మంచి ట్యూష‌న్ సెంట‌ర్ ను ఎంచుకునే 6 సూప‌ర్ టిప్స్!!

     ఈ పోటీ ప్ర‌పంచంలో  తెలివైన పిల్ల‌ల‌కు కూడా చ‌దువులో మ‌రింత రాణించేందుకు అద‌న‌పు స‌హాయం అవ‌స‌ర‌మ‌వుతోంది. స్కూల్ లో చెప్పిన పాఠాల‌కు కొన‌సాగింపుతో పాటు తమ పిల్ల‌ల‌కు స‌బ్జెక్ట్ పై మ‌రింత ప‌ట్టు వ‌స్తుంద‌న్న ఉద్దేశం కూడా త‌ల్లిదండ్రులు ట్యూష‌న్  సెంట‌ర్ల వైపు మొగ్గు చూపేందుకు కార‌ణంగా క‌నిపిస్తోంది. అందుకే ఇటీవ‌లి కాలంలో ట్యూష‌న్ సెంట‌ర్లకు డిమాండ్ పెరిగింది. ఒక్కోసారి స్కూల్ లో వివిధ కార‌ణాల వ‌ల‌న పిల్ల‌లు ముడుచుకుపోతారు. దీంతో చ‌దువులో స‌రైన ప్ర‌తిభ‌ను చూప‌లేరు. కానీ మంచి ట్యూష‌న్ సెంట‌ర్ ను ఎంచుకుంటే స్కూల్ లో నేర్చుకోలేని కొన్ని విష‌యాల‌ను ఇక్క‌డ భ‌ర్తీ చేసుకునేందుకు వీలు క‌లుగుతుంది. అయితే మంచి ట్యూష‌న్ సెంట‌ర్ ను ఎంచుకునేందుకు చిన్న జాగ్ర‌త్త‌లు తీసుకుంటే స‌రిపోతుంది. విద్యార్ధి యొక్క సామ‌ర్ధ్యాన్ని స‌రిగ్గా అంచ‌నా వేసి అందుకు త‌గిన విధంగా ట్యూష‌న్ సెంట‌ర్ ను ఎంపిక చేసుకుంటే పిల్ల‌లు ప‌రీక్ష‌ల్లో మంచి ఫ‌లితాల‌ను సాధించేందుకు వీలు క‌లుగుతుంది.

కోచింగ్ వేరు..ట్రైనింగ్ వేరు!!

     మ‌న పిల్ల‌ల్ని ట్యూష‌న్ సెంట‌ర్ లో లేదా కోచింగ్ సెంట‌ర్ లో జాయిన్ చేసే ముందు కొన్ని విష‌యాల‌పై అవ‌గాహ‌న తెచ్చుకోవాలి. భోధ‌న‌లో కోచింగ్ వేరు..ట్రైనింగ్ వేరు..! కోచింగ్ అంటే తెలిసింది చెప్ప‌డం, ట్రైనింగ్ అంటే విష‌యాన్ని పూర్తిస్థాయిలో కూలంకుషంగా అందించ‌డం. ఈ క్ర‌మంలో మ‌న పిల్ల‌ల్ని ట్యూష‌న్ సెంట‌ర్ కు అక్క‌డ టీచ‌ర్ కు తెలిసింది మాత్ర‌మే నేర్చుకోవ‌డానికి పంపిస్తున్నామా?  లేక పూర్తి విష‌యంపై అవ‌గాహ‌న తెచ్చుకోవ‌డానికి పంపిస్తున్నామా? అన్న‌దానిపై ముందు త‌ల్లిదండ్రుల‌కు క్లారిటీ ఉండాలి. విద్యార్ధులు పాఠాన్ని అర్ధం చేసుకునే విష‌యంలో విభిన్న ర‌కాల సామ‌ర్ధ్యాన్ని క‌లిగి ఉంటారు. అంద‌రినీ ఒకే ర‌క‌మైన వేదిక‌పై పెట్టి అంద‌రికీ ఒకే విధంగా పాఠం చెపితే విద్యార్ధులు ఏమీ నేర్చుకోలేరు. స్కూల్ లో ఈ విధంగా ఉంటుంది కాబ‌ట్టే ట్యూష‌న్ సెంట‌ర్లకు ప్రాధాన్య‌త పెరిగింది. ట్యూష‌న్ సెంట‌ర్లు విద్యార్ధి సామర్ద్యం ఆధారంగా పాఠం చెపుతూ అత‌ని బ‌లాలు, బ‌ల‌హీన‌త‌ల‌ను గుర్తించి వాటి ఆధారంగా భోధించాల్సి ఉంటుంది. అలా భోధించే సామ‌ర్ధ్యం, ప‌రిణితి ఉండే ట్యూష‌న్ సెంట‌ర్ల‌ను త‌ల్లిదండ్రులు జాగ్ర‌త్త‌గా ఎంపిక చేయాలి.

ట్యూష‌న్ సెంట‌ర్ ఎంపిక కీల‌కం!

    ప్ర‌స్తుతం సందుకో ట్యూష‌న్ సెంట‌ర్ ఉన్న నేప‌థ్యంలో త‌మ పిల్ల‌ల కోసం స‌రైన ట్యూష‌న్ సెంట‌ర్ ను ఎంపిక చేయ‌డం పేరెంట్స్ కు స‌వాలే. మ‌నం ఇప్పుడు చెప్పుకోబోతున్న కొన్ని జాగ్ర‌త్త‌లు తీసుకుంటే మంచి ట్యూట‌ర్ ను మంచి ట్యూష‌న్ సెంట‌ర్ ను ఎంపిక చేసుకోవ‌డం సులువ‌వుతుంది.

ఆన్‌లైన్ ప్లాట్‌ఫాం‌లు

   ప్ర‌స్తుతం మంచి సామ‌ర్ధ్యం, నైపుణ్యం ట్యూట‌ర్‌ను ఎంచుకోవ‌డంలో ఆన్‌లైన్ ప్లాట్‌ఫామ్‌లు కీల‌క పాత్ర పోషిస్తున్నాయి. మంచి అర్హ‌త‌లున్న ట్యూట‌ర్స్ ను వారే సెలెక్ట్ చేసి, వారికి అవ‌స‌ర‌మైన‌ మ‌రికొన్ని నైపుణ్యాలు నేర్పించి మ‌న‌కు అందుబాటులో ఉంచుతున్నాయి. మంచి సంస్థలు స‌ర్టిఫై చేసిన ట్యూట‌ర్లను ఎంపిక చేసుకుంటే ఎటువంటి ఇబ్బంది ఉండ‌దు. ట్యూట‌ర్స్ ప్రైడ్ (www.tutorspride.com ) వంటి కొన్ని సంస్థ‌లు ట్యూట‌ర్స్ ను స‌ర్టిఫై చేసి సేవ‌లు అందిస్తున్నాయి. అటువంటి వేదిక‌ల‌ను వాడుకుంటే మంచి ఫ‌లితం ఉంటుంది.

      ఇప్పుడు మనం చెప్పుకుంటున్న 6 జాగ్రత్తలు తీసుకుంటే పిల్లలకు మంచి ట్యూషన్ సెంటర్ ను, మంచి ట్యూటర్ ను ఎంచుకుునేందుకు వీలు కలుగుతుంది.

1.స్పెష‌లైజేష‌న్స్

    కొన్ని ట్యూష‌న్ సెంట‌ర్స్ లో ఒకే టీచ‌ర్ అన్ని స‌బ్జెక్ట్ లు భోధిస్తూ ఉంటాడు. ఇటువంటి ట్యూష‌న్ సెంట‌ర్స్  కు ప్రాధాన్య‌త‌నివ్వ‌కండి. ఒక్కో స‌బ్జెక్ట్ కు ఒక్కో టీచ‌ర్ ఉండే సెంట‌ర్స్ కు ఇంపార్టెన్స్ ఇవ్వండి. ఒకే టీచ‌ర్ విభిన్న సబ్జెక్ట్ లు భోధించ‌డం అంటే అత‌ను మీ పిల్ల‌ల‌కు స‌రైన ట్యూష‌న్ టీచ‌ర్ కాదు. ఒక్కో స‌బ్జెక్ట్ ఒక్కో టీచర్ ఉండే ట్యూష‌న్ సెంట‌ర్స్ ను ఎంపిక చేసుకోండి.

2.క‌మ్యూనికేష‌న్ స్కిల్స్

      మీ పిల్ల‌ల‌ను ట్యూష‌న్ సెంట‌ర్ లో జాయిన్ చేసేట‌ప్పుడు అక్క‌డ పనిచేసే టీచ‌ర్ కు స‌రైన క‌మ్యూనికేష‌న్ స్కిల్స్ ఉన్నాయో లేదో నిశితంగా గ‌మ‌నించండి. ఎందుకంటే స‌రైన భావ‌వ్య‌క్తీక‌ర‌ణ చేయ‌లేని టీచ‌ర్స్ పిల్ల‌ల‌కు ఏమీ భోధించ‌లేరు. అత‌ని ద‌గ్గ‌ర ఎంత‌టి స‌బ్జెక్ట్ ఉన్నా పిల్ల‌ల‌కు అర్ధ‌మ‌య్యే విధంగా చెప్ప‌లేకుంటే అది వృధాయే అవుతుంది. కాబ‌ట్టి స‌ర‌ళ‌మైన భాష‌లో మ‌న‌సుకు హ‌త్తుకునేలా మాట్లాడే టీచ‌ర్స్ ను ఎంపిక చేసుకోండి.

3.ఫీజులు

    ప్ర‌స్తుతం చాలా ట్యూష‌న్ సెంట‌ర్స్ ఫీజుల‌ను భారీగానే వ‌సూలు చేస్తున్నాయి. కేవ‌లం ఒక్క డెమో ఇచ్చాక ఏడాది ఫీజు మొత్తం ముందుగానే క‌ట్టేయాల‌ని చెపుతారు. ఈ విష‌యంలో మీరు ఒక‌టికి రెండు సార్లు ఆలోచ‌న చేసుకోండి. మీ పిల్ల‌వాడు ఒక‌టి రెండు క్లాస్ ల‌కు వెళ్లి బాగుంది అని చెప్పాకే ఫీజు చెల్లించండి. లేదంటే త‌ర్వాత వాళ్లు స‌రిగ్గా చెప్ప‌క‌పోయినా అందులోనే కొన‌సాగాల్సి వ‌స్తుంది.

4. ధృవీక‌ర‌ణ

   ఈ ట్యూష‌న్ సెంట‌ర్‌లో  ఎక్క‌వ మంది విద్యార్ధుల‌తో ఉంది..చాలా మంచి సెంట‌ర్ అని అనుకుంటే మ‌నం ప‌ప్పులో కాలేసిన‌ట్టే. ప్ర‌చారం అతిగా ఉండ‌టం వ‌ల‌న కూడా కొన్ని సెంట‌ర్ల‌లో ఎక్కువ‌మంది విద్యార్ధులు ఉంటారు. మీరు ఆ ట్రాప్ లో ప‌డ‌కుండా ఆ ట్యూష‌న్ సెంట‌ర్ కోసం విచార‌ణ జ‌రిపి ఒక నిర్ణ‌యానికి రావాలి. అప్ప‌టికే అక్క‌డ కోచింగ్ తీసుకుంటున్న విద్యార్ధుల త‌ల్లిదండ్రుల‌ను ఎంక్వైరీ చేస్తే ఆ సెంట‌ర్ పై మ‌రింత స్ప‌ష్ట‌త వ‌స్తుంది.

5.విద్యార్ధి బ‌లాబ‌లాలు

        మీ ట్యూట‌ర్ చాలా మంచి టీచ‌ర్ అయిన‌ప్ప‌టికీ ఆయ‌న క్లాస్ లో ప‌రిమితికి మించి విద్యార్ధులు ఉంటే అది పిల్ల‌వాడికి మేలు చేయ‌దు. స్కూల్ లో ఇటువంటి స‌మ‌స్య ఉంది అనే క‌దా మీరు ట్యూష‌న్ సెంట‌ర్ ను ఎంపిక చేసుకున్నారు. ట్యూష‌న్ సెంట‌ర్ లో కూడా అదే స‌మ‌స్య ఉంటే అది పిల్ల‌వాడికి మేలు చేయ‌దు. ప్ర‌త్యేక వ్య‌క్తిగ‌త ప‌ర్యవేక్ష‌ణ లేన‌ప్పుడు ట్యూష‌న్ సెంట‌ర్ కు ఇక అర్ధ‌మే లేదు. ఈ విష‌యంలో చాలా జాగ్ర‌త్తగా ఉండండి. అక్క‌డి మంచి టీచ‌ర్ ఉండి ఉంటే టైమింగ్ మార్చ‌డం వంటి ప‌నుల చేసి మీ పిల్ల‌వాడికి మంచి భోధ‌న అందేలా చూడండి.

6. స‌దుపాయాలు

      ట్యూష‌న్ సెంట‌ర్ ప‌రిస‌రాలు, లోప‌ల క్లాస్ రూమ్ లు, ఇత‌ర స‌దుపాయాలు స‌రిగ్గా ఉన్నాయో లేవో సరి చూసుకోవాలి. క్లాస్ రూమ్ లో లైట్స్, ఫ్యాన్స్ స‌రిగా ప‌నిచేస్తున్నాయో లేదా అన్న‌ది చెక్ చేయాలి. కొంచెం ల‌గ్జ‌రీ అనుకోకుంటే మీకు అంత ఆర్థిక స్థోమ‌త ఉంటే ఏసీ క్లాస్ రూమ్స్ ను ప్రిప‌ర్ చేస్తే మంచిది. ఎందుకంటే ఉద‌యం నుంచి క్లాస్ రూమ్ లో అలిసిపోయిన మీ పిల్ల‌వాడు ట్యూష‌న్ సెంట‌ర్ లో కాస్త రీప్రెష్ అయ్యేందుకు వీలు క‌లుగుతుంది. ఇన్ని జాగ్ర‌త్తలు తీసుకుంటే మీ పిల్ల‌ల ట్యూష‌న్ సెంట‌ర్ ఎంపిక సులువ‌వుతుంది. అంత స‌మ‌యం లేదు అనుకుంటే మ‌నం ముందు చెప్పుకున్న‌ట్టు ఆన్‌లైన్ ప్లాట్‌ఫాంల సహాయం తీసుకుంటే స‌రిపోతుంది.

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                    You can send your Educational related articles to  careertimes.online1@gmail.com