేస్తారు. ముఖ్యంగా సర్వేలు చేసి ఒక సమగ్రమైన మోడళ్లను రూపొందిస్తారు. కంప్యూటర్  సాఫ్ట్‌వేర్ సహాయంతో సహాయంతో వీరు ఈ సర్వే పనిని పూర్తి చేస్తారు. జియోలాజికల్ ప్రాసెసింగ్ అండ్ మోడలింగ్ లో కాస్త పట్టు ఉంటే ఈ ఉద్యోగం ఎటువంటి ఒత్తిడి లేకుండా హాయిగా సాగిపోతుంది. వీరికి డిమాండ్ ఉంది కాబట్టి జీతం కూడా ఎక్కువే. బాగా పని తెలిసిన వారు ఏడాదికి రూ.25 లక్షలను కూడా సంపాదిస్తూ ఉంటారు. 

లైబ్రేరియన్ 

    ప్రశాంతంగా , ఏ బాదరబందీ లేకుండా ఉద్యోగం చేసుకోవాలనుకునే వారికి లైబ్రేరియన్ ఉద్యోగం పర్‌ఫెక్ట్ గా సూటవుతుంది. ఇందులో అస్సలు ఒత్తిడి అనేది ఉండదు. ప్రయివేట్ లైబ్రరీలతో పాటు, విద్యా సంస్థలు, రీసెర్చ్ సెంటర్స్ , ఇంజినీరింగ్ కాలేజీలు, గవర్న‌మెంట్ గ్రంధాలయాల్లో వీరికి బొలెడు అవకాశాలు. లైబ్రరీ సైన్స్ లో పీజీ చేసిన వారికి మంచి జీతంతో ఉద్యోగం దొరుకుతుంది. ఇంగ్లీష్ పై మంచి పట్టు, ప్రజెంట్ టెక్నికల్ స్కిల్స్ ఉంటే వీరి ఉద్యోగానికి ఢోకా ఉండదు. 

డైటీషియన్  

      ఈ మోడ్రన్ లైఫ్ లో ఆహారపు అలవాట్లు అనేవి చాలా కీలకంగా మారిపోయాయి. వేళకు తినకపోవడం, రాత్రుళ్లు పనిచేయడం, విపరీతమైన ఒత్తిడి ఈ జనరేషన్ కు పెద్ద సమస్యగా మారుతున్నాయి. దీని వలన డయోబెటిక్ సమస్యలతో పాటు ఊబకాయం కూడా వస్తోంది. దీంతో చాలా మందికి డైటీషియన్లను సంప్రదించాల్సిన పరిస్థితి ఏర్పడుతోంది. ఆధునిక జీవన డైటీషియన్ కెరీర్ కు మంచి అవకాశాలను కల్పిస్తోంది. హాస్పటల్స్, క్లీనిక్స్, పెద్ద స్కూళ్లలో డైటీషియన్స్ కు ఉపాధి దొరుకుతుంది. సొంతంగా క్లినిక్ పెట్టుకున్నా ఆదాయానికి ఢోకా ఉండదు. ఈ ఉద్యోగంలో కూడా పెద్దగా ఒత్తిడి లేకుండా సాఫీగా సాగిపోతుంది. 

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                            You can send your Educational related articles to  careertimes.online1@gmail.com