'వాయిదా'ను వాయిదా వేయండి!
ఇది విద్యార్ధులకు ప‌రీక్షా కాలం. భవిష్యత్ జీవిత గ‌మ‌నాన్ని నిర్దేశించే అతి ముఖ్యమైన పోటీ ప‌రీక్ష‌లు మ‌రికొన్ని రోజుల్లో రాబోతున్నాయి. నీట్, ఎమ్ సెట్ ల‌తో పాటు మ‌రికొన్ని ముఖ్యమైన ప్ర‌వేశ ప‌రీక్ష‌లు విద్యార్ధుల స‌త్తాను, సామ‌ర్ధ్యాన్ని తేల్చేయ‌బోతున్నాయి. ల‌క్షలాది మందితో పోటీ ప‌డాల్సిన ఈ యుద్ధంలో ఎవ‌రైతే మెరుగైన ప్ర‌ద‌ర్శ‌న చేస్తారో వాళ్లే విజేతలు. ఇంత‌టి ముఖ్యమైన ప్ర‌వేశ పరీక్షల్లో విజ‌యం సాధించాలంటే విద్యార్ధులకు ఒక స్ప‌ష్ట‌మైన, స‌మ‌గ్ర‌మైన ప్ర‌ణాళిక చాలా ముఖ్యం. టైమ్ టేబుల్ వేసుకుని ఒక నిర్ధిష్ట‌మైన ప్ర‌ణాళిక‌తో చ‌దివితేనే విజ‌యం సాధ్య‌మ‌వుతుంది. వాయిదాలు, అస్తవ్య‌స్థ ప్ర‌ణాళిక‌లు విజ‌యాన్ని దూరం చేయ‌డంతో పాటు విద్యార్ధుల ఆత్మ‌విశ్వాసాన్ని దెబ్బ‌తీస్తాయి. అలా కాకుండా ఈ ప్ర‌వేశ పరీక్షల్లో విజ‌యం సాధించాలంటే విద్యార్ధులు కొన్ని ముఖ్యమైన విషయాలను పాటించాలి.
ల‌క్ష్యంపై స్ప‌ష్ట‌త, ప్రేమ ఉండాలి
ప‌దో త‌ర‌గ‌తి, ఇంట‌ర్ త‌ర్వాత‌నే ఒక విద్యార్ధి భవిష్యత్ నిర్ణ‌యించ‌బ‌డుతుంది. ఏ కోర్సులో జాయిన్ కావాలి, ఏ వృత్తిని ఎంచుకోవాల‌న్న‌దానిపై విద్యార్ధులకు స్ప‌ష్ట‌త ఉండాలి. ఎవ‌రో చెప్పార‌ని కాకుండా మీకు ఆస‌క్తి ఉన్న రంగాల్లోనే చదివితే అభివృద్ధి సాధించ‌గ‌లుగుతారు. అదే విధంగా రానున్న రోజుల్లో డిమాండ్ ఉన్న రంగాల‌ను గుర్తించి అటువంటి కోర్సుల‌ను ఎంచుకుంటే మంచిది. ఒక సారి ల‌క్ష్యం నిర్దేశించుకున్నాక ఇక దానికోసం నిరంతం శ్ర‌మించి ఫ‌లితాల‌ను రాబ‌ట్టాలి. ఎందుకంటే ఇది పోటీ ప్ర‌పంచం. రేసులో లేకుంటే నీకంటే ముందున్న వేలాది మంది నీ అవ‌కాశాన్ని త‌న్నుకుపోతారు. కాబ‌ట్టి నిరంత‌ర సాధ‌న‌తోనే ల‌క్ష్యాన్ని సాధించ‌డం సాధ్య‌మ‌వుతుంది. ల‌క్ష్యాన్ని ప్రేమించ‌డం వ‌ల‌న అందుకోసం మీరు ప‌డే క‌ష్టం కూడా చాలా ఇష్టంగా ఉంటుంది. ఇష్టంతో చేసే ప‌నిలో విజ‌యం క‌చ్చితంగా వ‌చ్చితీరుతుంది. కాబ‌ట్టి విద్యార్ధులు ముందుగా ల‌క్ష్యాన్ని ప్రేమించ‌డం నేర్చుకోవాలి.
'త‌ర్వాత చేద్దాంలే' అనొద్దు!
చ‌దువులో విద్యార్ధికి అయినా కెరీర్ నిర్మాణంలో ఉద్యోగికి అయినా వాయిదా అనేది అతిపెద్ద శ‌త్రువు. ఒక ప‌నిని వాయిదా వేయ‌డం అంటే మ‌న ల‌క్ష్య సాధ‌న‌లో వెన‌క‌బ‌డిపోతున్న‌ట్టే లెక్క. వాయిదా విద్యార్ధిలో ఒత్తిడిని పెంచుతుంది. త‌ర్వాత చేద్దాంలే, త‌ర్వాత చ‌దువుకోవ‌చ్చు..రేపు ఉదయం ఆ అసైన్ మెంట్ ను పూర్తి చేస్తాను అన్న మాట‌ల‌ను మీ డిక్ష‌న‌రీ నుంచి తీసేయండి. మనం ముందుగా చెప్పుకున్న‌ట్టు ప‌క‌డ్బందీ టైం టేబుల్ వేసుకుని ఒక షెడ్యూల్ ప్ర‌కారం చ‌ద‌వాలి. ఒక‌సారి వాయిదా వేస్తే దానిని పూర్తి చేయ‌డం కోసం రాత్రిళ్లు నిద్ర పోకుండా చ‌ద‌వ‌డం, అబ‌ద్దాలు చెప్ప‌డం వంటివి జ‌ర‌గొచ్చు. అది మాన‌సికంగా విద్యార్ధిపై ఒత్తిడిని పెంచుతుంది. ఒత్తిడి విష‌యంలో విద్యార్ధులు అప్ర‌మ‌త్తంగా ఉండాలి. ఒత్తిడిని నిర్వ‌హించుకోగ‌లితే సామ‌ర్ధ్యం ఇంట‌ర్మీడియెట్ స్థాయి విద్యార్ధులకు కాస్త త‌క్కువ‌గా ఉంటుంది. వాయిదాలు లేకుంటే ఒత్తిడి పెరిగే అవ‌కాశం ఉండ‌దు కాబ‌ట్టి వాయిదా అన్న‌దాన్ని ముందుగా వాయిదా వేయండి. ఈ విష‌యంలో విద్యార్ధులకు త‌ల్లిదండ్రులు స‌హ‌కారం అందించాలి.
టెక్నాల‌జీని కాస్త దూరం పెట్టండి!
ఈ ప‌రీక్ష‌ల సమయంలో విద్యార్ధులు టెక్నాల‌జీకి కాస్త దూరంగా ఉంటే మంచిది. స‌మ‌య పాల‌న చ‌క్క‌గా చేసుకుంటూ విరామం స‌మ‌యంలోనే సోష‌ల్ మీడియా వెబ్ సైట్లు, వాట్సాప్ ల‌ను చూస్తున్నా అవి విద్యార్ధి ఏకాగ్ర‌త‌కు భంగం కలిగించే ప్ర‌మాదం ఉంది. సోష‌ల్ మీడియాలో వ‌చ్చే కామెంట్లు, పోస్ట్ లు విద్యార్ధిని కొద్ది గంట‌ల సేపు వెంటాడ‌తాయి. అదే విధంగా వాట్సాప్ మేసేజ్ లు కూడా విద్యార్ధిపై ప్ర‌భావం చూసిస్తాయి. ఇలాంటి వాటి వ‌ల‌న స‌బ్జెక్ట్ పై పూర్తి స్థాయిలో దృష్టి పెట్టేందుకు వీలు క‌లుగ‌కుండా పోతుంది. మ‌న భవిష్యత్ కు అతి ముఖ్యమైన ప్ర‌వేశ‌ప‌రీక్ష‌కు స‌న్న‌ద్ధ‌మ‌వుతున్న‌ప్పుడు సోష‌ల్ మీడియాకు కొన్ని రోజులు దూరంగా ఉంటే పోయేదేం లేదు అన్న విష‌యాన్ని విద్యార్ధులు గుర్తించాలి. అదే విధంగా ఏక‌ధాటిగా కొన్ని గంట‌లు చ‌దివాక కొంత సేపు విరామం తీసుకోండి. ఈ విరామ సమయంలో మీ మ‌న‌సుకు ఆహ్లాదాన్ని పంచే సంగీతం విన‌డ‌మో, కుటుంబ స‌భ్యుల‌తో ఉల్లాసంగా గ‌డ‌ప‌డ‌మో చేయండి. ఇలా చేయ‌డం వ‌ల‌న అల‌స‌ట నుంచి దూరం కావచ్చు.
బ‌లాలు, బ‌ల‌హీన‌త‌ల‌పై స్ప‌ష్ట‌త తెచ్చుకొండి
ప్ర‌తీ విద్యార్దికి త‌న బ‌లాలు, బ‌ల‌హీన‌త‌ల‌పై ఒక స్ప‌ష్ట‌త ఉండాల్సిందే. ఎందుకంటే ఈ రెండింటి ఆధారంగానే విద్యార్ధి త‌న టైం టేబుల్ ను త‌యారు చేసుకోవాల్సి ఉంటుంది. ఏ స‌బ్జెక్ట్ మీద ఎక్కువ అవ‌గాహ‌న ఉందో, ఏ స‌బ్జెక్ట్ కొరుకుడుప‌డ‌టం లేదో విద్యార్ధికి అవ‌గాహ‌న ఉండాలి. దాని ఆధారంగానే ప్రిప‌రేష‌న్ ను విభజించుకుని కొన‌సాగించాలి. అదే విధంగా విద్యార్ధి త‌న ప్రిప‌రేష‌న్ కు అనుగుణంగా కొన్ని అంచ‌నాల‌ను కూడా త‌యారు చేసుకోవాలి. త‌న టైం టేబుల్, త‌న ప్రిప‌రేష‌న్, త‌న సామ‌ర్ధ్యాల ఆధారంగా త‌న‌కు వ‌చ్చే ఫ‌లితం పై విద్యార్ధికి ఒక అంచనా ఉండాలి. ఇలా అంచనా లేకుంటే రేపు ఫ‌లితాలు వ‌చ్చిన‌ప్పుడు విద్యార్ధి ఒత్తిడికి గుర‌య్యే అవ‌కాశం ఉంది. ఈ విష‌యంలో విద్యార్ధి అతి విశ్వాసానికి పోకుండా అదే విధంగా ఆత్మ విశ్వాసాన్ని కోల్పోకుండా ఉండేలా త‌ల్లిదండ్రులు ఎప్ప‌టిక‌ప్పుడు గ‌మ‌నిస్తూ ఉండాలి. ఈ జాగ్ర‌త్త‌ల‌న్నీ తీసుకుని ఒక ప్ర‌ణాళిక ప్ర‌కారం చదివితే ఈ ప్ర‌వేశ పరీక్షల్లో క‌చ్చితంగా విజ‌యం వ‌రిస్తుంది.
ఈ ఫీచ‌ర్ పై గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.
97006 09135
Comments
Post a Comment