'నెట్‌వర్క్' ఉంటే నెట్‌వర్త్ ఉన్నట్టే..!!

      నేటి యువత కార్పోరేట్ కెరీర్ లో దూసుకుపోవాలని, అత్యున్నత స్థాయికి చేరుకోవాలని ఆశపడుతున్నారు. అయితే ఈ కలను నెరవేర్చుకోవాలంటే అత్యుత్తమ నైపుణ్యాలతో పాటు ఇంకెన్నో ప్రణాళికలు, శక్తి సామర్ధ్యాలు అవసరమవుతాయి. కెరీర్ లో ఉన్నత స్థాయికి చేరుకునేందుకు కావాల్సిన అర్హతలపై గతంలో మనం 'కెరీర్ టైమ్స్' లో చర్చించుకున్నాం. దానికి కొనసాగింపుగా కార్పోరేట్ రంగంలో వేగంగా ఎదగాలంటే కావాల్సిన ఒక ముఖ్యమైన విషయం గూర్చి ఈరోజు తెలుసుకుందాం. ఆ ముఖ్యమైన విషయం ఏంటంటే నెట్ వర్కింగ్...అర్హతలు, నైపుణ్యాల పరంగా మీతో సమానంగా ఉన్న మీ తోటి వారు కెరీర్ లో మీకంటే ముందుకు దూసుకుపోవడానికి కారణమేంటని ఎప్పుడైనా ఆలోచించారా? అలా ఆలోచిస్తే వాళ్లకు మీకు మధ్య ఉన్న ఆ తేడా 'నెట్ వర్కింగ్' అన్న విషయం చాలా సులువుగా తెలిసిపోతుంది. కెరీర్ ప్రారంభంలో వీలైనంత ఎక్కువగా మీ నెట్ వర్కింగ్ ను పెంచుకోవాలి. ఈ మధ్య కాలంలో ప్రాచుర్యం పొందిన 'నెట్ వర్కింగ్ ఈవెంట్లు' ఈ విషయంలో మీకు చాలా బాగా సహాయపడతాయి. నెట్ వర్కింగ్ ఈవెంట్ల ద్వారా మీ నెట్ వర్కింగ్‌ను ఎలా పెంచుకోవాలో తెలుసుకుందాం.

1. ముందుగా సిద్ధం కండి!

• మీరు నెట్ వర్కింగ్ ఈవెంట్ కు వెళ్లాలని నిర్ణయించుకున్న తర్వాత అక్కడ వచ్చే వ్యక్తుల గూర్చి సమస్త వివరాలను, సమాచారాన్ని సేకరించి పెట్టుకోండి. 

• లింక్డ్ ఇన్ ప్రోఫైల్స్ ను చూడటం ద్వారా మీరు ఆయా సమాచారాలను సేకరించుకోవచ్చు.

• మీకు కెరీర్ పరంగా ఆయా ప్రొఫెషనల్స్ ఎలా ఉపయోగపడతారో గుర్తించండి. 

• ఆ వ్యక్తులతో మాట్లాడటం మూలాన ఉమ్మడి ఆసక్తులు, భవిష్యత్ ప్రణాళికలు మీకు తెలుస్తాయి. దీని ఆధారంగా ఆయా వ్యక్తులతో ఎలాంటి నెట్ వర్కింగ్ అవసరమో అన్నదానిపై మీకు స్పష్టత వస్తుంది. 

2. శాశ్వత సంబంధాలే లక్ష్యం! 

• నెట్ వర్కింగ్ ఈవెంట్లకు వెళ్లి హాయ్, బాయ్ అంటూ షేక్ హ్యాండ్స్ ఇస్తూ కూర్చుంటే మీరు అనుకున్న లక్ష్యం నెరవేరదు. 

• మీ భవిష్యత్ కెరీర్ కు ఉపయోగపడే కొత్తవారిని, నిపుణులను కలుసుకోని, వారి శాశ్వసంగా సంబంధాలను కొనసాగించాలి. 

• మీరు పైపైన పలకరింపులు చేస్తే అవతలి వ్యక్తులు కూడా మీతో అలానే వ్యవహరిస్తారు. 

3.ఇతరులను ఆకట్టుకోవాలి! 

• నెట్ వర్కింగ్ ఈవెంట్లకు హాజరైన వారు ఒకరినొకరు చాలా నిశితంగా గమనిస్తూ ఉంటారు. 

• మిమ్మల్ని అందరూ గమనిస్తున్నారన్న విషయాన్ని గుర్తు పెట్టుకుని వ్యవహరించాలి. 

• ఇతరులను ఆకట్టుకునేలా అత్యంత సహజంగా ఉండేలా ప్రవర్తించాలి. 

• హుందాగా, ఆత్మవిశ్వాసంతో ఉంటూ ముఖంపై చెదరని చిరునవ్వు అందర్నీ మీకు దగ్గర చేస్తుంది. 

• ఇతరులతో మాట్లాడేటప్పుడు మంచి వ్యక్తిత్వంతో పాటు ప్రొఫెషనలియం వ్యక్తమయ్యేలా వ్యవహరించాలి. 

4. మీకు ఏం కావాలో మీకు తెలిసుండాలి.

• నెట్ వర్కింగ్ ఈవెంట్లకు వచ్చే వాళ్లలో ఒక్కొక్కరికి ఒక్కో కారణం ఉంటుంది. 

• మీ లక్ష్యం ఏమిటి అన్న దానిపై మీకు చాలా స్పష్టత ఉండాలి. 

• మీకు ఎటువంటి కాంటాక్ట్స్ కావాలో ముందుగా గుర్తించాలి. 

• ఆయా నెట్ వర్కింగ్ కాంటాక్ట్స్ ద్వారా మీకు వ్యక్తిగతంగా, వృత్తిపరంగా ప్రయోజనం చేకూరేలా ప్రయత్నం చేయాలి. 

5. మాటలే అనుబంధాలకు పునాది!

• నెట్ వర్కింగ్ ఈవెంట్ల ద్వారా ప్రయోజనం పొందాలంటే ముందుగా కొత్తవారితో మాటలు కలపాలి. 

• మీకు సాధించిన విజయాలను, మీ అనుభవాలను వాళ్లతో పంచుకోండి. 

• విభిన్న రంగాల్లో అనుభవం ఉన్న వారు చెప్పే విషయాలను ఆసక్తిగా వినడం నేర్చుకోండి. 

• కార్యక్రమంలో జరిగే చర్చలో మీ ప్రాతినిధ్యం బాగుండేలా చూసుకోవాలి. 

• మాటలు కలపడం ద్వారానే ఆయా రంగాల నిపుణులతో మీకు అనుబంధం ఏర్పడుతుంది. 

6. రిలేషన్స్ ను కొనసాగించాలి!

• నెట్ వర్కింగ్ ఈవెంట్లలో కలిసిన వారితో సంబంధాలను కొనసాగించాలి. 

• 'ఏదో కలిసాం ఇక మాట్లాడం ఎందుకు?' అనుకోకూడదు. 
• ఈవెంట్ ముగిసాక 48 గంటల్లో వాళ్లతో మాట్లాడేందుకు ప్రయత్నించాలి. 

• మీరు వారికి పంపే సమాచారం ఇరువురికి ప్రయోజనం చేకూర్చే విధంగా ఉండేట్టు జాగ్రత్త పడాలి.  

• దీర్ఘకాలం ప్రొఫెషనల్ సంబంధాలను కొనసాగించేందుకు సిద్ధమవ్వాలి. 

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                    You can send your Educational related articles to  careertimes.online1@gmail.com