బిగ్ బాస్ కావాలనుకుంటున్నారా? అయితే ఈ 5 విషయాలు నేర్చుకోండి!!
ఒక ఉన్నతమైన వ్య‌వ‌స్థ నిర్మాణంలో స‌మ‌ర్ధ‌వంతమైన నాయ‌క‌త్వానిదే కీల‌క పాత్ర. నాయ‌కుడు స‌మ‌ర్ధుడు అయినప్పుడు సంస్థ‌లు ఉన్నతమైన ప‌నితీరును క‌న‌బరుస్తాయి. బృందాల‌ను విజయవంతంగా న‌డిపే నాయ‌క‌త్వాన్ని ఆధారం చేసుకునే ప్ర‌స్తుతం కార్పోరేట్ వ్య‌వ‌స్థ మ‌నుగ‌డ సాగిస్తోంది. అందుకే ఇప్పుడు మంచి నైపుణ్యాల‌తో పాటు నాయ‌క‌త్వ ల‌క్షణాలు ఉన్న‌వారికి జాబ్ మార్కెట్లో మంచి డిమాండ్ ఉంది. మీరు ఒక విభిన్న మ‌న‌స్తత్వాలు, నేప‌థ్యాలు ఉన్న ఒక టీమ్ ను విజయవంతంగా న‌డిపగ‌లిగితే అది మీ స‌మ‌ర్ధ‌త‌కు గుర్తింపుగా నిలిచిపోతుంది. నాయ‌క‌త్వ ల‌క్ష‌ణాలతో ఒక్క కెరీర్ వెలిగిపోవ‌డ‌మే కాదు వ్యక్తిగత జీవితంలోనూ కుటుంబాన్ని చ‌క్క‌గా న‌డిపేందుకు అది ఎంత‌గానో దోహ‌దం చేస్తుంది. అందుకే ఇప్పుడు విదేశాల్లో నాయ‌క‌త్వ లక్షణాలను ఒక పాఠ్యాంశంగా తీసుకుని వాళ్ల విద్యా వ్య‌వ‌స్థ‌లో దాన్ని ఒక భాగంగా చేస్తున్నారు. ఈ విష‌యంలో మ‌న దేశం ఇప్ప‌టికీ వెనక‌బ‌డే ఉంది. ఇప్పుడు మ‌నం చెప్పుకోబోతున్న విషయాలు నాయ‌క‌త్వ లక్షణాలను పెంపోదించుకునేందుకు, కెరీర్ లో ఉన్న‌త స్థానానికి చేరుకునేందుకు ఎంత‌గానే ఉప‌యోగ‌ప‌డ‌తాయి. టీమ్ లీడ‌ర్ గా మీ స‌త్తాకు ప‌రీక్ష ఎదురైన‌ప్పుడు మీ స‌మ‌ర్ధ‌త‌ను నిరూపించుకునేందుకు ఇప్పుడు మ‌నం చెప్పుకుంటున్న 5 జాగ్రత్తలు తీసుకోండి.
1. క్లిష్ట స‌మయాల్లో సంయ‌మ‌నం పాటించండి!
మీ బాధ్య‌త‌ల‌ను స‌క్ర‌మంగా నిర్వ‌ర్తిస్తున్నా, బృందాల‌ను స‌రైన విధంగా న‌డిపిస్తున్న‌ప్ప‌టికీ కొన్ని సార్లు మీకు స‌వాళ్లు ఎదుర‌వుతాయి. ఎందుకంటే ఒక్కోసారి బృందంలోని ఉద్యోగుల మధ్య వ‌చ్చే అభిప్రాయ‌బేధాలు, క‌ల‌హాలు మీకు ఇబ్బందిగా మారుతాయి. ఈగో దెబ్బ‌తిన‌డంతో ఉద్యోగుల‌ను ఒక‌ర్ని ఒకరు దెబ్బ‌తీసుకునేందుకు ప్ర‌య‌త్నాలు చేస్తూ ఉంటారు. దీని వ‌ల‌న కంపెనీ మేనేజ్ మెంట్ తో టీమ్ లీడ‌ర్ కు ఇబ్బంది ఎదుర‌వుతుంది. మీ టీమ్ లో ఉద్యోగుల‌ను హ‌ర్ట్ చేయ‌కుండా, క‌ఠినంగా ఉండకుండా, ప్ర‌జాస్వామ్య ప‌ద్ధ‌తుల్లోనే స‌మ‌స్య‌ను ప‌రిష్క‌రించాల్సి ఉంటుంది. వాళ్ల‌తో పాటు మీరు కూడా ఉద్వేగాల‌కు లోనైతే కంపెనీపై మీపై న‌మ్మ‌కాన్ని కోల్పోతుంది. అది మీ కెరీర్ కు న‌ష్టాన్ని చేకూరుస్తుంది. కొన్ని జాగ్రత్తలు తీసుకుంటే ఇటువంటి ఇబ్బందిక‌ర ప‌రిస్థితిని అధిగ‌మించవ‌చ్చు.
- ఉద్యోగుల మధ్య బేధాభిప్రాయాలు త‌లెత్తిన‌ప్పుడు విష‌యాన్ని సామ‌రస్యంగా ప‌రిష్క‌రించేందుకు ప్ర‌య‌త్నించండి.
- ఎవ‌రి ఒక‌రి వాద‌న విని ఒక‌రి ప‌క్క మీరు ఉన్న‌ట్టు మిగిలిన వారికి సంకేతాలు ఇవ్వ‌కండి.
- నాయ‌కుడు అనే వాడు ఎవ‌రి ప‌క్షం వ‌హించ‌డు. వ‌చ్చిన ఇబ్బందిని ఫిర్యాదుగానే చూడటం నేర్చుకోండి.
- ఫిర్యాదు రాగానే ఒక అభిప్రాయానికి వ‌చ్చి తీర్పు ఇచ్చేయ‌కండి.
- అంద‌రి వాద‌న‌లను, వారి వారి దృష్టికోణాల‌ను ఓపిగ్గా వినండి.
- విష‌యాన్ని నిశితంగా ప‌రిశీలించి త‌ప్పు ఎవ‌రిదో స‌రిచూసుకుని అప్పుడు త‌గిన నిర్ణ‌యం ప్ర‌క‌టించండి.
- అవ‌స‌ర‌మైన సంద‌ర్భాల్లో క‌ఠిన నిర్ణ‌యాలు తీసుకునేందుకు వెన‌కాడ‌వ‌ద్దు.
నాయ‌క‌త్వ ల‌క్ష‌ణాల్లో ఇది అత్యంత ముఖ్య‌మైన‌ది. మాజీ రాష్ట్ర‌ప‌తి, దివంగ‌త అబ్దుల్ క‌లాం దీన్ని బాగా ప్రచారం చేసారు. ఈ విష‌యాన్ని తాను త‌న పై అధికారుల నుంచి నేర్చుకున్నాన‌ని ఆయ‌న యువ‌త‌తో స‌మావేశ‌మైన ప‌లు సంద‌ర్భాల్లో చెప్పారు. నాయ‌క‌త్వ లక్షణం అంటే ఫ‌లితం పొంద‌డం కాదు. ఒక్కోసారి అప‌జ‌యాలు ఎదుర‌వుతాయి. అలాంటి స‌మ‌యంలో మొత్తం ఫ‌లితాన్ని త‌న‌పై వేసుకుని త‌న టీమ్ ను ర‌క్షించుకునే ప్ర‌య‌త్నం చేయాలి. అలాగే మంచి ఫ‌లితాలు వ‌చ్చిన‌ప్పుడు క్రెడిట్ మొత్తం త‌న ఒక్క‌డే తీసుకోకుండా త‌న ఉద్యోగుల‌కు కూడా పంచ‌గ‌ల‌గాలి. ఇటువంటి లక్షణం ఉన్న నాయ‌కుడ్ని ఉద్యోగులు ప్రేమిస్తారు. విశ్వ‌సిస్తారు. క‌ష్ట స‌మ‌యంలో ప‌నిని బాధ్య‌తాయుతంగా చేసేందుకు ముందుకు వ‌స్తారు. ఉద్యోగుల మ‌న‌సు గెలుచుకోవ‌డ‌మే కంపెనీ యొక్క నిజ‌మైన విజ‌యం. త‌న కింద ఉన్న సహోద్యోగులను ఆక‌ట్టుకుని వాళ్ల‌తో మంచి ఉత్పాద‌క‌త‌ను తీసుకురావ‌డ‌మే నాయ‌కుని నాయ‌క‌త్వ సామ‌ర్ధ్యానికి గీటురాయి.
3. న‌మ్మ‌కం ఉంచండి..న‌మ్మ‌కాన్ని గెల్చుకోండి!
మ‌నం ఇప్పుడు చెప్పుకుంటున్న నాయ‌క‌త్వ ల‌క్ష‌ణాల్లో ఈ టిప్ టీమ్ లీడ‌ర్స్ తో పాటు ఇది ఎంట‌ర్ ప్రెన్యూర్స్ కు బాగా ఉప‌యోగ‌ప‌డుతుంది. జీవితంలో న‌మ్మ‌కం అనేది చాలా ముఖ్యం అది వ్యక్తిగత జీవితం కావచ్చు వృత్తిగ‌త జీవితం కావొచ్చు. మ‌న రోజువారీ జీవితంలో మ‌నం ఎవ‌ర్నో ఒక‌ర్ని న‌మ్మాల్సిందే. ఎవ‌ర్నీ న‌మ్మ‌కుండా ప్ర‌తీ ఒక్క‌ర్నీ అనుమాన‌పు దృక్కోణంలో చూస్తే కొద్ది రోజుల‌కు మ‌న‌ల్నే ఎవ‌రూ న‌మ్మ‌కుండా పోతారు.
- మీ నాయ‌క‌త్వం మ‌రింత‌గా మెరుగుప‌డాలంటే ముందుగా మీ సహోద్యోగులను, మీ కింద ప‌నిచేసే వారిపై న‌మ్మ‌కాన్ని ప్ర‌ద‌ర్శించండి.
- మీరు మీ కింద వాళ్ల‌పై మంచి న‌మ్మ‌కం పెట్టుకున్నార‌ని వాళ్ల‌కు తెలిసేలా చేయండి.
- ప్ర‌తీ రోజూ మీ టీం మెంబ‌ర్స్ ఏం వ‌ర్క్ చేస్తున్నారు? ఎలా ప‌ని చేస్తున్నార‌ని వేధించ‌కుండా..వాళ్ల‌కే కొన్ని బాధ్య‌త‌లు అప్ప‌గించండి.
- చిన్న చిన్న విషయాలను, బాధ్య‌త‌ల‌ను వాళ్ల‌కే వ‌దిలేయండి.
- త‌మ‌పై బాస్ న‌మ్మ‌కం పెట్టుకున్నాడ‌ని తెలిస్తే ప్ర‌తీ ఉద్యోగీ బాధ్య‌తాయుతంగా ప‌నిచేసేందుకు ప్ర‌య‌త్నిస్తాడు.
- అలా అని గుడ్డిగా న‌మ్మ‌కం పెట్టుకుని పూర్తిగా ప‌ర్య‌వేక్ష‌ణ లేకుండా వ‌దిలేయడం కూడా మంచిది కాదు. నాయ‌కుడికి న‌మ్మ‌కం, ప‌ర్య‌వేక్ష‌ణ‌ను స‌మ‌న్వ‌యం చేసుకోవ‌డం తెలియాలి.
4. ప్ర‌తీ విష‌యంలోనూ పార‌ద‌ర్శ‌కంగా ఉండండి!
ఎటువంటి సంద‌ర్భంలో అయినా మీ నిగ్ర‌హాన్ని కోల్పోకుండా చూసుకోవ‌డం తప్పనిసరి. క‌ళ్ల‌కు, మ‌న‌స్సు మధ్య స‌మ‌న్వ‌యం చేసుకోవ‌డం మంచి నాయ‌కునికి చాలా ముఖ్యం. ఉదాహ‌ర‌ణ‌కు ఒక ఉద్యోగి త‌ప్పు చేసి మీ ముందు నిల‌బ‌డితే లేదా అత‌ను ఎవ‌రిపైన అయినా ఫిర్యాదు చేస్తే మీరు స‌హ‌నం కోల్పోకూడ‌దు. అత‌నికి అర్ధ‌మ‌య్యే రీతిలో న‌చ్చ‌చెప్పి అత‌ను ఏం పొర‌పాటు చేస్తున్నాడో అర్ధ‌మ‌య్యే విధంగా తెలియ‌జేయాలి. కోపాన్ని ,అస‌హ‌నాన్ని ప్ర‌ద‌ర్శించ‌డం అంటే మీ కింద ప‌నిచేసే వారిని మీరు దూరం చేసుకోవ‌డ‌మే. ఈ విష‌యంలో త‌గిన జాగ్రత్తలు తీసుకోవాలి.
5. స్ఫూర్తిని నింపాలి!
5. స్ఫూర్తిని నింపాలి!
మీకున్న ల‌క్ష్యాలు, అంచ‌నాల‌కు అనుగుణంగా త‌న క్రింద ఉద్యోగుల‌తో ప‌ని చేయించుకోవ‌డం అనే అద్భుత‌మైన క‌ళ‌ని ఔపోస‌న ప‌ట్ట‌డం నాయ‌కునికి ఉండాల్సిన మ‌రో ముఖ్యమైన లక్షణం. ఈ విష‌యంలో ప్ర‌తీ రోజూ వాళ్ల‌లో స్ఫూర్తిని ర‌గిలించ‌గ‌ల‌గాలి. ఒత్తిడి లేని ప‌ద్ధ‌తుల్లో అనుకున్న ల‌క్ష్యాల‌ను ఎలా సాధించాలో అన్న విష‌యాన్ని మీ ఉద్యోగుల‌తో చ‌ర్చించాలి. ఈ క్ర‌మంలో వాళ్ల అభిప్రాయాల‌కు కూడా ప్రాధాన్య‌త‌నివ్వాలి. ల‌క్ష్యాల‌ను సాధించిన‌ప్పుడు గెలుపులో వాళ్ల‌కు క్రెడిట్స్ ఇవ్వాలి. స్పూర్తిని నింపే నాయ‌కులు ఉన్న‌ప్పుడు ఎంత‌టి క‌ష్ట‌మైన ప‌ని ఉన్నా అది సుసాధ్య‌మ‌యి తీరుతుంది. మ‌నం ఇప్పుడు చెప్పుకున్న ఈ లక్షణాలను అల‌వ‌ర్చుకుంటే మీరు కూడా మంచి నాయకునిగా అంత‌కు మంచి మంచి వ్య‌క్తిగా ఎదిగేందుకు అవ‌కాశం ఏర్ప‌డుతుంది.
ఈ ఫీచ‌ర్ పై గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.
97006 09135
You can send your Educational related articles to careertimes.online1@gmail.com
Comments
Post a Comment