'మాస్' తో పెట్టుకుంటే 'స్లిప్' అడిపోద్ది..!?

   మన రెండు తెలుగు రాష్ట్రాల్లో  జ‌రుగుతున్న ప‌రీక్ష‌ల నిర్వ‌హ‌ణ తీరు ఇప్పుడు విద్యా వ్వ‌వ‌స్థ ప‌నితీరుపై కొత్త సందేహాల‌ను లేవ‌నెత్తుతోంది. టెన్త్ తో పాటు ఇంట‌ర్ ప‌రీక్ష‌ల నిర్వ‌హ‌ణ‌ను ప్ర‌భుత్వాలు ఏమంత సీరియ‌స్ గా తీసుకోలేద‌ని జ‌రుగుతున్న ప‌రిణామాలు స్ప‌ష్టం చేస్తున్నాయి. గ‌డిచిన నెల‌రోజులుగా మాస్ కాపీయింగ్ తో పాటు మాల్ ప్రాక్టీస్ ల‌కు సంబంధించిన వార్త‌ల‌నే ఎక్కువ‌గా చ‌దువుతున్నాం. సీసీటీవీ కెమెరాలు...నిమిషం నిబంధ‌న‌లు ఇలా ఎన్ని నియంత్ర‌ణ‌లు పెట్టినా జ‌ర‌గాల్సిన త‌ప్పులు జ‌రుగుతూనే ఉన్నాయి. ముఖ్యంగా టెన్త్ ప‌రీక్ష‌ల్లో మాస్ కాపీయింగ్ యధావిధిగా జ‌రుగుతుండ‌గా మ‌రోవైపు వాట్స‌ప్ ద్వారా ప్ర‌శ్నాప‌త్రాలు లీక్ కావ‌డం సంచ‌ల‌నం రేపింది. విద్య‌ను ప్ర‌మాదం అంచుల‌కు నెట్టివేస్తున్న ఈ పరిణామాల‌పై ప్ర‌భుత్వాలు తీసుకుంటున్న అర‌కొర చ‌ర్య‌లు ఏ మాత్రం ప్ర‌భావం చూప‌లేక‌పోతున్నాయి. ప‌రిస్థితి ఇలానే కొన‌సాగితే మ‌న తెలుగు రాష్ట్రాలు కూడా మ‌రో బీహార్ గా మారే ప్ర‌మాదం ఉంద‌ని విద్యా నిపుణులు హెచ్చ‌రిస్తున్నారు.

విద్యార్ధి కాపీయింగ్ ను ఎందుకు ఎంచుకుంటున్నాడు? 

    మాస్ కాపీయింగ్ అనేది మ‌న విద్యా వ్య‌వ‌స్థ‌లోని ఒక ప్ర‌ధాన‌మైన జాడ్యంగా మారిపోయింది. అడ్డ‌దారుల్లో మార్కులు సాధించాల‌న్న ఆలోచ‌నా విధానం విద్యార్ధుల్లో క్ర‌మంగా బ‌ల‌ప‌డ‌టం ఆందోళ‌న‌క‌ర ప‌రిణామం. కాపీయింగ్ తో పాటు మ‌రో అడుగు ముందుకేసి మూల్యాంక‌న కేంద్రాల్లో అధ్యాప‌కులు డ‌బ్బులు లంచంగా ఇచ్చి మార్కులు వేయించుకున్నసంఘ‌ట‌న‌లు కూడా ఉన్నాయి. ఏపీలోని ఓ ప్ర‌ముఖ వైద్య విశ్వ‌విద్యాల‌యంలో స‌బ్జెక్ట్ కు ఇంత అని చెల్లించిన విద్యార్ధుల‌కు మార్కులు ఎక్కువ వేసార‌ని వార్త‌లు గుప్పుమ‌న్నాయి.  ఈ దుర‌దృష్ట‌క‌ర ఘ‌ట‌న‌లు వేటిని సూచిస్తున్నాయి. మార్కులు కోసం ఎలాంటి అడ్డ‌దారులు తొక్కేందుకైనా విద్యార్ధి సిద్ధ‌పడుతున్నాడంటే దానికి కార‌ణం విద్యా వ్య‌వ‌స్థ‌దే. ప్ర‌తీ విష‌యానికి మార్కులే ప్ర‌తిపాదిక కావ‌డంతో ఎట్టి ప‌రిస్థితుల్లో అయినా ఏం చేసైనా మార్కులు సంపాదించాల‌న్న ధోర‌ణి విద్యార్ధిలో పెరిగిపోతోంది. 

గ్రేడింగ్ విధానంతో పరిస్థితిలో మార్పు

    
      విద్యార్ధి ప్ర‌తిభ‌కు మార్కులు ప్రతిపాదిక కాకుడ‌దన్న‌ది విద్యా నిపుణుల ఆలోచ‌న‌. మార్కులు ఎప్పుడైతే ముఖ్య‌మైన‌విగా మారిపోయాయో అప్పుడే విద్యా రంగంలో కొత్త ర‌క‌మైన జాడ్యాలు మొద‌ల‌వుతాయి. అలాంటి విప‌రిణామాల‌ను గతంలో చ‌విచూసి ఉండ‌బ‌ట్టే మార్కులు విధానాన్ని తీసేసి గ్రేడింగ్ విధానాన్ని తీసుకొచ్చారు. అయిన‌ప్ప‌టికీ ప‌రిస్థితిలో ఆశించిన మార్పు రాలేదు. సీజీపీఏ గ్రేడింగ్ ను స‌క్ర‌మంగా అమ‌లు చేస్తే ప‌రిస్థితిలో కొంతైనా మార్పు వ‌చ్చే అవ‌కాశం ఉంది. పోటీ ప‌రీక్ష‌ల్లో వ‌డ‌పోత జ‌రగాలి. వార్షిక ప‌రీక్ష‌ల్లో  ప్ర‌మోటింగ్ అనేది జ‌ర‌గాలి. కానీ మ‌న విధానంలో అలా జ‌ర‌గ‌డం లేదు. దీంతో మార్కులు కోసం అడ్డ‌దారులు తొక్కే విద్యార్ధులు, త‌ల్లిదండ్రులు, డ‌బ్బుకు ఆశ‌ప‌డే అధ్యాప‌కులు ఇలా వ్య‌వ‌స్థ మొత్తం లోప‌భూయిష్టంగా మారిపోతోంది. ఇందులో మార్ప‌లు రావాలంటే ముందుకు మార్కుల విధానం పోవాలి. 

లీకేజీల‌తో విద్యార్ధుల భ‌విష్య‌త్ ప్ర‌శ్నార్ధకం 

   కొంద‌రి అత్యాశ‌, మ‌రికొంద‌రికి శాపంగా మారుతున్న వైనం మ‌న విద్యా వ్య‌వ‌స్థ‌లో చాలా స్ప‌ష్టంగా కనిపిస్తోంది. దానికి ప్ర‌త్య‌క్ష ఉదాహ‌ర‌ణే తెలంగాణాలో ఎంసెట్ పేప‌ర్ లీకేజీ. ప్ర‌భుత్వ ప‌ర్య‌వేక్ష‌ణ లేక‌పోవ‌డంతో ఒక కోచింగ్ సెంట‌ర్ నిర్వాహ‌కుడు ఎంసెట్ పేప‌ర్ ను త‌న విద్యార్ధుల‌కు లీక్ చేసి కోట్లాది రూపాయ‌లు కుంభ‌కోణానికి పాల్ప‌డ్డాడు. ఆ నిర్వాహ‌కుడు, అత‌ని విద్యార్ధులు చేసిన త‌ప్పిదానికి మొత్తం విద్యార్ధులంద‌రూ శిక్ష అనుభ‌వించాల్సి వ‌చ్చింది. లీకేజీ బ‌య‌ట‌ప‌డి ప‌రీక్ష ర‌ద్దు చేయ‌డంతో ఏడాది మొత్తం క‌ష్ట‌ప‌డి ఎంసెట్ రాసిన విద్యార్ధులు అన్యాయంగా బ‌లైపోయారు. విద్యా వ్య‌వ‌స్థ‌లోని లోపాలు అమాయ‌కులైన విద్యార్ధుల‌కు కూడా కీడు చేస్తుంద‌న‌డానికి ఈ ఘ‌ట‌న ఒక సాక్ష్యంగా నిలిచింది. 

మూల్యాంక‌న విధానంలోనే లోపం ఉంది 

     మ‌న ప‌రీక్ష‌ల మూల్యాంక‌న విధానంలోనే లోపం ఉంది. మూల్యాంక‌నం చేసే అధ్యాప‌కునికి అర్హ‌త‌లు నిర్ణ‌యించడంలో లోపం జ‌రుగుతోంది.  విద్యార్ధి మార్కుల‌ను నిర్ణ‌యించే అధ్యాప‌కునికి ఆయా స‌బ్జెక్ట్ ల‌లో ఎన్ని మార్కులు వ‌చ్చాయి. అత‌ను ప‌రీక్ష పేప‌ర్ దిద్దేందుకు కావాల్సిన అర్హ‌త‌లు ఏంటి? అన్న దాంట్లో కొన్ని వివాదాలున్నాయి. స‌మ‌స్య మూలాల‌ను స‌రిదిద్ద‌కుండా విద్యార్ధి కాపీ కొడితే డిబార్ చేయ‌డం వంటి చ‌ర్య‌లు పైపై చ‌ర్య‌లు చేప‌డితే ఆశించిన ఫ‌లితాలు రావు సరిక‌దా కొత్త స‌మ‌స్య‌లు పుట్టుకొస్తాయి. తాజాగా టెన్త్ క్లాస్ ప‌రీక్ష‌ల్లో కాపీ చేస్తూ దొరికిపోయిన విద్యార్ధి మూడో అంత‌స్తు నుంచి ఆత్మ‌హ‌త్యాయ‌త్నానికి పాల్ప‌డ‌టం సంచ‌ల‌నం రేపింది. ప్ర‌ధాన ప‌రీక్ష‌ల‌ను మినహాయిస్తే దూర‌విద్య ఇత‌ర ప‌రీక్ష‌ల్లో విచ్చ‌ల‌విడిగా పెరిగిపోయిన మాస్ కాపీయింగ్ విద్యార్ధుల‌కు చెడు సంకేతాల‌ను పంపుతోంది. అడ్డ‌దారులు తొక్కితే ప‌రీక్ష కావ‌చ్చ‌న్న ఆలోచ‌న విధానం వారిలో పెరిగేలా చేస్తోంది.

 ప్ర‌శ్న‌ల‌ను ఎదుర్కొవ‌డాన్ని నేర్పిద్దాం 

    ఇంత‌కు ముందు చెప్పుకుంటున్న‌ట్టుగా విద్యా విధానంలో మార్పులు జ‌ర‌గ‌కుంటే మాస్  కాపీయింగ్ , మాల్ ప్రాక్టీస్ వంటి స‌మ‌స్య‌లు పెరుగుతూనే ఉంటాయి. మ‌నం విద్యార్ధుల‌కు స‌మాధానాల‌ను మాత్ర‌మే నేర్పిస్తున్నాం. కానీ ప్ర‌శ్న‌ల‌ను ఎలా ఎదుర్కోవాలో నేర్పించ‌డం లేదు. దీనివ‌లన విద్యార్ధులు ప‌రీక్ష‌ను పెద్ద భూతంలా చూస్తూ మాన‌సిక బ‌ల‌హీన‌త‌కు గుర‌వుతున్నారు. మూల్యాంక‌న విధానానికి, ప్ర‌శ్నాపత్రానికి ఉన్న అవినాభావ సంబంధంతో పాటు బ్లూ ప్రింట్ పై విద్యార్ధుల‌కు ఒక అవ‌గాహ‌న క‌ల్పిస్తే ఒక ప్ర‌శ్న‌ల‌ను సులువుగా ఎదుర్కొన‌గ‌లుగుతారు. బ్రిట‌న్ లో అమ‌ల్లో ఉన్న ఒపెన్ బుక్ వంటి విధానాల‌ను మ‌న ద‌గ్గ‌ర కూడా ప్ర‌యోగాత్మ‌కంగా అమ‌లు చేసి చూడాలి. అన్నింటికంటే ముఖ్యంగా ప‌రీక్ష రాసేందుకు కావాల్సిన మానసిక ధైర్యాన్ని విద్యార్ధికి కల్పించ‌డానికి చేప‌ట్టాల్సిన చ‌ర్య‌లు స‌క్ర‌మంగా అమ‌లు చేసిన‌ప్పుడే విద్యా వ్య‌వ‌స్థ‌లోని జాడ్యాల నుంచి విముక్తి ల‌భిస్తుంది. 

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                    You can send your Educational related articles to  careertimes.online1@gmail.com