ఎంత మంది ఉన్నారన్నది కాదు..ఎవ‌డున్నాడ‌న్న‌దే ముఖ్యం!
ఈ పోటీ ప్ర‌పంచంలో ఒక విద్యార్ధి నెగ్గుకురావాలంటే ఇప్పుడు సాధార‌ణ అర్హ‌త‌లు అస్స‌లు స‌రిపోవు. అసాధార‌ణ అర్హ‌త‌లు ఉంటేనే అత‌ను విజ‌యం సాధించ‌గ‌లుతుతున్నాడు. ముఖ్యంగా వేగం అనేది విద్యార్ధికి అత్యంత ప్ర‌ధాన‌మైన విష‌యంగా మారిపోయింది. ఇంట‌ర్వ్వూ చేసే వారు విద్యార్ధి అక‌డ‌మిక్ అర్హ‌త‌లు కంటే అత‌ను ప్ర‌శ్న‌ల‌కు ఎంత వేగంగా ప్ర‌తిస్పందించాడ‌న్న విష‌యాన్నే పరిగ‌ణ‌న‌లోకి తీసుకుంటున్నారు. ఈ స్పీడ్ యుగంలో ప్ర‌తీ ఒక్క‌రూ వేగానికి అల‌వాటుప‌డిపోయారు. ఇంట‌ర్నెట్ ద‌గ్గ‌ర్నుంచి, ఫోన్ వ‌ర‌కూ ప్ర‌తీది చాలా ఫాస్ట్ గా ఉండాల్సిందే. ఇక వినియోగ‌దారుల అల‌వాట్ల‌కే పెద్ద పీట వేసే కంపెనీలు వేగం లేని అభ్య‌ర్ధుల‌ను ఎందుకు ఉద్యోగాల్లోకి తీసుకుంటాయి?
వేగ‌మే జీవ‌న వేదం
మీరు గూగుల్ లో ఒక ప్ర‌శ్న‌ను టైప్ చేస్తే కొన్ని సెక‌న్ల వ్య‌వ‌ధిలో అది వేలాది స‌మాధానాల‌ను మ‌న‌కు చూసిస్తుంది. ఇక్క‌డ స‌మాధానాల సంఖ్య కంటే వేగానికే మ‌న మొద‌టి ప్రాధాన్య‌త. ఇక ఇంట‌ర్నెట్ ఎన్ని ఎమ్ బీపీఎస్ స్పీడ్ లో వ‌స్తుంద‌న్న‌దానికే మ‌న మొద‌టి ప్రాధాన్య‌త. అందుకే మొబైల్ నెట్ వ‌ర్క్స్ లో 2జీ, 3జీ లు పోయి 4జీ లు రంగ ప్ర‌వేశం చేసాయి. అంతా స్పీడ్...స్పీడ్. వేగంగా నిర్ణ‌యాలు తీసుకునే వాళ్లే మ‌న‌గ‌డ సాగించ‌గ‌లుగుతున్నారు. అది కంపెనీలైనా, వ్య‌క్తులైనా. ఈ ప‌రిణామం ఒక రకంగా మ‌న ఆలోచ‌నా విధానాన్ని కూడా సమూలంగా మార్చివేసింది. స్పీడ్ అల‌వాటు ప‌డిన ఈ ఆలోచ‌నా ధోర‌ణికి త‌గ్గ‌ట్టు మ‌నల్ని మనం మార్చుకోక‌పోతే మ‌నుగ‌డ కష్టంగా మారుతుంది. ముఖ్యంగా విద్యార్ధ‌లు ఈ స్పీడ్ కు అనుగుణంగా త‌మ‌ను తాము మ‌లుచుకోవాలి. ముఖ్యంగా ఇంట‌ర్వ్యూల‌కు వెళ్లేముందు విష‌యాల‌పై క‌స‌ర‌త్తు చేస్తే అక్క‌డ సుల‌భంగా విజ‌యం సాధించగలుగుతారు.
'విజ‌య వారధి వ్య‌వ‌ధి'ని గుర్తించండి
విజ‌యానికి, అప‌జ‌యానికి మధ్య ఉన్న తేడా ఎప్పుడూ సెక‌న్ల‌లోనే ఉంటుంద‌న్న విష‌యాన్ని ముందుగా గుర్తించండి. 100 మీట‌ర్ల ప‌రుగు పందెంలో ప్ర‌పంచ రికార్డు సృష్టించిన ఉసెన్ బోల్డ్ కు అత‌ని ప్ర‌త్య‌ర్ధుల‌కి ల‌క్ష్యం చేరుకోవ‌డంలో తేడా కేవ‌లం కొన్ని సెక‌న్లే. కానీ ఉసెన్ బోల్ట్ వ‌ర‌ల్డ్ రికార్డుతో హీరో అయితే మిగ‌తా వాళ్లు అనామ‌కులుగా మిగిలిపోయారు. కేవ‌లం ఒక సెక‌న్ మ‌న జీవితాన్ని సమూలంగా మార్చేస్తుంది. ఇంట‌ర్వ్యూ గ‌దిలో కూడా ఇదే సూత్రం వ‌ర్తిస్తుంది. ఇంట‌ర్వ్యూ చేసే వారు అడిగే ప్ర‌శ్న‌కు ఎంత వేగంగా ప్ర‌తిస్పందించాడ‌న్న విష‌యంపైనే అభ్య‌ర్ధి విజ‌యం ఆధార‌ప‌డి ఉంటుంది. ప్ర‌శ్న‌కు స‌మాధానం తెలిసినా చెప్ప‌డంలో తాత్సారం చేస్తే ఇంట‌ర్వూ చేసే వాళ్లు మీరు స‌మాధానం రాదు అనుకునే ప్ర‌మాదం ఉంది. అలా కాకుండా నాకు స‌మాధానం తెలుసు అని మొద‌లుపెట్టి ఆ వ్య‌వ‌ధిలో స‌మాధానానికి ఒక రూపం క‌ల్పించుకోవాలి. దీని వ‌ల‌న అభ్య‌ర్ధికి స‌మాధానం తెలుసు అన్న విష‌యాన్ని ఇంట‌ర్వ్యూ చేసే వాళ్లు గుర్తించి కొంచెం స‌మ‌యం ఇస్తారు. దీనినే 'విజ‌య వారధి వ్య‌వ‌ధి' అంటారు. సెక‌న్ల వ్య‌వ‌ధిలో మ‌న విజ‌యానికి అవ‌స‌ర‌మైన వార‌ధిని నిర్మించుకుని ల‌క్ష్యాన్ని చేరుకోవ‌డ‌మే దీని ఉద్దేశ్యం.
వాళ్ల వేగాన్ని అందుకోండి
ప్ర‌స్తుతం కంపెనీలు అభ్య‌ర్ధి అర్హ‌త‌ల‌కే పెద్ద పీట వేస్తున్నాయి. ఆహ‌ర్యం , భావ‌వ్య‌క్తీక‌ర‌ణ ద‌గ్గ‌ర్నుంచీ, ప్ర‌తిస్పంద‌న తీరు వ‌ర‌కూ ప్ర‌తీదాన్ని చాలా నిశితంగా గ‌మ‌నిస్తున్నారు. ఒక విధంగా చెప్పాలంటే వారికి చాకుల్లాంటి అభ్య‌ర్ధులు కావాలి. ఈ క్ర‌మంలో ఏ మాత్రం త‌గ్గుద‌ల క‌నిపించినా తిర‌స్క‌రిస్తున్నారు. ఈ విష‌యంలో వాళ్ల‌ను త‌ప్పుప‌ట్టేందుకు ఏమీ లేదు. పోటీ ప్ర‌పంచంలో త‌ట్టుకురావాలంటే వాళ్ల‌కు ఉత్సాహ‌వంతులైన, ప‌నిచేయ‌గ‌లిగే స‌త్తా ఉన్న అభ్య‌ర్ధులు కావాలి. ప్ర‌స్తుతం ఇలాంటి ప‌రిస్థితి లేదు కాబ‌ట్టే ల‌క్ష‌లాది మంది గ్రాడ్యుయేట్లు ఉన్నా నైపుణ్యాలు లేక ఉద్యోగాలను పొంద‌లేక‌పోతున్నారు. కంపెనీల అంచ‌నాల‌ను అందుకునేందుకు విద్యార్ధి అన్ని ర‌కాలుగా త‌న‌ను తాను సిద్ధం చేసుకోవాలి. ఇంట‌ర్వ్యూ చేసే వారు 4జీ స్పీడ్ తో ఉంటే అభ్య‌ర్ధులు 5 జీ స్పీడ్ తో ఉండాల్సిన అవ‌స‌రం ఏర్ప‌డింది. నైపుణ్యాల‌ను అభివృద్ధి చేసుకోవ‌డం, వేగాన్ని పెంచుకోవ‌డం విద్యార్ధి ముందు ఉన్న త‌క్ష‌ణ క‌ర్త‌వ్యాలు.
ఎంత తెలుస‌న్న‌ది కాదు ఎలా చెప్పావ‌న్న‌దే ముఖ్యం 
ఇంట‌ర్వ్యూల్లో తెలియ‌ని ప్ర‌శ్న ఎదురైన‌ప్పుడు విద్యార్ధి విప‌రీత‌మైన ఒత్తిడికి గుర‌వుతాడు. ఈ ఒత్తిడి నుంచి బ‌య‌ట‌ప‌డాలంటే భ‌యాన్ని వ‌దిలించుకుని , ఆత్మ‌విశ్వాసంతో స‌మాధానాలు చెప్ప‌గ‌ల‌గ‌డాన్ని సాధ‌న చేయాలి. నీకు ఎంత బాగా తెలుస‌న్న‌ది కాదు దాన్ని ఎంత బాగా , ఎంత వేగంగా ప్ర‌జంట్ చేసావ‌న్న‌దే ఇక్క‌డ ముఖ్యం.గ్రూప్ డిస్క‌ష‌న్ ల‌లో కానీ, వైవా వోస్ ల‌లో కానీ, ఇంట‌ర్వ్యూల్లో కానీ విజ్ఞానం తెలిసిన వారి కంటే కూడా ఉన్న‌దాన్ని అద్భుతంగా ప్ర‌జెంట్ చేయ‌గ‌లిగిన వారే ముందుకు వెళ‌తారు. అంటే ఏం చెపుతున్నారో కాక , ఎలా చెపుతున్నార‌న్న‌దే విజ‌య సూత్రం. ఆ విజ‌య సూత్రాన్ని విద్యార్ధులు ఒడిసిప‌ట్టుకోవాలి. నైపుణ్యాల‌ను పెంచుకోవ‌డంతో స‌రిపెట్టుకోకుండా, న‌యా స్పీడ్ యుగానికి త‌గ్గ‌ట్టు ప్ర‌తిస్పందించే వేగాన్ని పెంచుకోవాలి. ఇలా చేస్తే ఇంట‌ర్వ్యూల్లో మీ విజ‌యాన్ని ఆప‌డం ఎవ‌రి త‌రం కాదు.
ఈ ఫీచ‌ర్ పై గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.
97006 09135
Comments
Post a Comment