మిస్టర్ "పర్ ఫెక్ట్" లు కావలెను!

   ఒక ఉపాధ్యాయుడు అనుస‌రించే విధానాలు, పాఠం భోధించే తీరే విద్యార్ధి భ‌విష్య‌త్ ను నిర్ణ‌యిస్తాయి. తాజాగా భోధ‌నా విధానంలో ఎన్నో కొత్త మార్పులు వ‌చ్చాయి. సాంకేతికంగా ముంద‌డుగు ప‌డ‌టంతో టీచ‌ర్ పాత్ర మ‌రింత కీల‌క‌మైన‌దిగా మారిపోయింది. కొత్త టెక్నాల‌జీకి అనుగుణంగా మార్పు చెంది, త‌న‌ను తాను సాంకేతికంగా అభివృద్ది చేసుకున్న ఉపాధ్యాయులే ఇప్పుడు అవ‌స‌రం. అలా అప్ డేట్ అవ‌ని టీచ‌ర్ల వ‌ల‌న విద్యార్ధులు కొత్త‌గా నేర్చుకునేది ఏమీ ఉండ‌దు. పాత మూస ప‌ద్ధ‌తుల్లో భోధ‌న జ‌రిగితే ఈ పోటీ ప్ర‌పంచంలో విద్యార్ధులు వెన‌క‌బ‌డిపోతారు. ఇప్పుడు మ‌న దేశ విద్యా వ్య‌వ‌స్థ‌లో  అత్య‌వ‌స‌రంగా జ‌రగాల్సిన మార్పు ఇది. కొత్త త‌రం విద్యార్ధులకు నాయ‌క‌త్వం వ‌హించే అలాంటి టీచ‌ర్లను, భోధ‌న ప‌ద్ధ‌తుల‌ను అత్య‌వ‌స‌రంగా ప్ర‌వేశ‌ప‌ట్టాల‌ని ఇప్ప‌టికే జాతీయ విద్యా విధానం 2016 లో తీవ్రమైన చ‌ర్చ జ‌రిగింది.

మార్పుకు శ్రీకారం చుట్టేదెవ‌రు? 

  మ‌న దేశంలో ఉన్న 90 శాతం పాఠ‌శాలలు, కళాశాల‌లు ప్ర‌యివేట్ సంస్థ‌ల ఆధ్వ‌ర్యంలోనే న‌డుస్తున్నాయి. కేవ‌లం 10 శాతం మాత్ర‌మే ప్రభుత్వ నిర్వ‌హ‌ణ కింద ఉన్నాయి. ఇప్పుడు భోధ‌నా విధానాల్లో అత్య‌వ‌స‌రంగా చేయాల్సిన మార్పులు ప్ర‌యివేట్ సంస్థ‌ల నుంచే ప్రారంభం కావాలి. కానీ జాతీయ విద్యా విధానం సూచించిన విధంగా సాంకేతికంగా ఉన్న‌తంగా ఉన్న టీచ‌ర్లు, విధానాలను అమ‌లు చేసేందుకు కొన్ని సంస్థ‌లు ఇంకా స‌మాయుత్తం కావ‌డం లేదు. వీరిని నియంత్రించేందుకు, వారితో నాయ‌క‌త్వం ల‌క్ష‌ణాలు కొత్త త‌రం టీచ‌ర్లను నియ‌మించేలా చేసేందుకు స‌రైన వ్య‌వ‌స్థ మాత్రం ప్ర‌భుత్వం వ‌ద్ద లేదు. కొన్ని ప్ర‌యివేట్ స్కూళ్లు, కాలేజీలు ఇప్ప‌టికే ఈ కొత్త ఆలోచ‌న‌ల‌కు అనుగుణంగా మార్పులు చేసుకుంటున్నా, కొన్ని మాత్రం ఇప్ప‌టికీ మూస ప‌ద్ధ‌తిలోనే ఉన్నాయి. 

అదే అస‌లైన స‌వాలు..!

    స‌రైన భోధ‌నా సిబ్బందిని నియ‌మించుకోవ‌డం ఇప్పుడు విద్యా సంస్థ‌ల‌కు అస‌లైన స‌వాలుగా మారింది. మారిన కొత్త సాంకేతిక ప‌రిజ్ఞానం, దానికి అనుగుణంగా విద్యా భోధ‌న, కొత్త నైపుణ్యాలు క‌ల‌బోసిన అభ్య‌ర్ధుల‌ను ఉపాధ్యాయులుగా నియమించాల్సి ఉంది. కానీ అటువంటి స‌రైన అభ్య‌ర్దుల‌ను వెతికిపట్టుకోవ‌డ‌మే స‌మ‌స్య‌గా మారుతోంది. ఈ క్ర‌మంలో యాజ‌మాన్యాల‌కు నాలుగు ప్ర‌ధానమైన సవాళ్లు ఎదుర‌వుతున్నాయి. అందులో మొద‌టిది  ప్ర‌స్తుత‌మున్న అభ్య‌ర్ధుల్లో నాలుగింట మూడొంతుల మంది మొద‌టి త‌రం ప‌ట్ట‌భ‌ధ్రులు వీళ్లు టెక్నాల‌జీ ప‌రంగా అప్ డేట్ అవ‌డంలో ఇబ్బందిప‌డుతున్నారు. రెండోది ఎప్ప‌టిక‌ప్పుడు కొత్త విజ్ఞాజాన్ని, కొత్త సాంకేతిక‌త‌ను అందిపుచ్చుకోవ‌డం.  ఇక మూడోది అవ‌స‌రాల‌కు త‌గ్గ‌ట్టు వ‌న‌రులు లేక‌పోవ‌డం, నాలుగోది స‌మాజానికి, ప‌రిశ్ర‌మ‌ల‌కు అవ‌స‌ర‌మైన నిపుణుల‌ను త‌యారు చేసే సామ‌ర్ధ్యం ఉన్న టీచ‌ర్లు కొర‌వ‌డ‌టం. తీవ్ర‌మైన ఇష్టంతో అభిరుచితో భోధ‌నా రంగాన్ని ఎంచుకునే వారు చాలా త‌క్కువ మంది ఉండ‌టం కూడా ఈ ప‌రిస్థితికి కార‌ణంగా క‌నిపిస్తోంది. టీచర్లకు కూడా ప్రతీ ఐదేళ్లకు ఒకసారి సామర్ధ్య పరీక్ష నిర్వహించి వాళ్లు ఎప్పటికప్పుడు అప్ డేట్ అయ్యేలా వాళ్లను తయారు చేయాలని విద్యా నిపుణులు సూచిస్తున్నారు. 

ఆరోగ్యవంత‌మైనస‌మాజం
ఉపాధ్యాయునితోనే సాధ్యం

    ఒక మంచి ఉపాధ్యాయుడు మాత్ర‌మే ఒక బాధ్య‌తాయుత‌మైన పౌరుణ్నిదేశానికి అందించ‌గ‌ల‌డు. ఇది ఎన్న‌టికీ మార‌ని స‌త్యం. కానీ మారిన టెక్నాల‌జీ ప్ర‌పంచంలో కూడా అవే విలువ‌ల‌తో కూడిన విద్యార్ధిని త‌యారు చేయ‌డం టీచ‌ర్ కు కత్తిమీద సామే. అయినా త‌ను కూడా కాలానికి అనుగుణంగా మార్పు చేసుకుంటూ ముందుకు వెళ్లే ఈ విష‌యం అంత క‌ష్ట‌మేమీ కాదు. ప్ర‌స్తుతం మ‌న అవ‌స‌రాలు, మ‌న సాంకేతిక‌త కొత్త త‌ర‌హా పౌరుల‌ను కోరుకుంటున్నాయి. అయినా అందులో విలువ‌లతో కూడిన పౌరుల త‌యారీయే ఇక్కడ క‌ష్ట‌మైన ప‌ని ఇప్పుడు విద్యా సంస్థ‌ల ముందు చాలా ప్ర‌ధాన‌మైన బాధ్య‌త‌లు ఉన్నాయి. నాణ్య‌మైన వృత్తి నిపుణుల‌ను, అవ‌స‌రాల‌కు అనుగుణంగా స్పందించే నేర్పుతో త‌యారు చేయ‌డం, విద్యార్ధుల్లో నాయ‌క‌త్వ ల‌క్ష‌ణాల‌కు,  కొత్త ఆలోచ‌న‌ల‌కు బీజం వేయ‌డం, నైతిక‌త, విలువ‌లతో  సామాజిక బాధ్య‌త క‌లిగిన పౌరుల‌ను త‌యారు చేయ‌డం..ఇవి చెప్పుకున్నంత సులువు కానప్ప‌టికీ స‌రైన భోధ‌నా శైలితో మంచి ఉపాధ్యాయుడు దీన్ని సాధించగ‌ల‌డు. 

భోధ‌న‌లో నాణ్య‌తా ప్ర‌మాణాలు నెల‌కొల్పాలి!

    ఏదైనా ఒక వ్య‌వ‌స్థ మ‌నుగ‌డ సాగించాలంటే నాణ్య‌త అత్యంత ముఖ్య‌మైన విష‌యం. నాణ్యత‌కు పెద్ద పీట వేసే ఏ సంస్థ అయినా, వ్య‌క్తి అయినా విజ‌యం సాధించ‌డం త‌థ్యం. ఇప్పుడు భోద‌నలో కూడా నాణ్య‌త‌కు పెద్ద పీట వేయాల‌ని విద్యా నిపుణులు సూచిస్తున్నారు. పైన చెప్పుకున్న మార్పులు, తీసుకోవాల్సిన చ‌ర్య‌లతో చెప్పుకున్నంత వేగంగా రాత్రికి రాత్రే అద్భుతాలు జ‌ర‌గ‌క‌పోయినా కొన్ని రోజుల్లో ల‌క్ష్యం నెర‌వేరుతుంది. అయితే దానికి ప్ర‌ధానంగా కావాల్సిన చిత్త‌శుద్ధి, న‌మ్మ‌కం. ప్ర‌భుత్వాలు విశ్వాసంతో, చిత్త‌శుద్ధితో భోధ‌న‌లో ఈ కొత్త ప‌ద్ధ‌తుల‌ను ప్ర‌వేశ‌పెడితే రానున్న రోజుల్లో విలువ‌లు, నిపుణ‌త‌తో కూడిన స‌మాజం త‌యార‌వుతుంది.  

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                    You can send your Educational related articles to  careertimes.online1@gmail.com