జీఎస్టీ - మానవ సంబంధాలు !?
వ‌స్తు,సేవ‌ల ప‌న్ను (జీఎస్టీ)..ఇప్పుడు ఎక్క‌డ ఏ ఇద్ద‌రు క‌లుసుకున్నా దీని గురించే చ‌ర్చ. ఒకటే ప‌న్ను, ఒకటే దేశం నినాదంతో కేంద్ర ప్ర‌భుత్వం ప్ర‌వేశ‌పెట్టిన జీఎస్టీ వ‌ల‌న సామాన్య ప్ర‌జ‌ల‌కు కొన్ని లాభాలుంటే మ‌రికొన్ని న‌ష్టాలూ ఉన్నాయి. అందుకే ఇప్పుడు జీఎస్టీ అనేది అతిపెద్ద చ‌ర్చనీయాంశ‌మైన విష‌యంగా మారిపోయింది. అయితే జీఎస్టీ అనేది ఆర్ధిక సంబంధ‌మైన విష‌యం క‌దా? మ‌రి దీనికి మానవ సంబంధాల‌కు ఏంటి సంబంధం అన్న సందేహం రావ‌చ్చు. మ‌నిషి జీవితాన్ని ప్ర‌భావితం చేసే ప్ర‌తీ విష‌యం మానవ సంబంధాల‌తో ముడిప‌డి ఉంటుంది. మ‌నం స‌రిగ్గా ఉప‌యోగించుకోక‌పోవ‌డం వ‌ల‌న అటువంటి విష‌యాలు మ‌రుగున‌ప‌డిపోతాయి. మానవ సంబంధాల విష‌యంలో మ‌నం జాగ్ర‌త్త‌గా వ్య‌వ‌హ‌రించే వ్య‌క్తులు జీవితంలో అత్యున్న‌త స్థాయికి చేరుకోవ‌డం సుల‌భ‌త‌ర‌మ‌వుతుంది. అందుకే కెరీర్ లో అయినా లైఫ్ లో అయినా మానవ సంబంధాల నిర్వ‌హ‌ణే అత్యంత కీల‌క‌మైన విష‌యం. మ‌న రోజువారీ జీవితంలో జీఎస్టీ ప్ర‌భావాన్ని త‌గ్గించుకుంటూనే అదే స‌మ‌యంతో తోటివారితో, స‌న్నిహితుల‌తో మ‌న సంబంధాలను ఎలా మెరుగుప‌ర్చుకోవ‌చ్చ‌న్న విష‌యాలను తెలుసుకుందాం.
వాట‌ర్ బ్యాటిల్ తో బెట‌ర్ రిలేష‌న్!
వాట‌ర్ బాటిల్ కు హ్యూమ‌న్ రిలేష‌న్ ఏంటి సంబంధం అనుకుంటున్నారా? జీఎస్టీ వ‌చ్చాక కాదేదీ ప‌న్నుకు అన‌ర్హం అన్న‌ట్టు తాగే నీటిపై కూడా ప‌న్ను విధించారు. మ‌నం ఎక్క‌డైనా షాప్ లో వాట‌ర్ బాటిల్ కొన్నామంటే దానిపై 18% జీఎస్టీ చెల్లించాల్సి ఉంటుంది. బాటిల్ పై అన్ని ప‌న్నులు క‌లిపి అని పైన ధ‌ర ఉండ‌టం వ‌ల‌న మ‌న‌లో చాలా మందికి ఈ విష‌యం తెలియ‌దు. అధిక శాతం మంది రైళ్ల‌లో , బ‌స్సులో ప్ర‌యాణం చేసిన‌ప్పుడు మంచినీటి బాటిల్ ను వెంట‌తీసుకొని వెళ్ల‌రు. అక్క‌డే స్టేష‌న్ లేదా ప్ర‌యాణంలో కొన‌క్కుంటూ ఉంటారు. అలా కాకుండా మీరు వాట‌ర్ బాటిల్ ను ఇంటి నుంచే తీసుకెళ్లారంటే 18% జీఎస్టీని త‌గ్గించుకునే వీలుంది. అదే సమయంలో మీ ఇంటినుంచే మంచినీళ్లు తీసుకెళ్ల‌డం వ‌ల‌న మీ తోటి ప్ర‌యాణికుల‌కు దాహం వేస్తే వారికి నీటిని ఆఫర్ చేయొచ్చు. దీని వ‌ల‌న వాళ్లతో మంచి సంబంధాలు ఏర్ప‌డ‌తాయి. ఒకవైపు జీఎస్టీని త‌గ్గించుకుంటూనే మ‌రోవైపు తోటివారితో ఆప్యాయ‌పూర్వ‌క అనుబంధాన్ని కొన‌సాగించేందుకు వీలు క‌లుగుతుంది. తోటి వారితో ప్రేమ‌పూర్వ‌క సంబంధాలను పెంచుకునేందు, అన‌వ‌స‌ర ప‌న్ను భారాన్ని త‌ప్పించుకునేందుకు ఇక‌పై మీరు ప్ర‌యాణాల్లో వాట‌ర్ బాటిల్ ను క్యారీ చేయడం మ‌ర్చిపోకండి.
ఇన్ స్టంట్ తిండి.. సంబంధాల‌కు గండి!
ఎదుటి వ్య‌క్తిని చూసి ప‌ల‌క‌రింపుగా ఒక చ‌క్క‌ని చిరున‌వ్వు న‌వ్వి చూడండి. దాని ప్ర‌భావం ఎంత ఉంటుందో. ఇక ప్ర‌యాణాల్లో తోటి ప్ర‌యాణికుల‌తో మంచి సంబంధాలను క‌లిగి ఉంటే ప్ర‌యాణం బోర్ కొట్ట‌కుండా సాఫీగా సాగిపోతుంది. మ‌నం ఇందాక చెప్పుకున్న‌ట్టు ప్ర‌యాణానికి బ‌య‌లుదేరే ముందు మ‌నం వాట‌ర్ బాటిల్ తో పాటు ఇంటి నుంచి తిండి తీసుకొని వెళ్ల‌డం కూడా మానేస్తున్నాం. ప్ర‌యాణాల్లో ఇన్ స్టంట్ ఫుడ్ కొనుక్కుని తిన‌డం చాలా మందికి ఫ్యాష‌న్ గా మారిపోయింది. ఇప్పుడు ఇలా స్టేష‌న్ లో , రైళ్ల‌లో ఇన్ స్టంట్ ఫుడ్ తిండే జీఎస్టీ ప‌న్నుకు తోడు ఆరోగ్యం కూడా పాడ‌వుతుంది. అలా కాకుండా ఇంటి నుంచే ఆహారాన్ని తీసుకెళ్ల‌డం వ‌ల‌న ప‌న్ను భారాన్ని త‌గ్గించుకోవ‌డం, ఆరోగ్యాన్ని పెంచుకోవ‌డంతో పాటు మానవ సంబంధాలను కూడా పెంపోందించుకోవ‌చ్చు. అది ఎలా అంటారా? ట‌్రైన్ లో బ‌స్ లో మీతోటి ప్ర‌యాణికుల‌కు ఫుడ్ ను ఆఫర్ చేయడం వ‌ల‌న వాళ్ల‌కు మీకు మధ్య మంచి రిలేష‌న్ ఏర్ప‌డుతుంది. అప‌రిచితులు ఇచ్చిన ఫుడ్ ను తినొద్దు క‌దా మ‌రి మ‌నం అలా ఇచ్చేందుకు వీలు లేదు క‌దా అని మీర‌నుకొవ‌చ్చు. వాళ్ల‌కు ఫుడ్ ను ఆఫర్ చేయ‌క‌పోయినా మీరు చూపించే ఆప్యాయ‌త వాళ్ల‌ను మీకు ద‌గ్గ‌ర చేస్తుంది.
బిగ్ బాస్కెట్ లో రిలేష‌న్స్ ను కొన‌లేరు!
మానవ సంబంధాలు మ‌నిషికి ఎంత ముఖ్య‌మో తెలియ‌జేసే ఒక హృద్య‌మైన క‌థ ఉంది. 'ఉద్యోగ విర‌మ‌ణ చేసిన ఒక వృద్ధుడు ఇంట్లో ఒంట‌రిగా ఉంటున్నాడు. అత‌నికి కొడుకు ఉన్న‌ప్ప‌టికీ అత‌ను ఉద్యోగ‌రీత్యా దూర ప్రాంతంలో ఉన్నాడు. ఒంట‌రి జీవితం గడుపుతున్న ఈ వృద్ధుడు ఇరుగుపొరుగు వాళ్లతో, త‌న‌కు పాలు పోసే పాల‌వాడితో, కూర‌గాయ‌లు అమ్మేవాడితో ఇలా అంద‌రినీ ఆప్యాయంగా ప‌లుకరించేవాడు.ఒకరోజు గుండెపోటు రావ‌డం వ‌ల‌న అత‌ను ఇంట్లో ఉన్నచోటునే కుప్ప‌కూలిపోయాడు. ప్ర‌తీ రోజూ ఉద‌యం బ‌య‌ట‌కు వ‌చ్చి అంద‌ర్నీ న‌వ్వుతూ ప‌లక‌రించే ఆ వృద్ధుడు ఒకరోజు బ‌య‌టికి రాలేద‌ని లోప‌ల‌కు వెళ్లిన పాల‌వాడు,కూర‌గాయ‌ల వాడు అత‌న్ని ఆ స్థితిలో చూసి వెంట‌నే ఆసుప‌త్రిలో జాయిన్ చేసారు. దీంతో అత‌ను ప్రాణాల‌తో బ‌య‌ట‌ప‌డ్డాడు.' ఇది క‌థ అయినా నిజ‌మైన ఘ‌ట‌న అయినా మానవ సంబంధాలు ఎంత ముఖ్య‌మో తెలియ‌జెప్పే ఒక ప్ర‌త్య‌క్ష ఉదాహ‌ర‌ణ. మీరు బిగ్ బాస్కెట్ లోనో. లేక రిల‌య‌న్స్ ప్రెష్ లోనో, హెరిటేజ్ లోనో కూర‌గాయ‌లు కొనుగోలు చేసినా వాళ్ల‌కు మీకు మధ్య ఉన్న‌ది కేవ‌లం వ్యాపార సంబంధ‌మే కానీ మానవ సంబంధం కాదు. అలా కాకుండా వీధిలోకి వ‌చ్చే కూర‌గాయ‌లు బండి వాళ్ల ద‌గ్గ‌ర, ఇత‌ర చిరు వ్యాపారులు ద‌గ్గ‌ర వ‌స్తువులు కొనుగోలు చేస్తే వాళ్లతో మంచి సంబంధాలను పెంచుకోవ‌చ్చు. అదే సమయంలో జీఎస్టీ భారాన్ని కూడా తగ్గించుకోవచ్చు. బ్రాండ్స్ ను ప‌క్క‌న పెట్టి చిన్న షాప్స్ , వ్యాపారులు ద‌గ్గ‌ర కొనుగోలు చేస్తే మంచి సంబంధాలను నిర్మించుకునేందుకు అవ‌కాశం ఏర్ప‌డుతుంది.
మ‌ల్టీఫెక్స్ లు మ‌ల్టీపుల్ ఆత్మీయుల‌ను అందించ‌వు!
చాలా ముఖ్యమైన విష‌యం ఇది. మీరు ఒక రూపాయిని పొదుపు చేసారు అంటే మీరు ఒక రూపాయిని సంపాదించిన‌ట్టే. డ‌బ్బును దుబారా చేయ‌కుండా అవ‌స‌ర‌మైన చోట మాత్రమే ఖ‌ర్చు చేసేవాడే ఆర్థిక ఉన్న‌తిని సాధించ‌గ‌లుగుతాడు. ఇప్పుడు హైద‌రాబాద్ వంటి పెద్ద న‌గ‌రాల్లో చాలా కుటుంబాలు శ‌ని,ఆదివారాల్లో ఇంట్లో వంట చేయడం మానేస్తున్నారు. ఖ‌రీదైన రెస్టారెంట్ల‌లో తింటూ అది త‌మ తాహ‌తుకు చిహ్నంగా భావించుకుంటున్నారు. ఇది స‌రైన విధానం కాదు. ఇటువంటి అవ‌స‌ర‌పు ఆర్భాటాల వ‌ల‌న ఏసీ రెస్టారెంట్ల‌లో తిండిపై 28% జీఎస్టీని చెల్లించాలి. అలా కాకుండా ఇంటి ద‌గ్గ‌రే వంట చేసుకుని స‌న్నిహితుల‌ను భోజ‌నానికి పిలిస్తే అటు జీఎస్టీని తగ్గించుకోవచ్చు ఇటు మాన‌న సంబంధాలను పెంచుకోవ‌చ్చు. అన్నింటికంటే ముఖ్యంగా ఇంటి భోజ‌నంతో ఆరోగ్యం మెరుగ్గా ఉంటుంది.
- డ‌బ్బులు ఖ‌ర్చుపెట్టి భారీ హాలీడే ప్యాక్ లు కొనే బ‌దులు సొంత ఊరికి లేదా స‌న్నిహితుల ఉన్న ప‌ల్లెటూరికి వెళ్లండి.
- దీని వ‌ల‌న జీఎస్టీ ని భారాన్ని తగ్గించుకోవచ్చు. మీ ఆత్మీయుల‌తో స‌మ‌యాన్ని గ‌డిపి వారితో మంచి సంబంధాలను పెంచుకోవ‌చ్చు.
- బ్రాండ్స్ బ‌ట్ట‌ల కోసం వేల‌కు వేలు ఖ‌ర్చు పెట్ట‌కుండా ఆ డ‌బ్బుతో మీ సొంత ఊరిలో పేద‌ల‌కు బ‌ట్టుల కొనిస్తే ఎంతో మేలు.
- ఇలా చేయడం వ‌ల‌న జీఎస్టీ త‌గ్గించుకుంటారు. అదే సమయంలో మీ ఊళ్లో ఉన్న పేద‌ల‌తో మంచి రిలేష‌న్ ఏర్ప‌డుతుంది.
వీటితో పాటు పెద్ద హోట‌ల్స్ కు వెళ్లి మార్నింగ్ టిఫిన్స్ చేయ‌కుండా మీ వీధిలో ఉండే చిన్న హోట‌ల్స్ లో బ్రేక్ ఫాస్ట్ చేస్తే జీఎస్టీ ఉండ‌దు క‌నుక డ‌బ్బులు ఆదా అవుతాయి అదే సమయంలో ఆ చిన్న వ్యాపారుల‌తో మీకు మంచి రిలేష‌న్ ఏర్ప‌డుతుంది. అలాగే టూర్స్ లో పెద్ద పెద్ద హోట‌ల్స్ కు కాకుండా ప్ర‌కృతిలో మ‌మేకం అయ్యే విధంగా చిన్న చిన్న హోట‌ల్స్ ను ఎంచుకోవ‌డం, పెద్ద పెద్ద మ‌ల్టీఫెక్స్ ల‌కు కాకుండా చిన్న థియేట‌ర్ల‌కు వెళ్లి సినిమా చూస్తే జీఎస్టీని త‌గ్గించుకోవ‌డంతో పాటు క‌నీసం తోటి వారితో మాట్లాడే అవ‌కాశం కూడా క‌లుగుతుంది. చిన్న థియేటర్ల‌లో మాత్రమే ప్రేక్ష‌కుల నిజ‌మైన స్పంద‌న‌ను తెలుసుకునే వీలు క‌లుగుతుంది. అన్ని వ‌ర్గాల ప్ర‌జ‌ల‌తో స‌న్నిహితంగా మెలిగే అవ‌కాశం క‌లుగుతుంది. మానవ సంబంధాలను మెరుగుప‌ర్చుకునే వీలు ఉంటుంది.
You can send your Educational related articles to careertimes.online1@gmail.com
ఈ ఫీచ‌ర్ పై గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.
97006 09135
You can send your Educational related articles to careertimes.online1@gmail.com
Comments
Post a Comment