రోణంకి ప్ర‌తిభావంతుడే.. కానీ..?

    గెలుపుకి ఓట‌మికి మ‌ధ్య ఒక స‌న్న‌ని గీత ఉంటుంది. రెప్ప‌పాటు కాలం చాలు మ‌న‌ల్ని విజేత‌ల నుంచి విడ‌దీసేందుకు. అతి చిన్న పొర‌పాటు చాలు మ‌న‌ల్ని శిఖ‌రం నుంచి లోయ‌లోకి తోసేందుకు. చేసే ప‌నిపై స్ప‌ష్ట‌త‌, ప్ర‌తీ విష‌యంపై అప్ర‌మ‌త్త‌త ఈ రెండు విష‌యాలే మ‌న‌ల్నిఓట‌మి నుంచి దూరంగా ఉంచుతాయి.  ఒక చిన్న పొర‌పాటు మొత్తం కెరీర్ ను, జీవితాన్ని త‌ల‌కిందులు చేసేస్తుంది. తెలిసీ చేసినా తెలీక చేసినా పొర‌పాటుకు చెల్లించాల్సిన మూల్యం భారీగానే ఉంటుంది. తాజాగా సివిల్స్ థ‌ర్డ్ ర్యాంక‌ర్ రోణంకి గోపాల‌కృష్ణకు హైకోర్టు నోటీసులు జారీ చేయ‌డం సంచ‌ల‌నం రేపింది. త‌ప్పుడు అంగ‌వైక‌ల్య ధ్రువీక‌ర‌ణ ప‌త్రాలు స‌మ‌ర్పించి రిజ‌ర్వేష‌న్ పొందార‌న్న‌ది గోపాల‌క్రిష్ణ‌పై వ‌చ్చిన ఆరోప‌ణ‌. ఇది తెలిసి చేసిన పొర‌పాటా? లేక తెలీక చేసిన పొర‌పాటా? అన్న విష‌యం ప‌క్క‌న పెడితే ఇప్పుడు ఈ విష‌యం ఒక వ్య‌క్తి కెరీర్ పై చూపుతున్న పెను ప్ర‌భావాన్ని మ‌నం ఇక్క‌డ గ‌మ‌నించాల్సి ఉంది.

    ఎప్పుడైనా రిజ‌ర్వేష‌న్ అనేది వ‌రం కావాలి కానీ క‌ల‌వ‌రం కాకూడ‌దు. ప్ర‌స్తుతం చాలా మంది విద్యార్ధులు రిజ‌ర్వేష‌న్ ను ఉప‌యోగించుకుంటున్న తీరు ఆందోళ‌న క‌లిగిస్తోంది. రిజ‌ర్వేష‌న్ ఉంద‌న్న ధీమాతో చాలా మంది త‌మలో దాగున్న పూర్తి ప్ర‌తిభ‌ను వెలికితీయ‌లేక‌పోతున్నారు. రిజ‌ర్వేష‌న్ ను ఉన్న‌త ల‌క్ష్యం అనే శిఖ‌రం అధిరోహించేట‌ప్పుడు ఒక ఊతకర్ర‌గా ఉప‌యోగించాలి కానీ దానిపైనే పూర్తిగా ఆధార‌ప‌డితే మొద‌టికే మోసం వ‌స్తుంది. నేను ఎస్సీ, నేను బీసీ..ఈ మాత్రం చ‌దివితే చాలు రిజ‌ర్వేష‌న్ తో గ‌ట్టెక్క‌వ‌చ్చు అన్న తీరుతో చాలా మంది విద్యార్ధ‌లు వ్య‌వ‌హ‌రిస్తున్నారు. కానీ రిజ‌ర్వేష‌న్ ను దృష్టిలో పెట్టుకోకుండా చ‌దివితేనే నిజ‌మైన ప్ర‌తిభ వెలికివ‌స్తుంది. త‌ప్పులు చేయ‌డం మాన‌వ స‌హ‌జం అన్న నానుడి విద్యార్ధుల విష‌యంలో అస్స‌లు వ‌ర్తించ‌దు. ఒక్క త‌ప్పు చాలు మిమ్మ‌ల్ని ప‌రాజ‌య‌పు పాతాళంలోకి తోసేయ‌డానికి.

ఒక్క త‌ప్పు చాలు విజ‌యం చేజార‌డానికి!

     ర్యాంకుల సాధ‌న‌లో మొద‌టి ర్యాంక్ సాధించిన విద్యార్ధికి వందో ర్యాంక్ సాదించిన విద్యార్ధికి మార్కులు తేడా ఎప్పుడైనా గ‌మ‌నించారా?  కేవ‌లం ఒక‌టి రెండు మార్కులు తేడా మాత్ర‌మే ఉంటుంది. మొద‌టి ర్యాంకు వ‌చ్చిన విద్యార్ధికి వ‌చ్చే గుర్తింపు, అవ‌కాశాలు, 100 వ ర్యాంక్ సాధించిన విద్యార్ధికి దొరుకుతాయా? క‌చ్చితంగా దొర‌క‌వు. 100 వ ర్యాంకు విద్యార్ధి చేసిన ఒక చిన్న పొర‌పాటు అత‌నికి అతిపెద్ద విజ‌యాన్ని దూరం చేసింది. విద్యార్ధులు ఈ విష‌యాన్ని గుర్తించాలి. ప‌రీక్ష రాసేట‌ప్పుడైనా, ద‌ర‌ఖాస్తు నింపేట‌ప్పుడైనా ఒక చిన్న పొర‌పాటుకు కూడా తావివ్వ‌కుండా మీ సామ‌ర్ధ్యం మేరకు మీ శ‌క్తిసామ‌ర్ధ్యాల‌ను వినియోగించి అత్యున్న‌త ఫ‌లితం రాబ‌ట్టేందుకు ప్ర‌యత్నించాలి. ప్ర‌య‌త్నం చేసి ప‌రాజ‌యం పొందినా ఫ‌ర్వాలేదు. కానీ సామ‌ర్ధ్యం ఉండీ చేసే చిన్న పొర‌పాటుకు మూల్యం చెల్లించాల్సి రాకుండా చూసుకోండి. తెలిసైనా, తెలీకైనా ద‌ర‌ఖాస్తులో ఎప్పుడూ త‌ప్పుడు ధ్రువీక‌ర‌ణలు ఇవ్వ‌కుండా జాగ్ర‌త్త ప‌డాలి. ఈ విష‌యంలో స్ప‌ష్ట‌త లేని ప‌క్షంలో అవ‌స‌ర‌మైతే నిపుణుల స‌హాయం తీసుకోవాలి. ఈ విష‌యంలో సివిల్స్ థ‌ర్డ్ ర్యాంకర్ రోణంకి గోపాల‌క్రిష్ణలా చిక్కుల్లో ప‌డొద్దు.

సివిల్స్ థ‌ర్డ్ ర్యాంక‌ర్ చేసిన పొర‌పాటు ఏంటి?

      తెలుగును ఆప్ష‌న్ గా  ఎంచుకుని సివిల్స్ థ‌ర్డ్ ర్యాంక్ సాధించి చ‌రిత్ర సృష్టించిన రోణంకి గోపాల‌కృష్ణ‌పై ఇప్పుడు కొన్ని ఆరోప‌ణ‌లు వ‌చ్చాయి. అంగ‌వైక‌ల్యం ఉన్న‌ట్టు త‌ప్పుడు ద్రువ‌ప‌త్రం స‌మర్పించారంటూ హైకోర్టులో ఒక ప్ర‌జా ప్ర‌యోజ‌న వ్యాజ్యం దాఖ‌లైంది.  ఓబీసీల‌కు సివిల్స్ ప్రిలిమిన‌రీ ప‌రీక్ష‌లో అర్హ‌త మార్కులు 110.66 కాగా రోణంకికి 91.34 మార్కులే వ‌చ్చాయ‌ని అందులో పేర్కొన్నారు.  కాబ‌ట్టి సివిల్స్ మెయిన్స్ కు ఆయ‌న ఓబీసీ కేట‌గిరీలో అర్హ‌త సాధించ‌లేద‌ని, విక‌లాంగ కోటా కింద వ‌చ్చిన 75.34 మార్కుల ఆధారంగా అర్హ‌త సాధించార‌న్న‌ది పిటీష‌న్ దారుని ఆరోప‌ణ‌. దీంతో పాటు సివిల్స్ మెయిన్స్ లో సాధార‌ణ అభ్య‌ర్ధుల‌కు ప‌రీక్ష స‌మ‌యం 3 గంట‌లు ఉంటే విక‌లాంగ అభ్య‌ర్ధుల‌కు 4 గంటల స‌మ‌యం ఉంటుంది. ఈ పిటీష‌న్ ను విచారించిన హైకోర్టు రోణంకి గోపాల‌కృష్ణతో పాటు ఏపీ ప్ర‌భుత్వం, యూపీఎస్సీకి నోటీసులు జారీ చేసింది. సివిల్స్ థ‌ర్డ్ ర్యాంక‌ర్ ఈ ప‌నిని ఉద్దేశపూర్వ‌కంగా చేసారా?  లేక ఇవి కేవ‌లం ఆరోప‌ణ‌లా అన్న విష‌యాలు త్వ‌ర‌లో తేల‌నున్నాయి. అయితే ఈ ఉదంతాన్ని విద్యార్ధులు ఒక పాఠంలా తీసుకుంటే ఉన్న‌త విద్యలో ఎటువంటి త‌ప్పులు,  పొర‌పాట్లు చేయ‌కూడ‌దన్న‌దానిపై ఒక అవ‌గాహ‌న వ‌స్తుంది. ఈ వివాదాల‌ను ప‌క్క‌న పెడితే రోణంకి ప్ర‌తిభావంతుడు అన‌డంలో ఎటువంటి సందేహం లేదు. ఒక‌వేళ అత‌ను త‌ప్పుడు ద్రువీక‌ర‌ణ ప‌త్రాలు స‌మ‌ర్పించి మెయిన్స్ అర్హ‌త సాధించాడు అని అనుకున్నా.. క‌ఠినమైన మెయిన్స్ లో ఎలా ఉత్తీర్ణ‌డ‌వుతాడు? ఇంట‌ర్వ్యూలో ఎలా పాస‌య్యాడు? అయితే అనుభ‌వ‌లేమితో, సామాజిక వ్య‌వ‌హారంలో కొంచెం త‌డ‌బడి ఈ వివాదంలో చిక్కుకున్నాడు. http://careertimesonline.blogspot.in/2017/06/blog-post.html

ఉద్దేశపూర్వ‌కంగా త‌ప్పులు చేస్తే దేవుడు కూడా కాపాడ‌లేడు!

     జీవితంలో త‌ప్పులు చేయ‌డం స‌హ‌జమే అయినా తెలిసి త‌ప్పులు చేస్తే మిమ్మల్ని ఎవ‌రూ కాపాడ‌లేరు. ముఖ్యంగా ఉద్దేశపూర్వ‌కంగా త‌ప్పులు క‌నుక చేస్తే క‌నుక‌ విద్యార్ధులు భ‌విష్య‌త్ లో తీవ్రంగా న‌ష్ట‌పోవాల్సి వ‌స్తుంది. పొర‌పాటుకు త‌ప్పుకు చాలా స్ప‌ష్ట‌మైన తేడా ఉంటుంది.  సివిల్స్ లో గ‌తంలో త‌ప్పుడు ధ్రువీక‌ర‌ణ‌లు స‌మ‌ర్పించిన ఉదంతాలు ఉన్నాయి. 1986 లో హ‌ర్యానా  కేడ‌ర్ ఐపీఎస్ అధికారి సంజ‌య్ భాటియా, త‌ప్పుడు కుల ధ్రువీక‌ర‌ణ ప‌త్రం స‌మ‌ర్పించార‌ని తేల‌డంతో 2010 లో ఉద్యోగాన్ని పొగొట్టుకున్నారు. అదే విదంగా 1980 బ్యాచ్ కు చెందిన ఐఏఎస్ అధికార్లు మీనా బ్ర‌ద‌ర్స్  పై కూడా త‌ప్పుడు కుల ద్రువీక‌ర‌ణ ప‌త్రాలు స‌మ‌ర్పించార‌ని ఆరోప‌ణ‌లు ఉన్నాయి. ఇవ‌న్నీ ఇక్క‌డ ఎందుకు చెప్పాల్సి వస్తుందంటే సంవ‌త్స‌రాలు గ‌డిచి పోయినా త‌ప్పు చేస్తే దొరికిపోవ‌డం ఖాయం. జ‌రిగిన ఈ ఉదంతాల నుంచి విద్యార్ధులు గుణ‌పాఠాలు నేర్చుకోవాలి.

జాగ్ర‌త్త‌లు తీసుకోకుంటే జారుడు బ‌ల్ల‌పై ఉంటారు!

     మ‌నం ఇప్ప‌టివ‌ర‌కూ చెప్పుకున్న‌ట్టు కేవ‌లం రిజ‌ర్వేష‌న్లపైనే ఆధార‌ప‌డితే  విద్యార్ధులు ఎన్న‌టికీ ఉన్న‌తిని సాధించ‌లేరు. అదే విధంగా పొర‌పాట్లు, త‌ప్పులు చేయ‌కుండా అనుక్ష‌ణం అప్ర‌మ‌త్తంగా వ్య‌వ‌హ‌రించాలి. వీట‌న్నింటితో పాటు అత్యున్న‌త స‌ర్వీసుల్లో వెళ్లాల‌నుకునే విద్యార్ధులు ముందు నుంచి కొన్ని జాగ్ర‌త్త‌లు తీసుకోవాలి.

• త‌ప్పుడు ఆదాయ ద్రువీక‌ర‌ణ‌, కుల ద్రువీక‌ర‌ణ ప‌త్రాలను స‌మ‌ర్పించ‌కండి.

• వైక‌ల్యం లేకున్నా అంగ‌వైక‌ల్యం ఉన్నట్టు స‌ర్టిఫికేట్లు సృష్టించొద్దు.

• పోలీసు కేసుల్లో ఇరుక్కోవ‌ద్దు.

• లీగ‌ల్ ఇష్యూలో వేలు పెట్ట‌వ‌ద్దు.

• ఇన్ కంటాక్స్ వివాదాల్లో చిక్కుకోవ‌ద్దు.

• అన్ని ద్రువీక‌ర‌ణ ప‌త్రాల్లో పేరు, పుట్టిన‌తేదీ, చిరునామా ఒకే విధంగా ఉండేలా చూసుకోండి.

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                    You can send your Educational related articles to  careertimes.online1@gmail.com