డ‌బ్బు, నైపుణ్యం ఏక కాలంలో..!

    అత్యున్న‌త విద్యా సంస్థ‌లో చ‌ద‌వాల‌ని, మంచి ఆహారం తినాల‌ని, మంచి బ‌ట్ట‌లు వేసుకోవాల‌ని, ఖ‌రీదైన కార్ల‌లో తిర‌గాల‌ని ప్ర‌తీ ఒక్క‌రూ క‌ల‌లు కంటారు. అయితే ఇవి నిజం కావడం అన్న‌ది క‌లను క‌న్నంత‌ ఈజీ కాదు. డ‌బ్బు సంపాదించాలంటే క‌ష్ట‌ప‌డి ప‌నిచేయ‌డం ఒక్క‌టే మార్గం. ఈ ముఖ్య‌మైన విష‌యాన్ని ఇప్పుడు విద్యార్ధులు అర్ధం చేసుకోవాలి. డ‌బ్బు యొక్క ప్రాముఖ్య‌త‌ను, విలువ‌ను గుర్తించాలి. ఈ విష‌యం మ‌రింత అనుభవపూర్వ‌కంగా తెలుసుకునేందుకు విద్యార్ధులు ఈ వేస‌వి సెల‌వుల‌ను చ‌క్క‌గా ఉప‌యోగించుకోవాలి. ఈ రెండు నెల‌ల కాలంలో ఎక్క‌డైనా పార్ట్ టైమ్ ఉద్యోగాలు చేస్తే ప‌ని వాతావ‌ర‌ణంపై అవ‌గాహ‌న‌తో పాటు డ‌బ్బు సంపాదించేందుకు అవ‌కాశం క‌లుగుతుంది. అమెరికా లాంటి దేశాల్లో ప్రాచుర్యం పొందిన ఈ త‌ర‌హా విధానాన్నిఇప్పుడు  మ‌న విద్యార్ధులు కూడా ఆచ‌రించాలి.

డ‌బ్బు విలువ తెలియాల్సిందే!

    ప్ర‌స్తుతం త‌ల్లిదండ్రులు తాము ప‌డిన క‌ష్టం త‌మ పిల్ల‌లు ప‌డ‌కూడ‌ద‌ని తాహ‌తుకు మించి ఖ‌ర్చు పెడుతూ వారిని  మంచి విద్యా సంస్థ‌ల్లో చ‌దివిస్తున్నారు. అయితే ఇక్క‌డే త‌ల్లిదండ్రులు ఒక అతి ముఖ్య‌మైన విష‌యాన్ని విస్మ‌రిస్తున్నారు. డ‌బ్బు ఎంత క‌ష్ట‌ప‌డితే వ‌స్తుందో అన్న విష‌యాన్ని త‌మ పిల్ల‌ల‌కు తెలియ‌కుండా పెంచుతున్నారు. ఇది చాలా త‌ప్పు. వారికి చిన్న‌ప్ప‌టి నుంచి డ‌బ్బు విలువ‌ను తెలియ‌జెప్పాలి. త‌మ‌కు ఎంత సంపాద‌న వ‌స్తుందో, ఎంత ఖ‌ర్చు అవుతుందో వారికి వివ‌రించాలి. ఇలా చెప్ప‌డం వ‌ల‌న పిల్లల‌కు భాధ్య‌త పెరుగుతుంది. డ‌బ్బు అన‌వ‌స‌రంగా ఖ‌ర్చు చేస్తున్న‌ప్పుడు త‌ల్లిదండ్రులు క‌ష్టం గుర్తుకువ‌చ్చి ఖ‌ర్చుపై అదుపు వ‌స్తుంది. డ‌బ్బు పొదుపుతో పాటు డ‌బ్బు సంపాదించ‌డాన్ని కూడా పిల్ల‌ల‌కు నేర్పించాలి. డ‌బ్బు సంపాదించ‌డంలో ఉన్న క‌ష్టం తెలిసిన‌ప్పుడు ప్ర‌తీ పైసాను వాళ్లు జాగ్ర‌త్త‌గా ఖ‌ర్చు చేయ‌డం నేర్చుకుంటారు. 

సెల‌వుల‌ను స‌ద్వినియోగం చేసుకొండి

    ఇప్పుడు వచ్చిన వేస‌వి సెల‌వుల‌ను విద్యార్ధులు పూర్తి స్థాయిలో స‌ద్వినియోగం చేసుకోవాలి. కొత్త నైపుణ్యాల‌ను నేర్చుకోవ‌డంతో పాటు పార్ట్ టైమ్ ఉద్యోగాలు చేసేందుకు సిద్ధంగా ఉండాలి. ఆ ఉద్యోగం కెరీర్ కు ప‌నికిరాకున్నా కేవ‌లం డ‌బ్బు సంపాదించేందుకు అయినా ఏదో ఒక ఉద్యోగంలో జాయిన్ అవండి. దీని వ‌ల‌న ప‌ని వాతావ‌ర‌ణం, వ్య‌క్తుల‌తో వ్య‌వ‌హ‌రించే నేర్పు, డ‌బ్బు సంపాదించ‌డంలో ఉన్న క‌ష్టం ఇలా అన్నీ తెలిసి వస్తాయి. అమెరికాలోనూ, యూర‌ప్ దేశాల్లోనూ విద్యార్ధులు సెల‌వుల్లో ఇలానే పార్ట్ టైమ్ ఉద్యోగాలు చేస్తారు. రెస్టారెంట్ల‌లో వెయిట‌ర్స్ గా, స‌ర్వీస్ బోయ్ ల గానూ ప‌ని చేస్తారు. చిన్న చిన్న ఉద్యోగాలు చేయ‌డం వ‌ల‌న చేసే ప‌నిని ఎలా గౌర‌వించాల‌న్న విష‌యాన్ని ప్ర‌త్య‌క్షంగా నేర్చుకునేందుకు వారికి వీలు క‌లుగుతుంది. ఇందులో స్థాయీభేధాలు కూడా ఉండ‌వు. బాగా డ‌బ్బు ఉన్న వాళ్ల పిల్ల‌లు కూడా హోట‌ల్స్ లో స‌ర్వీస్ బాయ్స్ గా  చేస్తారు. త‌ల్లిదండ్రుల‌పై ఆధార‌ప‌డ‌కుండా పాకెట్ మ‌నీని సంపాదించుకునేందుకు చేసే ఈ పనిలో డ‌బ్బు విలువ‌తో పాటు జీవన నైపుణ్యాలు అల‌వ‌డ‌తాయి. 

ఇంట‌ర్న్ షిఫ్ ల‌పై ఓ క‌న్నేయండి!

  ప్ర‌స్తుతం జాబ్ పోర్టల్స్ లో పార్ట్ టైమ్ ఉద్యోగాలు కూడా భారీగానే దొరుకుతున్నాయి. విద్యార్ధులు వాటిని గ‌మ‌నించి ఈ అవ‌కాశాల‌ను స‌ద్వినియోగం చేసుకోవాలి. మీరు ఎంచుకున్న లేదా ఆస‌క్తి లేని రంగం అయినా స‌రే పార్ట్ టైమ్ ఉద్యోగాన్ని చేసేందుకు వెన‌కాడ‌కండి. ఎందుకంటే ఈ సెల‌వుల్లో మీ ప్ర‌ధాన ల‌క్ష్యం డ‌బ్బు సంపాద‌న‌, ప‌ని వాతావ‌ర‌ణం తెలుసుకోవ‌డం. ఈ రెండు విష‌యాల‌నే ప్ర‌తిపాదిక‌గా తీసుకుని స‌మ‌యాన్ని స‌ద్వినియోగం చేసుకునేందుకు ప్ర‌య‌త్నించండి. ఇక పార్ట్ టైమ్ ఉద్యోగాల‌తో పాటు ఇంట‌ర్న్ షిప్ ల‌పై కూడా విద్యార్ధులు దృష్టి సారించాలి. ఇంట‌ర్న్ షిప్ ల‌తో ప‌నితో పాటు డ‌బ్బు కూడా సంపాదించుకునే అవ‌కాశం కలుగుతుంది. ఇంట‌ర్న్ షిప్ ల కోసం www.intershala.com, www.twenty19.com  వంటి వెబ్ సైట్ల‌ను చూడండి. ఈ సైట్ల‌లో ఇంట‌ర్న్ షిప్ లకు సంబంధించిన పూర్తి స‌మాచారం ఉంటుంది. కొత్త‌గా ఎన్నో స్టార్ట‌ప్స్ ఊపిరి పోసుకుంటున్నాయి. అటువంటి వ‌ర్ధ‌మాన కంపెనీలు పార్ట్ టైమ్ ఉద్యోగాల‌ను, ఇంట‌ర్న్ షిప్ ల‌ను అధికంగా ప్రోత్సాహిస్తున్నాయి. ఈ అవ‌కాశాన్ని విద్యార్ధులు అందిపుచ్చుకుని అంద‌మైన కెరీర్ కు బాట‌లు వేసుకోవాలి. 

మీ ప‌రిణితికి ప‌దును పెట్టుకొండి!

    పార్ట్ టైమ్ ఉద్యోగాలైనా, ఇంట‌ర్న్ షిప్ లైనా అవి విద్యార్ధి భావి ఉద్యోగ జీవితానికి బ‌ల‌మైన పునాదులు వేస్తాయి. డ‌బ్బు సంపాద‌న, డ‌బ్బు విలువ‌తో పాటు వ్య‌క్తుల‌తో వ్య‌వ‌హ‌రించే నేర్పు అల‌వ‌డుతుంది. అదే విధంగా రాబోయే రోజుల్లో కాలేజీ క్యాంప‌స్ ఇంట‌ర్వ్యూల్లో ఎటువంటి బెరుకు లేకుండా పాల్గొనేందుకు ఇది ఉప‌యోగ‌ప‌డుతుంది. అన్నింటికంటే ముఖ్యంగా రెజ్యుమె లో త‌ను చేసిన ప‌నిని, ఇంట‌ర్న్ షిప్ ల‌ను పేర్కొన‌డం విద్యార్ధికి లాభం చేకూరుస్తుంది. కాబ‌ట్టి విద్యార్ధులు వేస‌వి సెల‌వుల‌ను అన‌వ‌స‌ర కాల‌క్షేపంతో వృధా చేసుకోకుండా డ‌బ్బు సంపాదించేందుకు, కొత్త నైపుణ్యాలు నేర్చుకునేందుకు ఉప‌యోగిస్తే భ‌విష్య‌త్ లో డ‌బ్బు విలువ‌తో పాటు ప‌ని విలువ కూడా తెలుస్తుంది. మ‌రెందుకు ఆల‌స్యం..ఇప్పుడే పార్ట్ టైమ్ జాబ్స్, ఇంట‌ర్న్ షిప్ ల‌ను వెతికేందుకు రెడీ అయిపోండి. 

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                    You can send your Educational related articles to  careertimes.online1@gmail.com