బ్యాడ్ కోలీగ్స్ ను హ్యాండిల్ చేయడం తెలుసా?

     మనం ఎంత దూరంగా జరుగుదాం అనుకున్నా కొన్ని విషయాలు, కొందరు వ్యక్తులు ఎప్పుడూ మనకు అతి సమీపంలోనే ఉంటారు. వాళ్లతో సరిగ్గా వ్యవహరించడం రాకుంటే జీవితంలో ఎదుగుదలపై ప్రతికూల ప్రభావం పడుతుంది. ముఖ‌్యంగా ఆఫీస్ లో మనతో పాటు పనిచేసే సహోద్యోగులను తీసుకుంటే వాళ్లతో మనం జీవిత కాలంలో చాలా సమయాన్ని గడుపుతాం. ఇంకా చెప్పాలంటే కుటుంబ సభ్యుల కంటే వీళ్లతోనే ఎక్కువ సమయాన్ని పంచుకుంటాం. ఇంతటి కీలకమైన కోలీగ్స్ విష‍యంలో మనకు చాలా ఇబ్బందులు ఎదురవుతాయి. మంచి వాళ్లు, అర్ధం చేసుకునే వాళ్లు, మంచి వాళ్లతో ఎటువంటి సమస్యా ఉండదు. కానీ గొడవలు రేపేవారు, చాడీలు చెప్పేవారు, పని తప్పించుకునే వాళ్లతో చాలా మంది ఉద్యోగులకు సమస్యలు ఏర్పడతాయి. దీని వలన తన పనితో పాటు వీరు చేసే పనుల వలక మరింత ఒత్తిడి కలుగుతుంది. ఇటువంటి కోలీగ్స్ తో ఎలా వ్యవహరించాలో తెలియకుంటే ఇబ్బందులు పడటం ఖాయం. సహోద్యోగుల వలన మన మనసు నొచ్చుకోకుండా, ఒత్తిడి కలుగకుండా పనిచేయాలంటే మనం చెప్పుకుంటున్న జాగ్రత్తలు తీసుకోవాలి.  

టైం పాస్ కబుర్లు చెప్పేవాళ్లకి దూరంగా ఉండండి! 

• పోసుకోలు కబుర్లు వలన సమయం వృధా అవుతుంది. 

• మెదడు ఆలోచించే శక్తిని కోల్పోయి, పనిచేయాలన్న మూడ్ పాడవుతుంది. 

• ఇవి పెద్ద కీడు చేయకున్నా ఒక్కోసారి వీటి వలను ఇబ్బందులు తప్పవు. 

• పోసుకోలు కబుర్లు చెప్పేవాళ్లని నొప్పించకుండా ఆ సంభాషణను వేరే వైపు మళ్లించేందుకు ప్రయత్నించండి. 

• వాళ్ల మాటలకు ప్రభావితమై మీ పక్క ఉద్యోగులకు చెప్పేందుకు  ప్రయత్నించకండి. 

2. పనిదొంగలకు బుద్ధి చెప్పండి!

• గ్రూప్ గా పనిచేస్తున్నప్పుడు కొందరు పనిచేయకుండా తప్పించుకుంటారు. 

• ఇటువంటి వాళ్ల వలన మీపై పని భారం పెరుగుతుంది. 

• పని భారం వలన ఒత్తిడి కలుగుతుంది. 

• ఇలాంటి పనిదొంగలతో ఎట్టి పరిస్థితుల్లోనూ గొడవ పడకండి. 

• మీకు కలుగుతున్న ఇబ్బందిని మీ పై అధికారికి తెలియజేయండి. 

3. నిరాశావాదులకు దూరం జరగండి! 

• పాజిటివ్ థింకింగ్ ఉన్న వ్యక్తులనే ఎప్పుడూ మీ పక్కన ఉంచుకోండి. 

• నిరాశావాదులకు ఎంత దూరంగా ఉంటే అంత మంచిది. 

• నిరాశావాదులు దిగే విమర్శల వలన ఎటువంటి ఉపయోగం ఉండదు. 

• వాళ్లు మాత్రం ఎప్పుడూ మిమ్మల్ని కిందకు లాగేందుకు ప్రయత్నిస్తూ ఉంటారు. 

• వాళ్ల ప్రవర్తను మీరు మార్చలేరు కనుక వాళ్లతో వాదించవద్దు. 

• వాళ్లలోని నిరాశావాదానికి ఎప్పుడూ దూరంగా ఉండి, మీ ఆశావాదాన్ని పెంపోదించుకోండి. 

4. ఎప్పుడూ కంప్లైంట్స్ చేసేవాళ్లతో జాగ్రత్తగా ఉండండి!

• మీ పక్కనే కూర్చొని ప్రతీ చిన్న విషయానికి ఫిర్యాదులు చేసే కోలీగ్స్ తో మీకు ఒత్తిడి కలుగుతుంది. 

• ఇలా కంప్లైంట్స్ చేసే వాళ్లు వాళ్ల ప్రతికూల ఆలోచనలను మీకు కూడా అంటించగలరు. 

• దీని వలన పనిపై దృష్టి పెట్టడం వీలు కాక ఒత్తిడి కలుగుతుంది. 

• వీళ్ల ఫిర్యాదులు మరీ మితిమీరితే సున్నితంగా హెచ్చరించండి. 

• ఈ ఫిర్యాదులు నాకు చెప్పొద్దు, హెచ్ఆర్ మేనేజర్ తో మాట్లాడమని మీ కోలీగ్ కు సూచించండి. 

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                           You can send your Educational related articles to  careertimes.online1@gmail.com