విభిన్నమైన ఉద్యోగం కావాలా? అయితే వీటిపై ఓ లుక్కేయండి!!

      ప్రస్తుతం అందరిలా ఏదో ఒక డిగ్రీ పూర్తి  చేసి, దాన్ని చూపించగానే ఉద్యోగం వచ్చే పరిస్థితి లేదు. కాస్త డిఫరెంట్ గా కొత్త తరహా కోర్సులు చేసి, విభిన్నంగా ఆలోచిస్తేనే జాబ్ సాధించేందుకు వీలు కలుగుతుంది. మార్కెట్లో డిమాండ్ కు అనుగుణంగా తనను తాను మలుచుకున్న వారికే అవకాశాలు తలుపు తడతాయి. నేను ఫలానా డిగ్రీ చేసాను కాబట్టి నాకు ఫలానా ఉద్యోగమే కావాలనుకుంటే ఎప్పటికీ నిరుద్యోగిగానే మిగిలిపోయే ప్రమాదం ఉంది. కాబట్టి కాస్త మనస్సు పెట్టి ఆలోచిస్తే మన మనసు నచ్చిన పని ఏంటో తెలుస్తుంది. దానికి అనుగుణంగా మార్కెట్లో డిమాండ్ కొన్ని కెరీర్ లను ఎంచుకుంటే ఈజీగా స్థిరపడవచ్చు. ట్రెండ్ ను పసిగట్టి విజయాన్ని అందుకోవడమే ఇప్పటి విద్యార్ధి చేయవలసిన ముఖ్యమైన పని. ప్రస్తుతం మన దేశంలో అలాంటి విభిన్నమైన కొన్ని కెరీర్ లకు మంచి భవిష్యత్ ఉంది. వీటిపై ఒక్కసారి దృష్టి పెట్టి ఆ పనిని ఆస్వాదించగలం అనుకుంటే స్టూడెంట్స్ ఇప్పుడు మనం చెప్పుకుంటున్న డిఫరెంట్ కెరీర్స్ పై ఫోకస్ చేయొచ్చు.

స్పా మేనేజ్‌మెంట్ 

     ఆధునికత, అభివృద్ధి పెరుగుతున్న కొద్దీ మనిషి మానసిక, శారీరక ఒత్తిడికి గురవుతున్నాడు. దీంతో ఒత్తిడి నుంచి రిలాక్స్ కావడానికి ఆరాటపడుతున్నాడు. దీంతో ఇటీవలి కాలంలో స్పా లకు మంచి డిమాండ్ పెరిగింది. హైదరాబాద్ లాంటి పెద్ద నగరాల్లో వందల సంఖ్యలో స్పాలు వెలుస్తున్నాయి. ఇందులో మసాజర్ లేక థెరఫిస్ట్ గా చేరితే నెలకు 30 వేలకు పైగా వేతనం పొందే అవకాశం ఉంది. అనుభవం సంపాదిస్తే సొంతంగా స్పాను ఏర్పాటు చేసుకోవచ్చు. రానున్న రోజుల్లో స్పా లు మరింత విస్తరిస్తాయని సర్వేలు చెపుతున్నాయి. కొన్ని పెద్ద స్పాలు నిపుణులను తయారు చేసేందుకు డిప్లొమో కోర్సులను అందిస్తున్నాయి.అదే విధంగా కేరళలోని కొన్ని ప్రతిష్టాత్మక సంస్థలు కూడా స్పా థెరపీ కోర్సులను ఆఫర్ చేస్తున్నాయి. 

రూరల్ స్టడీస్ 

   గ్రామీణ వాతావరణాన్ని ఇష్టపడేవారు, గ్రామాల్లో పనిచేయాలని ఆసక్తి ఉన్నవారు ఈ రంగాన్ని ఎంచుకోవచ్చు. ఇందులో బ్యాచిలర్ కోర్సును పూర్తిచేసిన వారికి చాలా అవకాశాలున్నాయి. రూరల్ అండ్ కమ్యూనిటీ డెవలప్‌మెంట్ కు సంబంధించిన రంగాల్లో ఉద్యోగాలు లభిస్తాయి. ప్రభుత్వ సంస్థలతో పాటు ప్రయివేట్ రంగంలోనూ ఉద్యోగాల కోసం ప్రయత్నించవచ్చు. ఇందులో ఎనిమల్ హస్బెండ్రీ, ఫర్మ్ మేనేజ్‌మెంట్, అగ్రికల్చర్, చైల్డ్ డవలప్‌మెంట్, ఎన్విరాన్ మెంట్ వంటి ఆసక్తికరమైన అంశాలు ఉంటాయి. 

ఫోటోనిక్స్ 

        ప్రస్తుతం మన దేశంలో ఫోటోనిస్ట్ ఇంజినీర్లకు విపరీతమైన డిమాండ్ ఉంది. ఆప్టికల్ టెక్నాలజీ, ఎలక్ట్రానిక్స్ కలగలిపి ఉండే కోర్సును పూర్తి చేస్తే ఫోటోనిస్ట్ గా స్థిరపడవచ్చు. ప్రభుత్వ రంగంతో పాటు ప్రయివేట్ రంగంలోనూ ఈ నిపుణులకు ఉద్యోగావకాశాలున్నాయి. కెరీర్ మరింత ముందుకు వెళితే ఫోటోనిస్ట్ సైంటిస్ట్ గా, రీసెర్చర్ గా రాణించవచ్చు. ప్రస్తుతం దేశంలోని చాలా ప్రతిష్టాత్మక సంస్థలు ఫోటోనిక్స్ కోర్సును అందిస్తున్నాయి. 

పెట్ గ్రూమింగ్ 

       ప్రస్తుతం చాలా మంది ధనవంతులు కుక్కలు, గుర్రాలు వంటి జంతువులను ప్రేమగా పెంచుకుంటున్నారు. జంతువులపై ప్రేమ ఉంటే మీరు దీన్ని ఒక కెరీర్ గా మలుచుకోవచ్చు. జంతువులకు సంబంధించిన హెల్త్ ఇష్యూలను హ్యాండిల్ చేయడం, వాటికి వ్యాక్సిన్ లు ఇవ్వడం వంటివి చేయాల్సి ఉంటుంది. పెట్ గ్రూమర్స్ కు మంచి డిమాండ్ ఉంది. ఇంటికి వచ్చి తమ జంతువులకు ప్రేమతో ట్రీట్‌మెంట్ చేయడంతో చాలా మంది పెట్ గ్రూమర్స్ ను ప్రిపర్ చేస్తున్నారు. ఈ ఉద్యోగాన్ని పార్ట్ టైమ్ గా కూడా చేసుకోవచ్చు. చాలా సంస్థలు పెట్ గ్రూమింగ్ కోర్సులను ఆఫర్ చేస్తున్నాయి. అందులో చేరి ఈ కెరీర్ కు పునాది వేసుకోవచ్చు. 

గేరంటాలజీ 

     ఇప్పుడు మన దేశంలో కూడా వృద్ధుల సంఖ్య క్రమంగా పెరిగిపోతోంది. దీంతో వృద్ధుల ఆరోగ్యంపై శ్రద్ధ తీసుకోవాల్సిన అవసరం  ఏర్పడింది. వృద్ధాప్యంలో వచ్చే సామాజిక, మానసిక మార్పులను గమనిస్తూ వారిని ప్రేమగా చూసుకునే మనస్తత్వం ఉన్న వాళ్లు ఈ కెరీర్ ను ఎంచుకోవచ్చు. గేరంటాలజీ కోర్సును పూర్తి చేస్తే చాలా సంస్థల్లో ఉద్యోగాలు రెడీగా ఉన్నాయి. ప్రయివేట్ కంపెనీలు, హెల్త్‌కేర్ ఏజెన్సీలు, ఓల్డ్ ఏజ్ హోమ్స్  లలో మంచి ఉద్యోగ అవకాశాలున్నాయి. 

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                      You can send your Educational related articles to  careertimes.online1@gmail.com