బోలెడు ఉద్యోగాలున్నాయి! కానీ..??

         ప్ర‌స్తుతం మ‌న దేశంలో ఒక 'విచిత్ర‌మైన ప‌రిస్థితి 'నెల‌కొని ఉంది. ఈ విచిత్ర‌మైన ప‌రిస్థితి ఒక పెను సంక్షోభంగా మారి మ‌రింత విజృంభించ‌క ముందే క‌ళ్లు తెర‌వ‌కుంటే భారీ మూల్యం చెల్లించ‌క త‌ప్ప‌దు. ఒక‌ప్పుడు మ‌న దేశాన్ని నిరుద్యోగం ప‌ట్టిపీడిస్తే..ఇప్పుడు నైపుణ్యాల కొర‌త ఒక సవాలుగా మారింది. మ‌న విద్యా విధానంలోని లోపాలు, శాపాలుగా మారి ఇప్ప‌డు మొత్తం వ్య‌వ‌స్థ‌నే ప‌త‌నం దిశ‌గా నడిపిస్తున్నాయి. ఉద్యోగ నియామ‌కాల‌పై ఇటీవ‌ల జ‌రిపిన స‌ర్వేలో వెల్ల‌డైన విష‌యాలు ఆందోళ‌న క‌లిగిస్తున్నాయి. మ‌న దేశంలో చాలా సంస్థ‌లు నైపుణ్యం ఉన్న అభ్య‌ర్ధుల కోసం ప‌డిగాపులు కాస్తున్నాయ‌ట‌. కానీ వారికి స‌రైన అభ్య‌ర్ధి దొర‌క‌డం గ‌గ‌న‌మైపోతుంద‌ని ఆ స‌ర్వేలో తేలింది. పోనీ ఇంకా దిగొచ్చి ప్రెష‌ర్స్ కు ప్రాథ‌మిక నైపుణ్యాలైన కంప్యూట‌ర్ ప‌రిజ్ఞానం, క‌మ్యూనికేష‌న్ స్కిల్స్ ఉంటే ఉద్యోగం ఇచ్చేద్దామ‌నుకుంటున్నా అవి కూడా తెలియ‌ని వారు చాలా మంది ఉన్నార‌ని స‌ర్వేలో వెల్ల‌డైంది. దీంతో ఏం చేయాలో తెలియ‌క కంపెనీలు త‌ల‌లు ప‌ట్టుకుంటున్నాయి.

నైపుణ్య‌మా...నీవెక్క‌డ‌?

         నైపుణ్యాల లేమి అన్న‌ది ఇప్పుడు దేశంలో పెను సంక్షోభంగా మారుతోంది. కాలేజీల నుంచి డిగ్రీ పూర్తి చేసుకుని బ‌య‌ట‌కు వ‌స్తున్న విద్యార్ధుల్లో నైపుణ్యం అనేది భూత‌ద్దం పెట్టి వెతికినా క‌నిపించ‌డం లేదు. దీనికి తోడు ప్రెష‌ర్స్ లో చోటుచేసుకుంటున్న అతి విశ్వాసం, నిర్ల‌క్ష్యం వారిని మంచి కెరీర్ కు దూరం చేస్తోంది. ఏడాదిలో టీమ్ లీడ్ అయిపోవాలి...నాయ‌క‌త్వ ల‌క్ష‌ణాలు అంటే ఏంటో తెలియ‌దు! ప‌ది ల‌క్ష‌ల ప్యాకేజీ కావాలి..రెండేళ్ల అనుభ‌వం కూడా లేదు! ప్ర‌మోష‌న్స్ కావాలి..క‌మ్యూనికేష‌న్ స్కిల్స్ అంటే ఏంటో తెలియ‌దు!  విన‌డానికి కాస్త విడ్డూరంగా ఉన్నా ప్ర‌స్తుతం జాబ్ మార్కెట్లో ఈ ట్రెండ్ క‌నిపిస్తోంద‌ని రీసెంట్ గా ఒక‌ రిక్రూట్ మెంట్ పోర్టల్ చేసిన స‌ర్వేలో తేలింది. గ‌త కొన్నాళ్లుగా అనుభ‌వం ఉన్న‌వాళ్ల‌ని కాద‌ని ప్రెష‌ర్స్ ను న‌మ్ముకుంటున్న కంపెనీల‌కు ఈ ప‌రిస్థితి మింగుడు ప‌డ‌టం లేదు. ఆత్మ‌విశ్వాసానికి, అతి విశ్వాసానికి  మ‌ధ్య ఉన్న ఒక స‌న్న‌ని గీత‌ను గుర్తించ‌డంలో విద్యార్ధులు విఫ‌లం కావ‌డ‌మే ఈ దుస్థితికి కార‌ణం. కొన్ని జాగ్ర‌త్త‌లు, చిన్న విష‌య ప‌రిజ్ఞానంతో పాటు  వాస్త‌విక దృక్ఫ‌దంతో ఇంట‌ర్వ్యూకు హాజ‌రైతే ప్రెష‌ర్స్ కు జాబ్ దొర‌క‌డం అంత క‌ష్ట‌మేమీ కాదు.

కంపెనీలు ప్రెష‌ర్స్ నే ఎందుకు కోరుకుంటున్నాయి!

          ప్ర‌స్తుతం చాలా కంపెనీలు స‌రైన అర్హ‌తలు, నైపుణ్యాలు ఉన్న అభ్య‌ర్ధుల కోసం వెతుకుతున్నాయి. అనుభ‌వం ఉన్నవాళ్లను తీసుకుందామంటే వ‌ల‌స‌ల స‌మ‌స్య వేధిస్తోంది. దీనికి తోడు భారీ ప్యాకేజీలు ఇవ్వాల్సి రావ‌డంతో చాలా కంపెనీలు ప్రెష‌ర్స్ ను ఉద్యోగాల్లోకి తీసుకునేందుకే మొగ్గు చూపుతున్నాయి. ఖ‌ర్చు త‌గ్గింపు చ‌ర్య‌ల‌ను విజ‌యవంతంగా అమ‌లు చేసేందుకు చాలా కంపెనీలు ఈ వ్యూహాన్నే అమ‌లు చేస్తున్నాయి. క‌నీస ప‌రిజ్ఞానం ఉన్న అభ్య‌ర్ధుల‌ను ఎంపిక చేసుకుని వారికి శిక్ష‌ణనిచ్చి ప‌నిచేయించుకుంటున్నాయి. ఈ విధానంలో కొన్ని సంస్థ‌లు అభ్య‌ర్ధుల నుంచి ఒక నియ‌మిత కాలం అదే సంస్థ‌లో ప‌నిచేస్తామ‌నే ఒప్పంద ప‌త్రం కూడా రాయించుకుంటున్నాయి. దీని వ‌ల‌న భారీ ఖ‌ర్చును త‌గ్గించుకోగ‌లుగుతున్నాయి. అనుభ‌వ‌జ్ఞుల‌ను కాద‌ని కంపెనీలు ప్రెష‌ర్స్ వైపు మొగ్గు చూసేందుకు ఇదే ప్ర‌ధాన కార‌ణం. అయితే ఇటీవ‌ల కాలంలో ప్రెష‌ర్స్ నియామ‌కాల్లోనూ ఇబ్బందులు నెల‌కొన్నాయి. క‌నీస ప‌రిజ్ఞానాలైనై ఎంఎస్ వ‌ర్డ్, ఎక్సెల్ ల‌తో పాటు క‌మ్యూనికేష‌న్ స్కిల్స్ కూడా లేక‌పోవ‌డంతో కాలేజీ ప్రెష‌ర్స్ ను ఎలా తీసుకోవాల‌ని కంపెనీలు మ‌ధ‌న‌ప‌డుతున్నాయి. ఇంట‌ర్వ్యూకు వ‌స్తున్న అభ్య‌ర్ధులో దాదాపు 30 శాతం మందికి ఆంగ్ల ప‌రిజ్ఞానం, కంప్యూట‌ర్ నాలెడ్స్ క‌నీస స్థాయిలో కూడా ఉండ‌టం లేద‌ని తెలుస్తోంది.

చిన్న జాగ్ర‌త్త‌లు తీసుకుంటే అవ‌కాశం  మీదే!

      ఇప్పుడు డిగ్రీ పూర్తి చేస్తున్న అభ్య‌ర్ధుల‌కు క‌నీసం రెజ్యుమెను స‌రిగ్గా రూపొందించుకోవ‌డ‌మూ తెలియ‌డం లేదు. దీనికి తోడు ఎంత‌సేపూ కంప్యూట‌ర్స్ లో ఇంట‌ర్నెట్ ను వినియోగించ‌డ‌మే కానీ ఎంఎస్ ఆఫీస్ నేర్చుకుందామ‌న్న ధ్యాస ఉండ‌టం లేదు. ఈ రెండు విష‌యాల‌తో పాటు కాస్త క‌మ్యూనికేష‌న్ స్కిల్స్ పై శ్ర‌ద్ధ పెడితే ప్రెష‌ర్స్ కు ఉద్యోగం దొర‌క‌డం ప‌క్కా.

• వ్య‌క్తిగ‌త వివ‌రాల‌ను స‌రిగ్గా పొందుప‌ర్చి , త‌ప్పులు లేకుండా రెజ్యుమె ను త‌యారు చేసుకొండి.

• కంప్యూట‌ర్ పై ప్రాథమిక ప‌రిజ్ఞానం సంపాదించి, ఎంఎస్ వ‌ర్డ్, ఎక్సెల్ ల‌పై కాస్త ప‌ట్టు సంపాదించండి.

• అన్నింటికంటే ముఖ్యంగా ఎటువంటి బెదురు లేకుండా మాట్లాడేట‌ట్టు క‌మ్యూనికేష‌న్ స్కిల్స్ నేర్చుకొండి.

• క‌మ్యూనికేష‌న్ స్కిల్స్ తో పాటు అక్ష‌ర దోషాలు రాకుండా ఉండేందుకు ఇంగ్లీష్ ప‌దాల‌పై ప‌ట్టు సాధించండి.

• న‌లుగురితో వెంట‌నే క‌లిసిపోయే విధంగా వ్య‌వ‌హ‌రించడం నేర్చుకోండి.
• మెట్రో న‌గ‌రాల్లో పుట్టిన వాళ్ల‌కి క‌లుపుగోలుత‌నం తో స‌మ‌స్య లేకున్నా చిన్న ప‌ట్ట‌ణాల్లో చ‌దువుకున్న వాళ్లు దీనిపై దృష్టి పెట్టండి.

• చ‌దువు, ఇంట‌ర్న్ షిఫ్, అర్హ‌త‌లు విష‌యంలో రెజ్యుమె లో త‌ప్పులు లేకుండా చూసుకొండి. ప్రెష‌ర్స్ కు నిజాయితీ చాలా ముఖ్యం.

అవ‌కాశాల‌కు కొదువ లేదు!

         ప్ర‌స్తుతం నియామ‌క ప్ర‌క్రియ వేగం త‌గ్గింద‌ని కొన్ని సంస్థ‌లు చెపుతున్నా అవి కొన్ని రంగాల‌కే ప‌రిమిత‌మైన నివేదిక‌లు. దేశంలో పెద్ద కంపెనీల‌ను మిన‌హాయిస్తే చిన్న చిన్న కంపెనీలు, స్టార్ట‌ప్ లు మంచి చురుకైన అభ్య‌ర్ధుల కోసం గాలిస్తున్నాయి. కాలేజీ నుంచి బ‌య‌ట‌కు వ‌చ్చిన ప్రెష‌ర్స్ మ‌నం చెప్పుకున్న చిన్న చిన్న జాగ్ర‌త్త‌లు తీసుకుంటే ఉద్యోగం సాధించ‌డం పెద్ద క‌ష్ట‌మేమీ కాదు. అతి విశ్వాసాన్ని వ‌దిలిపెట్టి ఆత్మ‌విశ్వాసంతో ముందుడుగు వేస్తే కెరీర్ లో చ‌క్క‌గా కుదురుకుంటారు. అతి విశ్వాసం, గొడ‌వ‌లు ప‌డే మ‌న‌స్త‌త్వం, అంద‌రితో త్వ‌ర‌గా క‌ల‌వ‌క‌పోయే వైఖ‌రి, కెరీర్ ఆరంభంలో కూడ‌ని అల‌వాట్లు. వీటిని త్వ‌ర‌గా వ‌దిలించుకుని నైపుణ్యాలు పెంచుకుంటే ప్రెష‌ర్స్ కు ఉద్యోగం గ్యారంటీ.

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                    You can send your Educational related articles to  careertimes.online1@gmail.com