ఇంట‌ర్వ్యూలో ఈ 7 త‌ప్పులు అస్స‌లు చేయ‌కండి!!

          ఇంట‌ర్వ్యూ అన‌గానే ఎవ‌రికైనా చిన్న‌పాటి కంగారు, జంకు ఉంటాయి. ఈ స‌మ‌స్య కొత్త వారికే కాదు, ఇప్ప‌టికే ఉద్యోగం చేస్తున్న వారు కూడా జాబ్ ఇంట‌ర్వ్యూ అన‌గానే కాస్త అసౌక‌ర్యంగానూ, కాస్త భ‌యంగానూ ఫీల్ అవుతారు. మ‌నం అనుకోకుంగానే ముఖాముఖీలో కొన్ని త‌ప్పులు చేస్తుంటాం. మ‌న త‌ప్పులు మ‌నం తెలుసుకున్న‌ప్పుడే వాటిని స‌రిదిద్దుకునేందుకు మ‌న బ‌ల‌హీన‌త‌ల‌ను తొల‌గించుకునేందుకు అవ‌కాశం ఉంటుంది. మీకు మంచి అనుభ‌వం ఉన్నా, నైపుణ్యాలు ఉన్నా ఇంట‌ర్వ్యూలో మీ ప్ర‌జంటేష‌న్ స‌రిగ్గా లేకుంటే మీరు వైఫ‌ల్యం చెందుతారు. కామ‌న్ గా అభ్య‌ర్థులు చేసే 7 త‌ప్పుల‌ను మ‌నం ఇప్పుడు చ‌ర్చించుకుందాం. వాటిని స‌రిదిద్దుకుంటే మీరు జాబ్ ఇంట‌ర్వ్యూలో విజయం సాధించేందుకు అత్యున్న‌త స్థాయికి చేరుకునేందుకు అవ‌కాశం ఏర్ప‌డుతుంది. ఈ పొర‌పాట్ల‌ను కనుక‌ మీరు చేయ‌కుంటే మీ క‌ల‌ల ఉద్యోగాన్ని చాలా సుల‌భంగా సాధించ‌వ‌చ్చు. 

1. ప్రిప‌రేష‌న్ లేకుంగా ఇంట‌ర్వ్యూకు హాజ‌రు కావ‌డం. 

• మీరు ప‌నిచేస్తున్న లేదా చ‌దువుకున్న రంగం పై ప్రాథ‌మిక విష‌యాలను తెలుసుకోండి. మీకు చిన్న చిన్న విష‌యాలకు స‌మాధానం చెప్ప‌లేకుంటే రిక్రూట‌ర్ కు మీపై న‌మ్మ‌కం కుద‌ర‌దు. 

• మీరు ఇంట‌ర్వ్యూకు వెళ్లిన కంపెనీకి సంబంధించి పూర్తి స‌మాచారం తెలుసుకోండి. 

• చిన్న చిన్న విష‌యాల‌ను ప‌రిశీల‌న చేయ‌క‌పోవ‌డం, ఎప్ప‌టిక‌ప్పుడు అప్ డేట్ గా ఉండ‌క‌పోవ‌డం మీకు మైన‌స్ గా మారుతుంది. 

• మీరు ప్రాథ‌మిక విష‌యాల‌పై, స‌బ్జెక్ట్ పై ప‌ట్టు సాధిస్తే చాలు, మీకు ఉద్యోగం దొరికేందుకు మార్గం సుగ‌మం అవుతుంది.
   

2. స‌మ‌య పాల‌న లేక‌పోవ‌డం. 

• ఇంట‌ర్వ్యూ నిర్వ‌హిస్తున్న ప్ర‌దేశానికి తొంద‌ర‌గా చేరుకోవ‌డం లేదా ఆల‌స్యంగా చేరుకోవ‌డం మీ ఉద్యోగ అవ‌కాశాల‌ను తీవ్రంగా దెబ్బ‌తీస్తుంది. 

• మీరు ఇంట‌ర్వ్యూకు ఆల‌స్యంగా వచ్చారంటే అది మీపై ఎంప్లాయ‌ర్ ఇంప్రెష‌న్ ను తీవ్రంగా ప్ర‌భావితం చేస్తుంది. మీకు మంచి నైపుణ్యాలు ఉన్నా టైమ్ సెన్స్ లేని వారిని ఎవ‌రూ ప‌ట్టించుకోరు. 

• మీరు ఇంట‌ర్వ్యూకు కాస్త ముందుగా రావ‌డాన్ని  ఎవ‌రూ పెద్ద ప‌ట్టించుకోక‌పోయినా, మ‌రీ ముందుగా రావ‌డం మాత్రం మీ పై ప్ర‌తికూల భావాన్ని క‌లుగజేస్తుంది. 

• మీరు ముందుగా వ‌స్తే ఎంప్లాయ‌ర్స్ కు కాస్త అసౌక‌ర్యంగా కూడా ఉంటుంది. కాబట్టి స‌మ‌య పాల‌న‌కు మొద‌టి ప్రాధాన్య‌త‌ను ఇవ్వండి. 

3. వ‌స్త్ర‌ధార‌ణ స‌రిగ్గా లేక‌పోవ‌డం. 

• మీరు దుస్తులు ధ‌రించే విధాన‌మే ఎంప్లాయ‌ర్ కు మీపై మొద‌టి ఇంప్రెష‌న్ ను క‌లిగిస్తుంది.  

• మీరు వ‌స్త్ర‌ధార‌ణ‌పై శ్ర‌ద్ధ పెట్ట‌కుండా నిర్ల‌క్ష్యంగా ఇంట‌ర్వ్యూకు వెళితే, మీరు ఉద్యోగంకై సీరియ‌స్ గా లేర‌ని ఎంప్లాయ‌ర్ భావిస్తాడు. 

• మీ గురించి మీరు ప్ర‌జంట్ చేసుకున్న‌ప్పుడు దానిపై కాస్త శ్ర‌ద్ధ పెట్టండి. మీ ప్రజంటేష‌న్ మీపై ఒక నిర్ణ‌యానికి వ‌చ్చేందుకు ప్ర‌ధాన ఉప‌క‌ర‌ణం. 

• రంగు రంగుల చొక్కాలు, బాగా మెరుపు ఉన్న దుస్తులు ధ‌రించి ఇంట‌ర్వ్యూకు వెళితే మీకు ఎంప్లాయ‌ర్ నో చెప్పొచ్చు. 

• చ‌క్క‌గా ప్రొఫెష‌నల్ గా దుస్తులు ధ‌రించి వెళ్ల‌డం వ‌ల‌న మీ ఆత్మ‌విశ్వాసం పెర‌గ‌డంతో పాటు ఎంప్లాయ‌ర్ కు కూడా మీపై మంచి ఇంప్రెష‌న్ క‌లుగుతుంది. 

4. మీ పాత కంపెనీ గురించి చెడుగా మాట్లాడ‌టం. 

• మీరు గ‌తంలో ప‌నిచేసిన కంపెనీ గూర్చి చెడుగా చెప్ప‌డం అంటే మీరు ఇంట‌ర్వ్యూలో విఫ‌లం అవుతున్న‌ట్టే. ఇలా చెప్ప‌డం మీ నెగెటివ్స్ ను మ‌రింత పెంచుతుంది. 

• మీరు ఆలోచించే విధంగా మీకు న‌చ్చిన‌ట్టు ఎవ్వ‌రూ మీకు ఉద్యోగం ఇచ్చేందుకు సిద్ధ‌ప‌డ‌రు. మీరు స‌రిగ్గా ప‌నిచేయ‌క‌పోవ‌డం క‌చ్చితంగా మీ వైఫ‌ల్య‌మే. 

• చాడీలు చెప్ప‌కుండా కొత్త అవ‌కాశాన్ని అందిపుచ్చుకుని ఉత్సాహంగా ప‌నిచేసే వాళ్ల‌నే కంపెనీలు కోరుకుంటాయి. 

5. ఇంట‌ర్వ్యూలో మాటిమాటికీ టైం, మొబైల్ చూసుకోవ‌డం. 

• ఎంప్లాయ‌ర్ ఎదురుగుండా మీరు టైం చూసుకుంటున్నా లేక మాటిమాటికీ మొబైల్ చెక్ చేసుకుంటున్నా అది అతిపెద్ద లోపం. ఇలా చేసే వాళ్ల‌ను కంపెనీలు ఎప్పుడూ ఉద్యోగాల్లోకి తీసుకోవు. 

• మీరు జాబ్ పై సీరియ‌స్ గా లేరు అన‌డానికి ఈ  రెండు విష‌యాలు సంకేతాలు. ఇంట‌ర్వ్యూ టైం లో మొబైల్ స్విచ్ఛాఫ్ చేసుకోవడం ఉత్త‌మం. 

• అదే విధంగా మీరు అస్త‌మాను మీ చేతి గ‌డియారం  వంక చూసుకుంటున్నారంటే ఈ జాబ్ పై మీకు అంత ఆస‌క్తి లేద‌ని ఎంప్లాయ‌ర్ భావిస్తాడు. ఈ త‌ప్పు ఎప్పుడూ చేయ‌కండి. 

6. ఇంట‌ర్వ్యూలో అలెర్ట్ గా లేక‌పోవ‌డం.

• మీరు ఇంట‌ర్వ్యూలో అలెర్ట్ గా లేకున్నావేరే ఎక్క‌డో ఆలోచిస్తున్న‌ట్టు క‌నిపించినా కంపెనీలు మీకు నో చెపుతాయి. 

• ఇంట‌ర్వ్యూ లో అడుగుతున్న ప్ర‌శ్న‌ల‌ను మ‌ర్చిపోవ‌డం, వ‌దిలేయ‌డం చేస్తుంటే మీ సీరియ‌స్ నెస్ పై మీ అలెర్ట్ పై ఎంప్లాయ‌ర్ కు సందేహం వ‌స్తుంది. 

• ఇంట‌ర్వ్యూలో ఎప్పుడు అలెర్ట్ గా ఉండండి. మంచి ఉత్సాహంతో ఉండండి. అదే స‌మ‌యంలో అడిగిన దానికి మాత్ర‌మే స‌మాధానం ఇస్తూ కామ్ నెస్ ను కొన‌సాగించండి. 

7. ఎక్కువ‌గా మాట్లాడ‌టం. 

• ఇంట‌ర్వ్యూలో ఎక్కువ‌గా మాట్లాడ‌టం అవ‌స‌రం లేకున్నా అతిగా చెప్ప‌డం చేస్తే మీకు ఉద్యోగం రాదు. 

• ఎక్కువ‌గా మాట్లాడం అంటే మీరు కంపెనీ నుంచి ఒక విధంగా బ‌య‌ట‌కు వెళ్లిపోవ‌డమే, అతిగా మాట్లాడే వారిని ఎంప్లాయ‌ర్స్ కోరుకోరు. 

• మీరు చెప్పే స‌మాధానం ఎప్పుడూ క్లుప్తంగా, విష‌యం అర్ధ‌మ‌య్యేలా ఉండాలి. ఎక్కువ‌గా  సాగ‌దీయ‌డం, అన‌వ‌స‌ర‌పు స‌మాధానం చెప్ప‌డం మీకు మేలు చేయ‌దు. 

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                    You can send your Educational related articles to  careertimes.online1@gmail.com