ఈ 'మూడు సింహాల కథ' చదివితే మీ లైఫ్ మారిపోతుంది!

     'ఒక స‌ర్క‌స్ కంపెనీలో మూడు సింహాలు ఉండేవి. భారీ ఆకారంలో చూడటానికి గంభీరంగా ఉంటే ఈ సింహాలు రింగ్ మాస్ట‌ర్ చెప్పిన‌ట్టు విన్యాసాలు చేస్తూ వీక్ష‌కుల‌ను అల‌రించేవి. అయితే ఉన్న‌ట్టుండి ఒక‌రోజు స‌ర్క‌స్ లో జంతువులను హించించ‌రాదంటూ ప్ర‌భుత్వ ఉత్త‌ర్వులు వెలువ‌డ్డాయి. దీంతో స‌ర్క‌స్ కంపెనీలు వాళ్లు ఇక చేసేదేం లేక ఆ సింహాల‌ను తీసుకెళ్లి ద‌గ్గ‌ర్లో ఉన్న అడ‌విలో విడిచిపెట్టేశారు. అయితే ఒక ప‌ది రోజుల పోయాక మీడియా వాళ్ల‌కు, స‌ర్క‌స్ కంపెనీ వాళ్ల‌కు ఒక షాకింగ్ విష‌యం తెలిసింది. అదేంటంటే ఆ మూడు సింహాలను అడ‌వి కుక్క‌లు వేటాడి చంపి తినేసాయి. అడ‌వికి రాజుగా పిల‌వ‌బ‌డే సింహాలు కేవ‌లం అడ‌వి కుక్క‌ల చేతిలో చావ‌డ‌మా? ఇలా ఎందుకు జ‌రిగింద‌ని ఆరా తీస్తే తెలిసిన విష‌యం ఏంటంటే...వేటాడటం, ఆహారాన్ని సంపాదించుకోవ‌డం సింహాల స‌హ‌జ ల‌క్ష‌ణం, కానీ ఈ 3 సింహాలు స‌ర్క‌స్ కంపెనీలో రెడీమెడ్ గా ఆహారాన్ని తిన‌డానికి అల‌వాటుప‌డ్డాయి. క‌ష్ట‌ప‌డ‌కుండా ఆహారం దొర‌క‌డం వ‌ల‌న‌ వేటాడ‌టం అనే త‌మ స‌హ‌జ ల‌క్ష‌ణాన్ని కోల్పోయాయి. చివ‌రికి అడ‌వి కుక్క‌ల చేతిలో చ‌చ్చాయి'. ఈ ఉదంతంతో మ‌నం నేర్చుకోవాల్సిన నీతి ఏంటి?  జీవితం అనేది క‌ష్టసుఖాల క‌ల‌యిక‌. క‌ష్ట‌ప‌డ‌కుండా ఈ ప్ర‌పంచంలో ఏదీ మ‌న‌ ద‌రికి చేర‌దు. క‌ష్ట‌ప‌డి సాధించుకున్న దానికే విలువ ఉంటుంది. రాతి యుగం నుంచి ఇప్ప‌టి ఆధునిక యుగం వ‌ర‌కూ మ‌నిషి ఎంత అభివృద్ధి సాధించినా క‌ష్ట‌ప‌డి సాధించుకోవ‌డం, దాన్ని అనుభ‌వించ‌డం అన్న మూల సూత్రం ఆధారంగానే మ‌నుగ‌డ సాగించ‌గ‌లుగుతున్నాడు. అది పూర్తిగా మ‌ర్చిపోయిన రోజున స‌ర్క‌స్ సింహాల్లా ప‌త‌నం అయిపోతాడు. 

మీ పిల్ల‌ల్ని స‌ర్క‌స్ సింహాలుగా మార్చ‌కండి!

     ఈ ఆధునిక యుగంలో త‌ల్లిదండ్రులు త‌మ పిల్ల‌ల‌ను ఎటువంటి క‌ష్టం లేకుండా పెంచాల‌ని ఆశ‌ప‌డుతున్నారు. అయితే స‌రిగ్గా ఇక్క‌డే పేరెంట్స్ పిల్ల‌ల పెంప‌కంలో ఒక పెద్ద త‌ప్ప‌ట‌డుగు వేస్తున్నారు. పిల్ల‌ల్ని బాగా పెంచ‌డానికి , క‌ష్టం లేకుండా పెంచ‌డానికి మ‌ధ్య ఉన్న వ్య‌త్యాసాన్ని గుర్తించ‌లేక చ‌తికిల‌ప‌డుతున్నారు. త‌మ పిల్ల‌వాడ్ని స‌ర్క‌స్ సింహాల తీరుగా పెంచి వాళ్ల వ్య‌క్తిగ‌త ఎదుగుద‌ల‌ను చేజేతులా సంక్షోభంలోకి నెడుతున్నారు. ప్రాచీన కాలంలో విద్యార్ధికి ఏం నేర్చుకుంటున్నామ‌న్న‌దే ముఖ్యంగా ఉండేది. సౌక‌ర్యాలు, వ‌స‌తి, భోజ‌నం వంటి విష‌యాలు చిన్న‌విగా ఉండేవి. మ‌హారాజు కొడుకైనా స‌రే గురువు గారి ద‌గ్గ‌ర ఆశ్ర‌మంలో ఉండి అక్క‌డ జీవ‌న విధానాన్ని అల‌వాటు చేసుకుని, అక్కడ పెట్టిందే తిని చ‌దువును కొన‌సాగించేవారు. కానీ ప్ర‌స్తుత ఆధునిక యుగంలో ప‌రిస్థితి ఎలా ఉంది అంటే..మీ స్కూల్లో ఏసీ ఉందా?  మా పిల్ల‌ల‌ను స‌రిగ్గా చూసుకునేందుకు ఎంత‌మందిని నియ‌మించారు?  త‌ల్లిదండ్రులు ఇటువంటి ప్ర‌శ్న‌లు వేస్తున్నారు. త‌మ పిల్ల‌వాడికి ఏ క‌ష్టం రాకుండా ఏసీ రూమ్ లో చ‌దువుకోవాల‌ని అనుకుంటున్నారు కానీ త‌మ పిల్ల‌ల‌కు చిన్న క‌ష్టాన్ని కూడా ఓర్చుకోలేని ఒక పిరికిపంద‌గా త‌యారు చేస్తున్నామ‌ని ఊహించ‌లేక‌పోతున్నారు. మ‌న ప్రాచీన విద్యా విధానం విద్య భోధ‌న ఎలా ఉండాలో ఒక న‌మూనాను అందించినా దాన్ని విస్మ‌రించి సౌక‌ర్యాలు, స‌దుపాయాల పేరిట జీవితంలో చిన్న‌ సంక్షోభం వ‌స్తే జావ‌గారిపోయే త‌రాన్ని త‌యారుచేసుకుంటున్నాం. 

ఇన్‌స్టంట్ తిండి తింటే ఇక వేటాడ‌టం ఎప్పుడు నేర్చుకుంటారు!

        ఇప్పుడు ప్ర‌తీది ఇన్‌స్టంట్ అయిపోయింది. ఒక పండును వ‌లుచుకుని దానిలో ఉన్న విత్త‌నాల‌ను తొలిగించి జాగ్ర‌త్త‌గా తినే ఓపిక‌, నేర్పు ఏ పిల్ల‌ల‌కు ఉండ‌ట లేదు. మార్కెట్ కు వెళ్లి ప్యాకేజ్డ్ జ్యూస్ కొనుక్కోవ‌డం తాగేయ‌డం.. ఇంతే. ప్ర‌కృతి సిద్ధంగా వ‌చ్చే ఆహార‌ప‌దార్ధాలు.. వాటిని తినాలంటే ప‌డాల్సిన చిన్న చిన్న కష్టాలు, ఆటంకాలు ఇవేమీ ఈ త‌రానికి తెలీడం లేదు. స‌వివ‌రంగా తెలియ‌జేయాల్సిన త‌ల్లిదండ్రులు త‌మ పిల్ల‌ల‌కు ఏ మాత్రం క‌ష్టం అంటే ఏంటో తెలియ‌కూడ‌ద‌ని, చిటిక‌లో దొరికే ప్యాకేజ్డ్, ఇన్‌స్టంట్ ఫుడ్ అందిస్తున్నారు. దీంతో ప్ర‌స్తుత ఆధునిక త‌రం ఒక ప్ర‌మాద‌ర‌క‌రమైన స్థితిలోకి మెల్ల‌గా జారిపోతోంది. చిన్న‌తనం నుంచి ఎటువంటి క‌ష్టం లేకుండా అస‌లు క‌ష్టం ఏంటో తెలియ‌కుండా పెరుగుతున్న పిల్ల‌లు, పెద్ద‌య్యాక ఏదైనా క‌ష్టం వ‌స్తే త‌ట్టుకునే శ‌క్తిని కోల్పోతున్నారు. చిన్న చిన్న విష‌యాల‌నే మేనేజ్ చేసుకోలేక ఆత్మ‌హ‌త్య‌లు చేసుకుంటున్నారు. సంక్షోభం వ‌చ్చిన‌ప్పుడు ఎదురొడ్డి ఎలా నిల‌బడాలి అన్న ప్రాథ‌మిక పాఠం నేర్చుకోక‌పోవ‌డం వాళ్ల పాలిట శాపంగా మారుతోంది. కష్టపడకుండానే ప్రతీ పనీ జరిగిపోవాలని కోరుకోవడమే అసలు సమస్యకు మూలకారణం. కష్టం అనేది జీవితంలో ఒక భాగం. చేదు అనేది లేనప్పుడు తీపి విలువ ఎలా అయితే తెలియదో. కష్టం లేనప్పుడు సుఖం కు విలువ లేదు. కష్ట సుఖాలను సమన్వయం చేసుకుంటూ పయనం సాగించినప్పుడు జీవితంలోని మజా తెలుస్తుంది. 

వేగంగా పరిగెత్తాలనుకున్నప్పుడు పడినా లేవడం తెలియాలి! 

       ప్రస్తుతం చాలా మంది తల్లిదండ్రులు తమ పిల్లలను కార్లలో స్కూల్స్ కు డ్రాప్ చేస్తారు. స్కూల్లో ఏసీ, ఇంటికి రాగానే మళ్లీ ఏసీ, కనీసం పండు తొక్కతీయడం రాకుండానే ఇన్‌‌స్టంట్ జ్యూసెస్. ఆహారాన్ని తయారు చేసుకోనవరం లేకుండానే ఇన్‌స్టంట్ ఫుడ్. పిల్లల రోజువారీ జీవితంలో కష్టమన్న విషయం ఎక్కడన్నా ఉందా? ఇది ఎంత అన్యాయం. తమ పిల్లలకు కష్టం కలగుకూడదని భావిస్తున్న ప్రతీ పేరెంట్స్ తమకు తెలియకుండానే తమ పిల్లలకు చేస్తున్న అన్యాయం. కష్టం అనేది ఒక ఫీలింగ్. ఆ ఫీలింగ్ ను పిల్లలకు తల్లిదండ్రులు నేర్పించాలి. స్కూల్ దగ్గరగా ఉంటే నడిచి వెళ్లేలా, లేదా సైకిల్ పై వెళ్లేలా వాళ్లను తయారు చేయండి. నడిచి వెళ్లినప్పుడు లేదా సైకిల్ పై వెళ్లినప్పుడు పడే కష్టాన్ని వాళ్లు ఫీల్ కావాలి. కొందరు తల్లిదండ్రులు ఇంకో రకమైన వాదన చేస్తారు. ఈ మోడ్రన్ యుగంలో వాళ్లకు అన్ని సౌకర్యాలు కల్పిస్తేనే కదా. మంచి ఉద్యోగాలు సాధించి జీవితంలో స్థిరపడతారు. అని అంటారు. అవును వాళ్లు మంచి ఉద్యోగం సాధిస్తారు. కానీ జీవితంలో స్థిరపడలేరు. జీవితంలో స్థిరపడటం అంటే అసలు జీవితం అంటే ఏంటో తెలియడం. అసలు చిన్న కష్టమంటో ఏంటో తెలియని వాడు రేప్పొద్దున ఉద్యోగం పోయో, లేక వ్యక్తిగత జీవితంలో సంక్షోభం వచ్చో, లేక ఇతర ఇబ్బందలు వచ్చినప్పుడు వాటిని ఓర్చుకోవడం తెలియదు. ఎలా మేనేజ్ చేసుకోవాలో అస్సలు తెలియదు.  ఫలితం మానసిక దౌర్భల్యాలు, ఆత్మహత్యలు. వేగంగా పరిగెత్తే ఒక మంచి అథ్లెట్ ను తయారు చేయాలంటే ముందుగా పడినా వెంటనే లేచే సామర్ధ్యం ఉణ్నవాడ్నే కోచ్ ఎంపిక చేస్తాడు. మధ్యలో పడిపోతే నిరాశతో అక్కడితో ఉండిపోయే వాడు ఎంతటి ప్రతిభావంతుడైనా కోచ్ కు అవసరం లేదు. ఎందుకంటే రేసులో వెనుకబడినా మానసిక సైర్ధ్యంతో ముందుడుగు వేయాల్సి ఉంటుంది. అలాగే జీవితం కూడా ప్రతీ ఒక్కర్నీ ఎప్పుడో ఒకప్పుడు కింద పడేస్తుంది. అలాంటప్పుడు వెంటనే లేచి పరుగు పెట్టడం తెలియకపోతే ప్రకృతి సూత్రాల ప్రకారం మనుగడకు అర్హత లేని వాడిగా పరిగణించబడతావు. 

జీవితంలో తీపి తెలియాలంటే కష్టాల చేదును తాగండి! 

     తమ పిల్లలకు కష్టం విలువ తెలియజేయడంలో తల్లిదండ్రులదే కీలకపాత్ర. వాళ్లకు చిన్న చిన్న కష్టాలకు, ఇబ్బందులకు అలవాటు పడేలా వ్యవహరించాలి. పిల్లల భవిష్యత్ బాగుండాలంటే వాళ్లకు మంచి చదువుతో పాటు కష్టాన్ని నేర్పి దాన్ని ఓర్చుకునే విధానం తెలియజేయండి. చాలు. ఇక విద్యార్ధులు కూడా చిన్న విషయాలకు సౌకర్యాల వెంటపడటం మాని కష్టపడి సాధించుకోవడం నేర్చుకోవాలి. చిన్న చిన్న దూరాలకు తల్లిదండ్రులను డబ్బులు అడగకుండా నడిచి వచ్చేయడం అలవాటు చేసుకోవాలి. వేసవి సెలవుల్లో ఉద్యోగం చేసి కష్టం విలువ, డబ్బు విలువ తెలుసుకోవాలి. ప్రతీ ఫెయిల్యూర్ కి నిరాశలో కూరుకుపోకుండా తర్వాత కచ్చితంగా సాధిస్తా అన్న సానుకూల ఆలోచనలతో ముందడుగు వేయాలి.  అవసరం అనుకుంటే ఈ విషయంలో టీచర్స్, మెంటార్స్ సహాయం తీసుకోండి. ఒక్క కష్టానికే జీవితం ఎప్పుడూ అంతం అయిపోదు. జీవితం మనకు ఎన్నో అవకాశాలు ఇస్తుంది. కష్టపడి పనిచేసి దాన్ని అందుకుని అప్పుడు ఆ విజయాన్ని ఆస్వాదించాలి. అప్పుడు ఆ విజయం కూడా కిక్ ఇస్తుంది. కాబట్టి సర్కస్ సింహాల మాదిరి కష్టం అంటే తెలియకుండా ఇన్‌స్టంట్ ఫుడ్ కు ఇన్‌స్టంట్ జీవితానికి అలవాటు పడకండి. కష్టాన్ని ఎదిరించి కష్టాన్ని దాటుకుని వేటాడి వెంటాడి విజయాన్ని సాధించండి. కష్టాలను ఎదుర్కొనే సామర్ధ్యం మీకున్నప్పుడు లైఫ్ ఈజ్ బికమ్ పర్‌ఫెక్ట్ .

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                         You can send your Educational related articles to  careertimes.online1@gmail.com