మంచి కాలేజీని ఎంచుకునే 'మూల సూత్రాలు' ఇవే.!!
కొత్త విద్యా సంవ‌త్స‌రం ప్రారంభమైంది. మ‌ళ్లీ ఎప్ప‌టిలా విద్యార్ధులు, తల్లిదండ్రుల హ‌డావుడి షురూ. మంచి కాలేజీని ఎంచుకోవ‌డం అన్నది విద్యార్ధులకు ఎద‌ర‌య్యే మొద‌టి స‌వాలు. భ‌విష్య‌త్ ను మ‌లుపు తిప్పే డిగ్రీని ఏదో మూమూలు సాదాసీదా కాలేజీలో పూర్తి చేస్తే గెలుపు ప‌రుగు కుంటుప‌డే ప్ర‌మాదముంది. దీంతో కాలేజీ ఎంపిక అనేది ఇప్పుడు చాలా ముఖ్యమైన విష‌యంగా మారిపోయింది. మార్కెట్లో క‌ల్తీ స‌రుకులున్న‌ప్పుడు కొనుగోలుదారు ఎంతో అప్ర‌మ‌త్తంగా ఉండాల్సిన ప‌రిస్థితి ఏర్ప‌డుతుంది క‌దా? అదే విధంగా సందుకో కాలేజీ ఉన్న‌ప్పుడు అందులో స‌రైన కాలేజీని ఎంచుకోవ‌డం చాలా కీల‌కం. ఎందుకంటే డిగ్రీలో ఆ మూడు నాలుగేళ్ల చ‌దువే విద్యార్ధి జీవితాన్ని డిసైడ్ చేస్తుంది. కొన్ని జాగ్రత్తలు తీసుకుని స‌మాచారాన్ని బేరీజు వేసుకుంటే కాలేజీ ఎంపిక సులువ‌వుతుంది. మంచి కాలేజీని గుర్తించేందుకు కెరీర్ టైమ్స్ మీకు కొన్ని క్లూ ల‌ను అందిస్తోంది. వాటిపై ఓ క‌న్నేయండి మ‌రి.
1. నిర్దిష్ట కాల‌క్ర‌మం
మంచి యాజ‌మాన్య ల‌క్ష‌ణాలతో ప‌క్కా ప్రొఫెష‌న‌ల్ గా ఉండే కాలేజీలు కాల క్ర‌మ విష‌యాలైన ప్రారంభం, గ‌డువు స‌మ‌యాలపై చాలా క‌ఠినంగా ఉంటాయి. గ‌డువులు పొడిగించ‌డం కానీ ముందుగా ముగించ‌డం కానీ ఎట్టి ప‌రిస్థితుల్లోనూ చేయ‌వు. ద‌ర‌ఖాస్తులు ఏ తేదీ వ‌ర‌కూ తీసుకుంటాం, పీజు కట్టేందుకు గ‌డువు తేది, ఎంపిక కాబ‌డిన వారి జాబితా ప్ర‌క‌ట‌న, త‌ర‌గ‌తులు ఎప్పుడు మొద‌ల‌వుతాయి అన్న విషయాలను ముందుగా చెప్పిన తేదీల‌కే క‌చ్చితంగా ప్ర‌కటిస్తాయి. ఈ విషయంలో అల‌స‌త్వాన్ని ఎట్టి ప‌రిస్థితుల్లోనూ ప్ర‌ద‌ర్శించ‌వు. ముందుగా ప్ర‌క‌టించిన తేదీల‌ను త‌రచుగూ మారుస్తూ ఉండే కాలేజీల‌తో కాస్త జాగ్ర‌త్త వ‌హించాలి.
కాలేజీ ఎంపికలో మరికొన్ని జాగ్రత్తలు
- కాలేజీ నిర్వాహకుల గత చరిత్ర, అనుభవం, విద్యార్హతలు
- నిర్వాహకులకు విద్యారంగంపై ఉన్న విజన్
- నిర్వాహకుల ఆర్థిక వనరులు, ఆర్థిక పరిపుష్ఠి
- వారికి సమాజంలో గల గౌరవ మర్యాదలు
- కాలేజీ బ్రాండ్ ఇమేజ్
- విద్యాసంస్థలకు ప్రభుత్వ గుర్తింపుతో పాటు వివిధ సంస్థల గుర్తింపును పరిశీలించాలి.
- విద్యాసంస్థలో చదువుతున్న తల్లిదండ్రుల ఆర్థిక స్థితిగతులు
2. వైవిధ్యం
మీరు నిశితంగా గ‌మ‌నిస్తే ప్ర‌ఖ్యాత కాలేజీల్లో వివిధ రాష్ట్రాల నుంచి వ‌చ్చిన విద్యార్ధులు, టీచ‌ర్స్ ఉంటారు. ఒక ప‌ద్ధ‌తి ప్రకారం వైవిధ్యానికి పెద్ద‌పీట వేస్తారు. అదే విధంగా స్త్రీ, పురుష నిష్పత్తి విషయంలో కూడా జాగ్రత్తలు తీసుకుంటారు. అన్ని వ‌ర్గాల వారు, అన్ని రాష్ట్రాల వారు అక్క‌డ చ‌దువుకునేందుకు అనువైన ప‌రిస్థితులు క‌ల్పిస్తారు. అదే విధంగా ఆహారం, సంప్ర‌దాయాల విషయంలో విద్యార్ధులకు ఎటువంటి ఇబ్బందులు క‌లుగుకుండా చూసుకుంటారు. ఎటువంటి వివ‌క్ష‌కు తావులేకుండా అంద‌దు విద్యార్ధులు సోద‌ర‌భావంతో మెల‌గాల‌న్న సందేశాన్నిచాటి చెప్పేవిధంగా క్యాంపస్ ను తీర్చిదిద్దుతారు. వివ‌క్ష‌ను పెంచి పోషించే కాలేజీల్లో మీ పిల్ల‌ల‌ను జాయిన్ చేయ‌క‌పోతేనే మంచిది.
- కాలేజీలో అన్ని వాతావరణ పరిస్థితులకు అనువైన విశాలమైన నిర్మాణాలు ఉండాలి.
- గ్రంధాలయాల్లో విభిన్న పుస్తకాలతో పాటు జాతీయ, అంతర్జాతీయ మేగజైన్ లు
- ప్రమాదరహితమైన ప్రయోగశాలలు
- అన్ని సౌకర్యాలున్న సెమినార్ హాళ్లు
- కాలేజీ లో విద్యార్ధుల సంఖ్యకు సరిపోయేలా విశాలమైన క్రీడా మైదానాలు
కాలేజీలోనే నైపుణ్య‌మున్న విద్యార్ధుల‌ను ఎంపిక చేసుకునేందుకు వీలుగా మంచి కంపెనీల‌ను కాలేజీకి ర‌ప్పించి క్యాంపస్ ఇంట‌ర్వ్యూల‌ను నిర్వ‌హించే కాలేజీల‌ను ఎంచుకోవాలి. ఎంపికకు వ‌చ్చే సంస్థ‌ల్లో అన్ని రంగాల‌కు చెందినవి ఉంటేట‌ట్టు చూసుకోవ‌డం చాలా ముఖ్యం. మీరు ఎంచుకునే కాలేజీ ఈ విధంగా విభిన్న రంగాల కంపెనీల‌ను క్యాంపస్ ఇంట‌ర్వ్యూల‌కు ర‌ప్పించ‌గ‌ల‌గాలి. ఏదో ఒకటి రెండు రంగాల‌కే ప‌రిమిత‌మైతే ఉప‌యోగం లేదు. ఆటోమొబైల్, బ్యాంకింగ్ మొదలుకుని ఎఫ్ఎమ్ సీజీ వంటి విభిన్న రంగాలు క్యాంపస్ ఇంట‌ర్వ్యూలో ఉండాలి. విద్యార్ధికి ఆస‌క్తి ఉన్న రంగాన్ని ఎంచుకునే వెసులుబాటు క్యాంపస్ ప్లేస్ మెంట్ లో ఉంటే అది మంచి కాలేజీగా గుర్తించ‌వ‌చ్చు.
కాలేజీ ఎంపికలో ఇవి కూడా ముఖ్యమే
- పారిశ్రామిక వాడలకు దూరంగా కాలేజీలు ఉండాలి.
- బార్ అండ్ రెస్టారెంట్లు, సినిమా థియేటర్లు, క్లబ్బులకు దూరంగా ఉండాలి.
- విప్లవ భావాలు, ఇతర నిషేధిత భావాలు విద్యార్ధులపై పడని విధంగా కాలేజీ వాతావరణం ఉండాలి.
- హాస్టల్, క్యాంటీన్ సౌకర్యాలు
- అందుబాటులో ఉండే పబ్లిక్, ప్రయివేట్ ట్రాన్స్‌పోర్ట్
- మంచి వేగవంతమైన ఇంటర్నెట్
- ఆర్థిక లావాదేవీలకు కాలేజీకు దగ్గర్లో బ్యాంక్ ఉంటే మంచిది.
ప్ర‌ఖ్యాత కాలేజీల్లో విద్యార్ధులకు ప్రాజెక్టుల విషయంలో పూర్తి స‌హ‌కారం అందుతుంది. ప్రాజెక్టులు పూర్తి చేసినందుకు వారికి మంచి స్టైపండ్ ను కూడా ఆఫ‌ర్ చేస్తే అది నాణ్య‌మైన కాలేజీ అన‌డంలో ఎటువంటి సందేహం అవ‌స‌రం లేదు. చాలా కాలేజీల్లో ప్రాజెక్ట్ వ‌ర్క్ అనేది విద్యార్ధికి పెద్ద ప్ర‌హ‌స‌నం. ప్రాజెక్ట్ చేసేందుకు కాలేజీ నుంచి ఎటువంటి స‌హాయం ల‌భించ‌క‌పోగా, కొన్నిసార్లు విద్యార్ధుల‌కే డ‌బ్బులు ఖ‌ర్చు అవుతాయి. ఇటువంటి కాలేజీల‌ను విద్యార్ధులు అస్సలు ఎంచుకోకూడ‌దు.
వీటిపై కూడా ఓ లుక్కేయండి
- ప్రభుత్వ, ప్రయివేట్ ఉపకార వేతనాలు అందుబాటులో ఉండాలి.
- డోనేషన్లు ఏ విధంగా మోపుతున్నారు.
- ఫ్యాకల్టీ ఎన్ని సంవత్సరాల నుంచి కాలేజీలో పనిచేస్తున్నారో తెలుసుకోవాలి.
- ఇతర రాష్ట్రాలు, స్థానిక ఫ్యాకల్టీ నిష్పత్తి 1:5 గా ఉందా లేదా అన్నది నిర్దారించుకోవాలి.
- గెస్ట్ లెక్చర్లు, ప్రముఖులతో విద్యార్ధులకు ఇంటరాక్షన్ కల్పిస్తున్నారా? లేదా? అన్నది చూసుకోవాలి.
- విద్యార్ధులకు ఇండస్ట్రీయల్ టూర్స్, బోటానికల్ టూర్స్ నిర్వహిస్తున్నారా లేదో ఆరా తీయాలి.
5. విద్యా రుణాలు
మీరు జాయిన్ అయిన కాలేజీ పేరు చెప్ప‌గానే మీకు విద్యా రుణం సిమ్ కార్డు దొరికినంత సులువుగా దొర‌కాలి. అప్పుడే అది మంచి గుర్తింపు ఉన్నకాలేజీ అని మ‌నం చెప్పొచ్చు. అవ‌స‌ర‌మైన డాక్యుమెంట్ల‌ను స‌మ‌ర్పించ‌గానే బ్యాంకులు మీకు త‌క్ష‌ణం విద్యా రుణం మంజూరు చేయాలి. అది ఎప్పుడు సాధ్య‌మ‌వుతుంది? కాలేజీకి మంచి పేరు ప్ర‌ఖ్యాతులు ఉన్న‌ప్పుడే అది సాధ్యం. మీకు విద్యా రుణం ఇచ్చేందుకు బ్యాంకులు ముందుకు రాలేదంటే ఆ కాలేజీకి అంత గుర్తింపు లేన‌ట్టు అర్ధం చేసుకోవాలి. కాబట్టి మీకు విద్యా రుణం అవ‌స‌రం ఉంది అనుకుంటే ప్ర‌ఖ్యాత కాలేజీని ఎంపిక చేసుకోండి.
6. ఉత్తీర్ణ‌తా శాతం
6. ఉత్తీర్ణ‌తా శాతం
ఏదైనా ఒక సంస్థ ప‌నితీరును నిర్ణ‌యించేది సాధించిన ల‌క్ష్యాలే. మంచి కాలేజీ ఎంపికలో కూడా ఇదే సూత్రం వ‌ర్తిస్తుంది. ఆ కాలేజీకి గ‌డిచిన విద్యా సంవ‌త్స‌రాల్లో ఎంత ఉత్తీర్ణ‌తా శాతం వ‌చ్చింది. మిగ‌తా కాలేజీల‌తో పోటీ వాతావరణం ఆరోగ్యకరంగా ఉందా? లేదా అన్న విషయాలను నిశితంగా గ‌మ‌నించి కాలేజీని ఎంచుకోవాలి. ఇటీవ‌ల కొన్ని కాలేజీల్లో రాని ఫ‌లితాల‌ను వ‌చ్చిన‌ట్టు చూపించుకుని ప్రచారం చేసుకుంటున్నారు. అటువంటి వాటిపై అప్ర‌మ‌త్తంగా ఉండాలి. ఎన్ని చెప్పుకున్నా ఉత్తీర్ణ‌తా శాతమే కాలేజీ లేదా యూనివ‌ర్సిటీ ప‌నితీరును ప్ర‌తిబింబిస్తుంది. కాబట్టి ఉత్తీర్ణ‌తా శాతాన్ని నిశితంగా పరిశీలించి అప్పుడు కాలేజీని ఎంచుకోండి.
వీట‌న్నింటితో పాటు ఆర్ధిక బ‌లం, విద్యార్ధి ఎన్నిక‌లు, ప‌ర్యావర‌ణ అనుకూల విధానాలు, విద్యార్ధులు, టీచ‌ర్ సంబంధాలు వంటి విభిన్న విషయాలను పరిశీలించి అప్పుడు మాత్ర‌మే కాలేజీని ఎంపిక చేసుకోవాలి. ఎందుకంటే కాలేజీలో మ‌నం ఏం నేర్చుకున్నామ‌న్న‌దానిపైనే వృత్తి, వ్య‌క్తిగ‌త జీవితాలు ఆధార ప‌డి ఉంటాయి. కాబట్టి మంచి కాలేజీ ఎంపికలో నిర్ల‌క్ష్యం వ‌హించ‌కండి.
ఈ ఫీచ‌ర్ పై గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.
97006 09135
You can send your Educational related articles to careertimes.online1@gmail.com
Comments
Post a Comment