ఈ 5 ప‌ద్ధ‌తుల్లో చ‌దివితే ప‌రీక్ష‌ల్లో మీరే నెంబ‌ర్ వ‌న్!

     ప్ర‌స్తుత విద్యా విధానంలో విద్యార్ధుల‌ను ఎక్కువ‌గా ఒత్తిడికి గురి చేసేవి ప‌రీక్ష‌లే. యూనిట్లు, త్రైమాసిక ప‌రీక్ష‌లు, హాఫ్ ఇయ‌ర్ ఎగ్జామ్స్ , ఫైన‌ల్ ఎగ్జామ్స్ కు తోడు మాక్ టెస్ట్ లు, ఒలింపియాడ్లు అంటూ చాంతాడంత ప‌రీక్ష‌ల లిస్ట్ ఉంది. ఎప్ప‌టిక‌ప్పుడు పరీక్ష‌ల‌కు బాగానే ప్రిపేర్ అయినా తీరా ప‌రీక్ష హాల్లోకి అడుగుపెట్ట‌గానే చాలా మంది విద్యార్ధులు అన్నీ మ‌ర్చిపోతారు. పరీక్ష అనే కంగారులో బాగా చ‌దివిన స‌మాధానాలు కూడా స‌మ‌యూనికి గుర్తుకురావు. దీంతో అధిక శాతం మంది స‌రైన ఫ‌లితాల‌ను సాధించ‌లేరు. చ‌దివిన స‌బ్జెక్ట్ ను ఎటువంటి త‌డ‌బాటు లేకుండా పేప‌ర్ పై పెట్ట‌గ‌లిగే విద్యార్ధులే విజేత‌లుగా నిలుస్తారు. కొన్ని శాస్త్రీయ ప‌ద్ధ‌తుల్లో చ‌దివితే చ‌దివింది చాలా ప‌క్కాగా గుర్తుండిపోతుంది. ఇప్పుడు మ‌నం చెప్పుకోబోయే చిన్న చిన్న టిప్స్ ను పాటిస్తే విద్యార్ధులు ప‌రీక్ష‌లను బాగా రాయ‌గ‌లుగుతారు. అయితే వీట‌న్నింటినీ ఒక క్ర‌మ‌ప‌ద్ధ‌తిలో ప్ర‌ణాళిక ప్ర‌కారం ఆచ‌ర‌ణ‌లో పెడితేనే ఉప‌యోగం ఉంటుంది. చ‌దివింది ప‌రీక్ష హాల్లో త‌క్ష‌ణం గుర్తుకురావాలంటే ఏం చేయాలో ఇప్పుడు మ‌నం తెలుసుకుందాం. 

ప్రాక్టీస్ టెస్ట్ లు  

• పాత ప‌రీక్ష‌ల పేప‌ర్లు తీసుకుని ప్రాక్టీస్ చేయాలి. 
• నిజమైన ప‌రీక్ష లానే భావించి సీరియ‌స్ గా ఆన్స‌ర్స్ ఫిల్ చేయాలి. 
• ప్రాక్టీస్ టెస్ట్ ల వ‌ల‌న చేసిన పొర‌పాట్లు చాలా స్ప‌ష్టంగా తెలుస్తాయి. దీనివ‌ల‌న త‌ప్పులు దిద్దుకునేందుకు అవ‌కాశం ఉంటుంది. 
• ఇలా చేయ‌డం వ‌ల‌న అస‌లైన ప‌రీక్ష‌ల్లో త‌డ‌బాటు లేకుండా రాయ‌గ‌ల‌గుతారు. 

ఫ్లాష్ కార్డ్స్ 

• చ‌దివింది గుర్తుపెట్టుకోవ‌డంలో ఫ్లాష్ కార్డ్స్ చాలా బాగా ఉప‌యోగ‌ప‌డ‌తాయి. 
• ఫ్లాష్ కార్డ్స్ లో ఒకవైపు ప్ర‌శ్న‌, మ‌రోవైపు స‌మాధానం ఉంటాయి. 
• వీటిని ప‌దే ప‌దే చూడ‌టం వ‌ల‌న స‌బ్జెక్ట్ బాగా గుర్తుండిపోతుంది. 
• అదే విధంగా ఫ్లాష్ కార్డుల‌ వ‌ల‌న మెద‌డు కు సాధ‌న పెరిగి విష‌యం జ్ఞాప‌కం ఉండిపోతుంది. 
• ఫ్లాష్ కార్డ్స్ ను ప‌దే ప‌దే రిపీట్ చేయ‌డం వ‌ల‌న మెమరీ పెరుగుతుంది. విష‌యాన్ని త్వ‌రగా రీకాల్ చేసుకునేందుకు కూడా అవ‌కాశం ఉంటుంది. 

పాఠాల వీడియోలు

• విన‌డం కంటే చూడ‌టం అనేది చాలా ప్ర‌భావం చూపుతుంది. 
• ఒక విషయాన్ని శ్ర‌ద్ధ‌గా చూడ‌టం వ‌ల‌న త‌క్కువ స‌మ‌యంలోనే మెద‌డులోకి చేరుతుంది. 
• విద్యార్థులు పరీక్ష‌లను బాగా రాయాలంటే పాఠాల వీడియోల‌ను చూడ‌టం అన్న‌ది చాలా ఉప‌యోగ‌ప‌డుతుంది. 
• ప్ర‌స్తుతం ఇంట‌ర్నెట్ లో క్లాస్ రూమ్ పాఠాలకు సంబంధించి ఎన్నో వీడియోలు అందుబాటులో ఉన్నాయి. 
• యూట్యూబ్, ఇత‌ర సైట్ల‌లో ఉన్న స‌బ్జెక్ట్ వీడియోల‌ను చూస్తే ప‌రీక్ష‌లు బాగా రాసేందుకు అవ‌కాశం క‌లుగుతుంది. 

నోట్స్ ను రీరైట్ చేయ‌డం 

• చ‌దివింది బాగా గుర్తు పెట్టుకునే ప‌ద్ధ‌తుల్లో ప‌దే ప‌దే రాయ‌డం అన్న‌ది కూడా ఒక‌టి. 
• చ‌దివిన విష‌యాన్ని చేతితో తిరిగి రాయ‌డం వ‌ల‌న త్వ‌ర‌గా రీకాల్ అవుతుంది. 
• క్లాస్ రూమ్ లో పాఠం చెప్పిన‌ప్పుడే కాకుండా చ‌దివేట‌ప్పుడు , ఎగ్జామ్స్ కు ప్రిపేర్ అయ్యేట‌ప్పుడు కూడా రాసుకోవాలి. 
• నోట్స్ ను నెమ‌రు వేసుకుంటూ నీట్ గా రాసుకోవ‌డం వ‌ల‌న గ్రాస్పింగ్ ప‌వ‌ర్ పెరుగుతుంది. 
• ముఖ్యంగా క్లాస్ రూమ్ లో పాఠం వింటున్న‌ప్పుడు ముఖ్య‌మైన విష‌యాల‌ను బుల్లెట్స్ లా రాసుకోవ‌డం వ‌ల‌న త‌ర్వాత ఈజీగా చ‌దువుకునేందుకు అవ‌కాశం క‌లుగుతుంది. 

రివైజ్ చేయడం 

• ప‌రీక్ష‌ల‌కు ముందు స‌బ్జెక్ట్ ను ఒక‌సారి రివైజ్ చేసుకోవాలి. 
• చాలా మంది ప‌రీక్ష‌ల‌కు ముందు రివైజ్ చేయడం వ‌ల‌న ఉప‌యోగం ఉండ‌ద‌ని చెపుతూ ఉంటారు. కానీ అది నిజం కాదు.
• ప్ర‌తీ రోజూ కొంత స‌బ్జెక్ట్ ను రివైజ్ చేసుకోవ‌డం వ‌ల‌న ప్ర‌యోజ‌నం ఉంటుంది. 
• ప్లో చార్ట్ వంటి కొన్ని ప‌ద్ధ‌తుల‌ను పాటిస్తే రివైజ్ తో మంచి ఫ‌లితం ఉంటుంది. 

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                                  You can send your Educational related articles to  careertimes.online1@gmail.com