"బ‌హుళ" బాహుబ‌లి..!

    మ‌నిషికి పుట్టుక‌తోనే ఎన్నో శ‌క్తులు సొంతం. అయితే వాటిలో కొన్నింటినే ఉప‌యోగిస్తూ మిగ‌తా వాటిని మ‌నం ఉప‌యోగించుకోకుండా వృధా చేస్తున్నాం. నిశితంగా గ‌మ‌నిస్తే మ‌నిషికి పుట్టుక‌తోనే విభిన్న ప‌నులు చేసే నైపుణ్యం, సామ‌ర్ధ్యం ఉంటాయి. రానున్న రోజుల్లో మ‌నం కృత్రిమ మేధ‌స్సు, రోబోల‌తో పోటీప‌డాల్సి ఉంటుంది కాబ‌ట్టి ఇప్పుడు మ‌ళ్లీ బ‌హుళ నైపుణ్యాలు అనే అంశం ప్రాధాన్య‌త సంత‌రించుకుంటోంది. దీంతో  ప్ర‌కృతి సిద్ధంగా మ‌న‌కు సంక్ర‌మించి మ‌న‌లో అంత‌ర్లీనంగా ఉన్న శ‌క్తుల‌ను  బ‌యట‌కు తేవాల్సిన స‌మ‌యం ఆస‌న్న‌మైంది. అలాంటి బ‌హుళ నైపుణ్యాల‌ను ప్ర‌ద‌ర్శించ‌కుంటే  రాబోతున్న టెక్నాల‌జీ మార్పులో విద్యార్దులు, ఉద్యోగులు తీవ్ర ఇబ్బందుల్లో ప‌డే అవ‌కాశం ఉంది. 

కొత్త పుంత‌లు తొక్కుతున్న టెక్నాల‌జీ 

  

  టెక్నాల‌జీలో చాలా వేగంగా మార్పులు వ‌స్తున్నాయి. గ‌డిచిన ప‌దేళ్ల‌లో సాంకేతికంగా ఊహ‌కంద‌ని మార్పులు చోటుచేసుకున్నాయి. డిజిట‌ల్ అనుసంధానంతోనే మ‌నిషి రోజువారీ ప‌నుల్లో దాదాపు 80 శాతం పూర్త‌యిపోతున్నాయి. ఇప్పుడు బ్యాంకు చెల్లింపులు, కూర‌గాయ‌లు, వ‌స్తువులు ఆఖ‌రికి తిండి కూడా ఆన్ లైన్ లో ఆర్డర్ చేస్తే ఇంటికి వ‌స్తుంది. వ‌చ్చే ప‌దేళ్ల‌లో సాంకేతికంగా మ‌రిన్ని మార్పులు  జ‌ర‌గ‌నున్నాయి. ఈ నేప‌థ్యంలో ఉద్యోగాలు, నైపుణ్యాల విష‌యంలో కూడా విప్ల‌వాత్మ‌క మార్పులు చోటుచేసుకోబోతున్నాయి. ప‌నిని త‌క్కువ ఖ‌ర్చుతో వేగంగా, నాణ్యంగా చేసేందుకు కంపెనీలు స‌మాయుత్త‌మ‌వుతున్నాయి. ఇందులో భాగంగానే ఆటోమేష‌న్, రోబోటిక్స్ వంటి కొత్త టెక్నాల‌జీని ప్ర‌వేశ‌పెడుతున్నాయి. దీంతో వేలాది మంది ఉద్యోగాలు కోల్పోయే ప్ర‌మాదం ఉందనే ఆందోళ‌న వ్య‌క్త‌మ‌వుతోంది. ఇటువంటి ప‌రిస్థితుల్లో అన్నింటిలోనూ ప్రావీణ్యం ఉన్న బహుళ నైపుణ్య (మ‌ల్టీపుల్ ఇంటిలిజెన్స్)  నిపుణులుగా త‌యారు కావాల‌ని నిపుణులు చెపుతున్నారు. 

ఆందోళ‌న పెంచుతున్న ఆటోమేష‌న్ 

    ఖ‌ర్చు త‌గ్గింపు చ‌ర్య‌ల‌ను వేగవంతం చేస్తున్న కంపెనీలు ఆటోమేష‌న్ వైపు మొగ్గుచూపుతున్నాయి. ఇప్ప‌టికే ఆటోమొబైల్, త‌యారీ రంగాల్లో రోబోలు కీలక పాత్ర పోషిస్తున్నాయి. ఇప్పుడు ఐటీ కంపెనీలు కూడా ఆటోమేష‌న్ దిశగా అడుగులు వేస్తున్నాయి. సిస్ట‌మ్ లో లోడ్ చేసిన ప్రొగ్రామ్ ఆధారంగా కొన్ని ప‌నుల‌ను చేసుకుని ఉద్యోగుల‌ను త‌గ్గించ‌నున్నారు. అయితే ఈ ప‌రిణామం ఇప్ప‌టి వ‌ర‌కూ పూర్తి స్థాయిలో కార్యరూపం దాల్చ‌లేదు.కానీ వ‌చ్చే ప‌దేళ్ల‌లో ఆటోమేష‌న్ కావ‌డం మాత్రం త‌థ్యం. ఆటోమేష‌న్ వ‌ల‌న కొన్ని రంగాల్లో ఉద్యోగాలు త‌గ్గ‌డం వాస్త‌వ‌మే అయినా కొన్ని రంగాల్లో లో ఉద్యోగాల క‌ల్ప‌న కూడా జ‌రుగుతుంద‌న్న‌ది నిపుణుల అంచ‌నా. లో స్కిల్డ్ ఉద్యోగులు మాత్ర‌మే ఉపాధిని కోల్పోతార‌ని అదే స‌మ‌యంలో హై స్కిల్డ్, బ‌హుళ నైపుణ్యాలు ఉన్న ఉద్యోగుల‌కు ఎటువంటి ఢోకా ఉండ‌ద‌ని చెపుతున్నారు. 

స్పీడ్ లేకుంటే గ‌ల్లంతైపోతారు!

    టెక్నాల‌జీ మ‌రో కొత్త మెట్టు ఎక్క‌బోతున్న ప్ర‌స్తుత‌ త‌రుణంలో ఉద్యోగులు చాలా జాగ్ర‌త్త‌గా ఉండాల్సిన స‌మ‌యం ఆస‌న్న‌మైంది. వివేకానందుడు చెప్పిన‌ట్టు నిత్య విద్యార్ధిగా త‌యారు కావాలి. కొత్త సాంకేతిక‌కు అనుగుణంగా త‌న‌ను తాను మార్చుకుంటూ అప్ డేట్ అవుతూ ఉండాలి. లేకుంటే కొత్త టెక్నాల‌జీ మిమ్మ‌ల్ని నిర్దాక్షిణ్యంగా బ‌య‌ట‌కు గెంటివేస్తుంది. ఇప్ప‌టికే సాఫ్ట్ వేర్ కంపెనీలు కొత్త కొత్త కోర్సులు నేర్చుకున్న వారికే ప‌దోన్న‌తులు క‌ల్పిస్తున్నాయి. ఒక కంఫ‌ర్ట్ జోన్ లో ఇరుక్కుపోయి నైపుణ్యాల‌ను మెరుగుప‌ర్చుకోని వారికి రానున్న రోజుల్లో గ‌డ్డు ప‌రిస్థితులు త‌ప్ప‌వు. ఐటీ రంగంలో ఎక్కువ నైపుణ్యాలు, ఎక్కువ జీతం కాన్పెస్ట్ మెల్ల‌గా పుంజుకుంటోంది. ఇటువంటి ప‌రిస్థితుల్లో కొత్త‌గా ఉద్యోగంలో చేరిన వాళ్లు ఇప్ప‌టికే ఉద్యోగం చేస్తున్న‌వాళ్లు బ‌హుణ నైపుణ్యాల‌ను నేర్చుకోవ‌డం మిన‌హా మ‌రో మార్గం లేదు. 

అంత‌ర్గ‌తంగా ఉన్న శ‌క్తుల‌ను వెలికితీయాలి.

    మ‌న పురాణాల్లో, మ‌న ఇతిహాసాల్లో దేవుళ్లు, దేవ‌త‌లకు చాలా చేతులు ఉంటాయి. అందులో ఒక్కో చేయి ఒక్కో విధమైన ప‌నిచేస్తూ మ‌న‌కు క‌నిపిస్తుంది. అదే మ‌ల్టీపుల్ ఇంటెలిజెన్స్ . అంటే ప‌రోక్షంగా వాళ్లు మ‌న‌కు ఏం సంకేతం  ఇస్తున్నారు?  మ‌నిషి కూడా త‌న‌లో ఉన్న అంత‌ర్గ‌త శ‌క్తుల‌ను వెలికితీసి త‌క్కువ స‌మ‌యంలో విభిన్న ప‌నుల‌ను చేసిన‌ప్పుడు గొప్ప‌వాడుగా మారవ‌చ్చ‌న్న‌దే దాని అర్ధం. కాబ‌ట్టి విద్యార్ధులు, ఉద్యోగులు కాలానికి అనుగుణంగా మారాల్సిన స‌మ‌యం ఆస‌న్న‌మైంది. గ‌తంలోలా నేను ఒక్క ప‌నినే చేయ‌గ‌ల‌ను..నేను ఇది మాత్ర‌మే చేస్తాను అని చెప్తే రానున్న రోజుల్లో మీ ఉద్యోగానికి ఎస‌రు రావొచ్చు. సో బీ కేర్ ఫుల్.

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                    You can send your Educational related articles to  careertimes.online1@gmail.com