స్మార్ట్ ఫోన్ ను ఇలా వాడుకుంటే చదువులో మీరే నెంబర్‌వన్!
స్మార్ట్ ఫోన్స్ వ‌చ్చాక మ‌నిషి జీవితం స‌మూలంగా మారిపోయింది. ప్ర‌తీ ప‌నిని సెక‌న్ల వ్య‌వ‌ధిలో వేళ్ల‌పైనే పూర్తి చేసేస్తున్నాం. ఫుడ్, లైఫ్ స్టైల్, ఫైనాన్స్, షాపింగ్ ఇలా ఒకటేమిటి స్మార్ట్ ఫోన్ తో కాని ప‌నంటూ ఏమైనా ఉందా? చెల్లింపులు, కోనుగోళ్లు ఇలా ఒకటేమిటి స‌మ‌స్తం స్మార్ట్ ఫోన్ ద్వారానే అయిపోతున్నాయి. మొద‌ట్లో క‌మ్యూనికేష‌న్ కోసం మాత్ర‌మే ఉప‌యోగ‌ప‌డిన ఫోన్ ఇప్పుడు చేతిలో ప‌ట్టే మినీ కంప్యూట‌ర్ లా మారిపోయింది. ఈ బుల్లి కంప్యూట‌ర్ ను స‌రైన రీతిలో ఉప‌యోగించుకుంటే అద్భుతాలు చేయ‌వ‌చ్చు. కానీ ప్ర‌స్తుతం విద్యార్ధులు దీన్ని కేవ‌లం వీడియో గేమ్స్ ఆడుకునేందుకు, సినిమాలు చూసేందుకు, సోష‌ల్ మీడియాలో చాట్ చేసేందుకు మాత్ర‌మే ఉప‌యోగిస్తున్నారు. అలా కాకుండా కొంచెం స్మార్ట్ గా ఆలోచిస్తే స్మార్ట్ ఫోన్ ను చదువులో మంచి మార్కులు తెచ్చుకునేందుకు, సబ్జెక్ట్ పై ప‌ట్టు సాధించేందుకు ఉప‌యోగించుకోవ‌చ్చు. స్మార్ట్ ఫోన్ ను ఏయే విష‌యాల్లో విద్యార్ధులు ఉప‌యోగించుకోవ‌చ్చో అన్న విష‌యాన్ని మ‌నం ఇప్పుడు తెలుసుకుందాం. అయితే ఇది కేవ‌లం గ్రాడ్యుయేట్ స్థాయిలో ఉన్న విద్యార్ధుల‌కు మాత్ర‌మే, స్కూల్, ఇంట‌ర్ స్థాయి విద్యార్ధులు స్మార్ట్ ఫోన్స్ వాడ‌కానికి దూరంగా ఉంటేనే మేలు.
స్మార్ట్ ఫోన్ ఉన్న ప్ర‌తీ ఒక్క‌రికీ ఈ విషయం తెలుసు. అయినా స‌రే ఆ ఆప్ష‌న్ ను స‌రిగ్గా వినియోగించుకోరు. ఏదైనా విషయం వింటున్న‌ప్పుడు అందులోని ముఖ్యమైన అంశాలను పాయింట్ల వారీగా రాసుకుంటే ఎంతో ఉప‌యోగ‌క‌రంగా ఉంటుంది. దీని వ‌ల‌న స‌మ‌స్త స‌మాచారం మీ జేబులోనే ఉంటుంది.
- ముఖ్యమైన అంశాలను నోట్ ప్యాడ్ లో పాయింట్లుగా రాసుకున్న‌ప్పుడు అవ‌స‌ర‌మైతే ఆ విషయాలను మీ గ్రూప్ తో షేర్ చేసుకోవ‌డం సులువ‌వుతుంది. వాట్సప్ ద్వారా కానీ ఇత‌ర ఛాటింగ్ యాప్ ద్వారా కానీ షేర్ చేసుకోవ‌చ్చు.
- అదే విధంగా ముఖ్యమైన నోట్స్ ను, చిత్రాల‌ను, డాక్యుమెంట్ల‌ను మొబైల్ లో భ‌ద్ర‌ప‌ర్చుకున్న‌ప్పుడు అవ‌స‌ర‌మైన‌ప్పుడు వెంట‌నే చ‌దువుకునేందుకు వీలుగా ఉంటుంది.
- మొబైల్ లో నోట్స్ రాసుకోవ‌డం వ‌ల‌న ఆ విష‌యాన్ని మ‌ళ్లీ రాయ‌డానికి అద‌నంగా ఎటువంటి స్టేష‌నరీ ఖ‌ర్చు పెట్ట‌న‌వ‌స‌రం లేదు. డ‌బ్బు వృధా కాకుండా ఉంటుంది.
- ఎటువంటి స‌మ‌యంలో అయినా, ఎక్క‌డ ఉన్నా మీకు నోట్స్ త‌క్ష‌ణం అందుబాటులో ఉంటుంది.
వాయిస్ రికార్డింగ్
వాయిస్ రికార్డును స‌మ‌ర్ధ‌వంతంగా వాడుకునే నేర్పు ఉంటే ఈ ఆప్ష‌న్, విద్యార్ధుల‌కు చాలా బాగా ఉపయోగపడుతుంది. కొన్నిసార్లు విద్యార్ధులు ముఖ్యమైన పాఠాన్ని నేర్చుకోవ‌డంలో ఇబ్బందులు ప‌డ‌తారు. ఆ పాఠాన్ని నోట్ చేసుకున్నా అందులో కీల‌క విషయాలను రాయ‌డం మ‌ర్చిపోయే అవ‌కాశం ఉంది. ఇలాంట‌ప్పుడు స‌రిగ్గా మ‌ర్చిపోయిన ఆ విష‌యాలే ప‌రీక్ష‌ల్లో వ‌చ్చి ఇబ్బందులు పెడ‌తాయి. చాలా ముఖ్యమైన పాఠం అనుకున్న‌ప్పుడు విద్యార్ధులు త‌మ స్మార్ట్ ఫోన్ లో వాయిస్ రికార్డింగ్ ఆప్ష‌న్ ఉప‌యోగించుకుంటే బాగుంటుంది.
- ముఖ్యమైన పాఠాల‌ను రికార్డు చేసుకోవ‌డం మంచిది.
- మీ టీచ‌ర్ చెప్పిన అన్ని విష‌యాలు మీ మొబైల్ లోనే ఉంటాయి.
- ఒక‌టికి రెండు సార్లు నోట్స్ ను త‌యారుచేసుకునే శ్ర‌మ త‌ప్పుతుంది.
- పరీక్ష‌ల‌కు ముందు ముఖ్యమైన పాఠం యొక్క రికార్డ్ ను మ‌రోసారి శ్ర‌ద్ధ‌గా వింటే స‌రిపోతుంది.
ఒక కొత్త బాష‌ను నేర్చుకోవ‌డం అనేది ఒక విద్యార్ధికి ఎప్పుడూ మేలు చేస్తుంది. గ్లోబ‌లైజేష‌న్ నేప‌థ్యంలో చైనీస్, ఫ్రెంచ్, జ‌ర్మ‌న్ వంటి భాష‌ల‌ను నేర్చుకున్న‌వారికి చాలా మంచి అవ‌కాశాలు ఉన్నాయి. అయితే ఈ భాష‌ల‌ను బ‌య‌ట నేర్చుకోవాలంటే చాలా ఖ‌ర్చ‌వుతుంది. చేతిలో ఉన్న స్మార్ట్ ఫోన్ ఉప‌యోగించి కొంచెం శ్ర‌ద్ధ పెడితే కొత్త భాష‌ను నేర్చుకోవ‌డం క‌ష్ట‌మేమీ కాదు.
- ఒకే యాప్ లో విభిన్న భాష‌లు అందుబాటులో ఉంటాయి.
- చాలా కోర్సులు ఉచితంగానే దొరుకుతాయి.
- వివిధ స్థాయిల ఆధారంగా నేర్చుకునే విధానం ఉండ‌టం లాభం చేకూరుస్తుంది.
- కొత్త భాష‌ను నేర్చుకోవ‌డంలో త‌మ అనుభ‌వాల‌ను ఇత‌రుల‌తో పంచుకోవ‌చ్చు.
క్లాస్ రూమ్ పుస్త‌కాల‌తోనే స‌రిపోతుంది. ఇంకా వేరే పుస్త‌కాలు చ‌దివే తీరికెక్క‌డిది అంటారా? కానీ మీకు స‌మ‌యం చిక్కిన‌ప్పుడు ఒక మంచి పుస్త‌కం చ‌ద‌వడం మీకు చాలా మేలు చేస్తుంది. స్మార్ట్ ఫోన్ లో వేలాది పుస్త‌కాలు దొరుకుతాయి. వీటితో మీకు న‌చ్చిన పుస్త‌కాల‌తో మంచి డిజిట‌ల్ లైబ్ర‌రీని తయారు చేసుకోవ‌చ్చు. మీ మ‌న‌సుకు న‌చ్చిన పుస్త‌కం చ‌దివితే అది మీ జీవితంపై చూపే ప్ర‌భావం అంతా ఇంతా కాదు.
- మీరు చ‌దివిన పుస్త‌కాల్లో కొత్త ప‌దాలు క‌నిపిస్తే వాటికి అర్ధాన్ని డిక్ష‌న‌రీలో చిటికెలో తెలుసుకోవ‌చ్చు.
- మీకు న‌చ్చిన లైన్స్ ను, కోటేష‌న్స్ ను మార్క్ చేసుకునే అవ‌కాశం ఉటుంది.
- విభిన్న పుస్త‌కాల‌ను ఒకే ద‌గ్గ‌ర భ‌ద్ర‌ప‌ర్చుకునే వీలుంటుంది.
- కొన్ని అప్లికేష‌న్లు, వెబ్ సైట్స్ మీరు సొంతంగా బుక్స్ ను ప‌బ్లిష్ చేసుకునే అవ‌కాశాన్ని క‌ల్పిస్తాయి.
ఒక స‌మ‌గ్ర‌మైన షెడ్యూల్ ను తయారు చేసుకోవ‌డం ఇప్పుడు ప్ర‌తీ విద్యార్ధికి చాలా అవ‌స‌రం. టైమ్ టేబుల్ తయారు చేసుకోవ‌డం, సమయాన్ని విభ‌జించుకోవ‌డం అన్న‌దానిపైనే విద్యార్ధి విజ‌యం ఆధార‌ప‌డి ఉంటుంది. ప‌రీక్ష తేదీలు, టెస్ట్ లు, ఈవెంట్లు, అసైన్ మెంట్స్, డెడ్ లైన్స్ ఇలా అన్నింటిని క్యాలెండ‌ర్ లో పొందుపర్చుకోవ‌డం వ‌ల‌న చాలా ఉప‌యోగం. ఇవ‌న్నీ స్మార్ట్ ఫోన్ లో ఉంట‌డం వ‌ల‌న విద్యార్ధులు ఎప్ప‌టిక‌ప్పుడు అల‌ర్ట్ గా ఉండేదుకు అవ‌కాశం క‌లుగుతుంది.
- ఈవెంట్ల‌ను ను ఒక ప‌ద్ధ‌తి ప్ర‌కారం అమ‌ర్చుకోవ‌చ్చు.
- రిమెండ‌ర్లు, అలారం ఫీచ‌ర్ ఉండ‌టం వ‌ల‌న మ‌ర్చిపోయే అవ‌కాశం ఉండ‌దు.
- ఒక వేళ ప్ర‌యాణం షెడ్యూల్ ఉంటే లోకేష‌న్ కూడా దానికి అటాచ్ చేసుకోవ‌చ్చు.
- సమయాన్ని స‌మ‌ర్ధ‌వంత‌గా నిర్వ‌హించుకునేందుకు అవ‌కాశం క‌లుగుతుంది.
కొన్ని ర‌కాల యాప్స్ ను ఉప‌యోగించ‌డం ద్వారా స్మార్ట్ ఫోన్స్ లో డాక్యుమెంట్స్ ను క్రియేట్ చేసుకోవ‌చ్చు. ప్ర‌జెంటేష‌న్స్ స‌మ‌యంలో వ‌ర్డ్ షీట్స్ , స్ప్రెడ్ షీట్స్, ప్ర‌జంటేష‌న్స్ ను సులువుగా తయారు చేసుకునేందుకు వీలు క‌లుగుతుంది. కొన్ని సంద‌ర్భాల్లో కంప్యూట‌ర్ల‌ను, ల్యాప్ టాప్ ల‌ను తీసుకురావ‌డం కుద‌ర‌దు. అటువంటి స‌మ‌యంలో స్మార్ట్ ఫోన్ చాలా బాగా ఉపయోగపడుతుంది. అదే విధంగా వాటిని అప్ప‌టిక‌ప్పుడు ఏ డివైజ్ కైనా షేర్ చేసేందుకు అవ‌కాశం ఉంది.
- సులువుగా తయారు చేసుకోవ‌చ్చు, భ‌ద్ర‌త కూడా ఉంటుంది.
- మీ డ్రైవ్ లో ఆటోమేటిక్ గా సేవ్ అవుతుంది.
- త‌ప్పుల‌ను స‌రిదిద్దేందుకు, ఎడిట్ చేసేందుకు ఎవ‌రికైనా షేర్ చేయ‌వ‌చ్చు.
మ‌నం ముందు చెప్పుకున్న‌ట్టు స్మార్ట్ ఫోన్ అంటే మినీ కంప్యూట‌ర్. స‌మాచారాన్ని సేక‌రించేందుకు, తెలుసుకునేందుకు దాన్ని వాడుకోవ‌చ్చు. గూగుల్ సెర్చ్ ద్వారా తెలియ‌ని విష‌యాన్ని చిటికెలో తెలుసుకునే వీలుంది. సబ్జెక్ట్ పై చిన్న సందేహాలు ఉంటే కీ వ‌ర్డ్ కొడితే బోలెడు స‌మాచారం ప్ర‌త్య‌క్ష‌మ‌వుతుంది.
- సులువుగా విష‌యాన్ని గుర్తించే అవ‌కాశం.
- ఒక అంశానికి సంబంధించి వివిధ అభిప్రాయాలు, స‌మాచారం తెలుసుకునే వీలు.
- రీసెర్చ్ పేప‌ర్స్ త‌యారీలో స‌హాయం పొందేందుకు
- త‌ర్వాతి ప‌రిశోధ‌న‌కు సంబంధిత స‌మాచారం పొందే వీలు.
ఈ ఫీచ‌ర్ పై గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.
97006 09135
This comment has been removed by the author.
ReplyDelete