బిజినెస్ స్టార్ట్ చేయాలంటే ఈ 4 త‌ప్ప‌ని స‌రిగా కావాలి!!

    ఇటీవ‌లి కాలంలో యువ‌త‌రం ఉద్యోగం కంటే బిజినెస్ కే అధిక ప్రాధాన్య‌త‌నిస్తున్నారు. ఉద్యోగంతో ఎప్ప‌టికీ ఉన్న‌త వ‌ర్గంగా ఎద‌గ‌లేమ‌ని, మ‌ధ్య‌త‌ర‌గ‌తి వారిగానే ఉండిపోతామ‌న్న విష‌యాన్ని వారు గుర్తించారు. అందుకే ఈ జ‌న‌రేష‌న్  మెయిన్ గోల్ బిజినెస్. ఎన్ని క‌ష్టాలు ప‌డైనా స‌రే ఒక స్టార్ట‌ప్ ని పెట్టి దాన్ని విజ‌య‌వంతంగా న‌డ‌పాల‌నుకుంటున్న‌వాళ్లే ఎక్కువ‌. అయితే బిజినెస్ చేయాల‌న్న మంచి ల‌క్ష్యం ఉంటే స‌రిపోదు..ఎటువంటి క‌ష్టాన్ని అయినా ఓర్చుకునే ఓర్పు, పోటీని త‌ట్టుకోగ‌లిగే నేర్పు కూడా ఉండాలి.  వ్యాపారాన్ని స్టార్ట్ చేయాల‌నుకునేవాళ్లు కొన్ని విష‌యాల‌ను త‌ప్ప‌నిసరిగా అథ్య‌య‌నం చేయాల్సి ఉంటుంది.  బిజినెస్ స్టార్ట్ చేయాల‌న్న ఆలోచ‌న రాగానే ఇప్పుడు మ‌నం చెప్పుకోబోతున్న విష‌యాల‌పై పూర్తిగా అవగాహ‌న తెచ్చుకోవాలి. ఎందుకంటే యుద్ధం చేయాలంటే అన్ని నైపుణ్యం ఉంటే స‌రిపోదు, ఆయుధాలు కూడా ప‌దునుగా ఉండాలి. అలాగే బిజినెస్ చేయాల‌న్న కోరిక ఉంటే స‌రిపోదు..ఆ కోరిక‌ను నిజం చేసుకునే వ్యాపార నైపుణ్యాలు మీ ద‌గ్గ‌ర ఉండాలి. 

1. చేయ‌బోయే వ్యాపారంపై పూర్తి అవగాహన 

       ప్ర‌స్తుతం చాలా మంది మార్కెట్లో ఒక బిజినెస్ స‌క్సెస్ కాగానే అటువంటిదే మ‌రో బిజినెస్ ను స్టార్ట్ చేస్తున్నారు. ఇది ఎంత‌మాత్రం మంచి ఆలోచ‌న కాదు. మీరు ఒక బిజినెస్ ను స్టార్ట్ చేయాలంటే ఆ రంగంపై మీకు పూర్తిగా ప‌ట్టు ఉండాలి. అందులో ఉండే లోటు పాట్లు, లాభ న‌ష్ట‌లు అన్నింటిపై అవ‌గాహ‌న ఉండాలి. పులిని చూసి న‌క్క వాత పెట్టుకున్న చందంగా ఎవ‌రో ఫ‌లానా బిజినెస్ లో ఎక్కువ డ‌బ్బులు సంపాదిస్తున్నార‌ని మీరు కూడా అటువంటి బిజినెస్ నే స్టార్ట్ చేసేయ‌కండి. మీకు  ప‌ట్టులేని రంగంలో మీకు ఎదురు దెబ్బ‌లు త‌గ‌ల‌వ‌చ్చు.  

• మీరు ప్రారంభించ‌బోయే బిజినెస్ పై మీకు పూర్తి అవ‌గాహ‌న ఉండాలి. 
• ఆ  రంగంలో మీకు అనుభవం ఉంటే అది మ‌రింత ఉప‌యోగ‌క‌రంగా ఉంటుంది. 
• ఫ‌లానా రంగంలో లాభాలు వ‌స్తున్నాయ‌ని మీకు అస్స‌లు తెలియ‌ని బిజినెస్ ను స్టార్ చేయ‌కండి. 
• మీ వ్యాపారం టార్గెట్ ఏంటి?  మీరు ఎంచుకున్నరంగానికి సంబంధించి వినియోగ‌దారుల అభిరుచులు ఎలా ఉన్నాయి? అన్న వాటిపై అప్ డేట్ గా ఉండాలి. 
• వినియోగ‌దారుల అభిరుచులకు అనుగుణంగా మీ వ్యాపారం కూడా అప్ డేట్ కావాల్సిందే. 

2. నాణ్యత విష‌యంలో రాజీ లేని గుణం 

     కొత్త‌గా స్టార్ట‌ప్ పెట్టేవాళ్లకు ఎదుర‌య్యే మొద‌టి స‌వాలు న‌మ్మ‌కం. వినియోగ‌దారుడు మిమ్మ‌ల్ని, మీ ఉత్పత్తిని లేదా సేవ‌ల‌ను న‌మ్మేందుకు కొంచెం స‌మ‌యం ప‌డుతుంది.ఆ స‌మ‌యంలోనే మీరు జాగ్ర‌త్త‌గా ఉండాలి. వినియోగ‌దారుడికి ఎటువంటి అసౌక‌ర్యం క‌లుగ‌కుండా చూసుకోవాలి. లాభాలను కాస్త త‌గ్గించుకునైనా సరే మంచి ధ‌ర‌కు నాణ్య‌మైన వ‌స్తువుల‌ను, సేవ‌ల‌ను అందించాలి.

• మార్కెట్ ను ఎప్ప‌టిక‌ప్పుడు అంచనా వేయాలి. 
• వినియోగ‌దారుని న‌మ్మ‌కాన్ని చూర‌గొనేందుకు ప్ర‌య‌త్నించాలి. 
• త‌క్కువ ధ‌ర‌కు నాణ్య‌మైన వ‌స్తువుల‌ను అందుబాటులో ఉంచాలి. 
• మీకు కాస్త లాభాలు త‌గ్గినా స‌రే అవ‌స‌ర‌మైతే నాణ్య‌మైన సేవ‌ల‌నే అందించాలి. 
• మీరు వినియోగ‌దారుల న‌మ్మ‌కాన్ని సంపాదించుకుంటున్నారంటే మీరు లాభాల‌ను సాధిస్తున్న‌ట్టే. 

3. మార్పుకు సంసిద్ధంగా ఉండ‌టం 

      ఈ టెక్నాల‌జీ యుగంలో ఎప్ప‌టిక‌ప్పుడు మార‌కుంటే మ‌నుగ‌డ ఉండ‌దు. మార్కెట్లో ట్రెండ్ కు, వినియోగ‌దారుల అభిరుచుల్లో వ‌చ్చిన మార్పుల‌కు అనుగుణంగా వ్యాపారంలో మార్పులు చేసుకోవాలి. సీజ‌న్ ను కొత్త ఉత్ప‌త్తుల‌ను, సేవ‌ల‌ను ప్ర‌వేశ‌పెట్ట‌గ‌ల‌గాలి. ప్ర‌వేశ‌పెట్ట‌డంతోనే స‌రిపెట్ట‌కుండా వాటికి స‌రైన ప్రచారం క‌ల్పించాలి. అప్పుడే మీ బ్రాండ్ జ‌నాల్లోకి వెళ్తుంది. 

• ఈ జ‌న‌రేష‌న్ లో బిజినెస్ కు  ప్ర‌ధాన ఇంధ‌నం మార్పు. ట్రెండ్ కు అనుగుణంగా మార‌కుంటే మ‌నుగ‌డ క‌ష్టం. 
• వినియోగ‌దారులు ఏం కోరుకుంటున్నారో గ‌మ‌నిస్తూ వారికి అనుగుణంగా మీ ప్ర‌ణాళిక‌లు, ప్ర‌చారం ఉండాలి. 
• ముఖ్యంగా మీ బ్రాండ్ ను ప్ర‌జ‌ల్లోకి బ‌లంగా తీసుకెళ్లేందుకు అందుబాటులో ఉన్న అన్ని అవకాశాలను వాడుకోవాలి. 
• మార్కెట్లో మీ పోటీదారును ఓ కంట క‌నిపెడుతూ వాళ్ల కంటే అన్నింటా ముందు ఉండేందుకు ప్ర‌య‌త్నం చేయాలి. 

4. పెట్టుబ‌డిలో అప్ర‌మ‌త్త‌త  

       స్టార్టప్ పెట్టేవాళ్ల‌లో చాలా మంది ఆర్థిక విష‌యాల్లో పొర‌పాట్లు చేస్తూ ఉంటారు. త‌క్కువ ఖ‌ర్చుతో స‌రిపోయే ద‌గ్గ‌ర ఎక్కువ మొత్తాన్ని ఖ‌ర్చు చేస్తూ ఆర్థిక ఇబ్బందుల్లో చిక్కుకుంటూ ఉంటారు. అదే విధంగా ఖ‌ర్చు పెట్టాల్సిన సంద‌ర్భంలో పొదుపు పాటిస్తూ అవ‌కాశాల‌ను పొగొట్టుకుంటూ ఉంటారు. ఇటువంటి ఆర్థిక విష‌యాల్లో ప‌ట్టు సాధించ‌కుంటే వ్యాపారం ఇబ్బందులో ప‌డుతుంది. 

• చాలా మంది ప్ర‌చారానికి అతిగా ఖ‌ర్చుపెడుతూ ఉంటారు. అయితే ప్రారంభంలో ఈ విష‌యంలో కాస్త జాగ్ర‌త్త‌గా ఉండాలి. 
• ప్రారంభంలో ప్రచారం అవ‌స‌ర‌మే. కానీ అందుబాటులో ఉన్న మార్గాల‌ను అన్వేషించి ఖ‌ర్చు త‌గ్గించుకునే ప్ర‌య‌త్నం చేయాలి. 
• మీ ఉత్ప‌త్తి, సేవ‌ల‌పై వినియోగ‌దారులకు న‌మ్మ‌కం క‌లిగి వ్యాపార కాస్త కుద‌ట‌ప‌డ్డాక అప్పుడు ప్ర‌చారాన్ని ముమ్మ‌రం చేయాలి. 
• వ్యాపారాభివృద్ధి కోసం రుణం తీసుకోవ‌డం మంచిదే అయినా అతిగా రుణాలు ఉండ‌టం మీ లాభాల‌ను దెబ్బతీస్తుంది. 

     ఇప్పుడు మ‌నం చెప్పుకున్న ఈ విష‌యాల‌ను జాగ్ర‌త్త‌గా ప‌రిశీలించి త‌గిన ప్ర‌ణాళికతో బిజినెస్ స్టార్ట్ చేస్తే క‌చ్చితంగా విజ‌యం సాధిస్తారు.  

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                           You can send your Educational related articles to  careertimes.online1@gmail.com