ప‌ట్టా చ‌దువుల‌కు చెల్లుచీటి..!
నాణ్య‌తా లోపం.. అది ఒక ప‌ని కావచ్చు, ఒక విధానం కావచ్చు ఒక మ‌నిషి జీవితం కావచ్చు. ఎందులో అయినా నాణ్య‌త కొర‌వ‌డితే అది దీర్ఘ‌కాలం మ‌న‌జాల‌దు. స్వ‌ల్పకాలానికి బండి నెట్టుకొచ్చినా చివ‌రికి సంక్షోభంలో చిక్కుకోకా త‌ప్ప‌దు. దుర‌దృష్ట‌వ‌శాత్తూ కీల‌క‌మైన మ‌న విద్యా రంగాన్ని కూడా ఈ నాణ్య‌తా లోపం ప‌ట్టిపీడిస్తోంది. నాణ్య‌మైన నిపుణుల‌ను అందించండంలో మ‌న విద్యా విధానం విఫ‌ల‌మ‌వుతూ వ‌స్తోంది. క‌ర్ణుడి చావుకి స‌వాల‌క్ష కార‌ణాల‌న్న‌ట్టు ఈ ప‌రిస్థితికి కూడా శ‌త‌కోటి కార‌ణాలున్నాయి. విద్య పూర్తి చేసినా స‌రైన నిపుణ‌త లేక‌పోవ‌డంతో చాలా మంది విద్యార్ధులు చ‌దువు పూర్తి చేసి ఏళ్లు గడుస్తున్నా నిరుద్యోగులుగానే కాలం వెళ్ల‌దీస్తున్నాయి. ఈ దుస్థితిని మార్చేందుకు, విద్యా విధానంలో నైపుణ్య‌త‌ను పెంచేందుకు ఇప్పుడు ఒక చిన్న ముంద‌డుగు ప‌డింది.
ఆలోచ‌న బాగుంది. ఆచ‌ర‌ణే సందేహం!
తాజాగా ప్ర‌వేశపెట్టిన కేంద్ర బ‌డ్జెట్లో ఆర్థిక మంత్రి అరుణ్ జైట్లీ ఒక కీల‌క విష‌యాన్ని వెల్ల‌డించారు. అన్ని పరీక్షల నిర్వ‌హ‌ణ‌న‌కు నేష‌న‌ల్ టెస్టింగ్ ఏజెన్సీ ను ఏర్పాటు చేయ‌నున్న‌ట్టు ఆయ‌న ప్ర‌క‌టించారు. దీని ద్వారా దేశ‌వ్యాప్తంగా అన్ని ప్ర‌వేశ‌ప‌రీక్ష‌ల నిర్వ‌హ‌ణ‌కు ఒక ప్ర‌త్యేక వ్య‌వ‌స్థ ఏర్పాటు కానుంది. దీని వ‌ల‌న ఏక‌రీతి పరీక్ష అందుబాటులోకి వ‌స్తుంది. ప్ర‌స్తుతం నీట్ వంటి ప‌రీక్ష‌లు నిర్వ‌హిస్తున్నా అది కేవలం వైద్య విద్యలో ప్ర‌వేశానికి మాత్రమే ప‌రిమిత‌మైంది. ఇదే రీతిలో అన్ని ర‌కాల కోర్సుల‌కు ఏక‌రీతి పరీక్ష ఉండాల‌న్న డిమాండ్ చాలా రోజు నుంచి వినిపిస్తోంది. ప్ర‌స్తుతం విద్యార్ధులు వివిధ విద్యా సంస్థ‌ల్లో ప్ర‌వేశానికి, త‌ర్వాత సామ‌ర్ధ్య ప‌రీక్ష‌లు, ఆ త‌ర్వాత ఉద్యోగ సాధ‌న‌కై ఇలా ర‌క‌ర‌కాల అర్హ‌తా ప‌రీక్ష‌లు రాస్తున్నారు. ఇది కొంచెం ఇబ్బందిగా ఉంది. అదే నేష‌న‌ల్ టెస్టింగ్ ఏజెన్సీ అందుబాటులోకి వ‌స్తే ప్ర‌వేశాల‌కు ఏక‌రీతి పరీక్ష సుల‌భంగా రాసే వీలు క‌లుగుతుంది.
విద్యా సంస్థ‌ల‌ను బోధ‌న‌కే ప‌రిమితం చేయాలి
ప్ర‌స్తుతం నీట్ వంటి ఏక‌రీతి ప‌రీక్ష‌ల‌తో పాటు మ‌రికొన్ని పరీక్షలను సీబీఎస్ఈ, ఈఈసీటీఈ వంటి సంస్థ‌లు నిర్వహిస్తున్నాయి. బ‌డ్జెట్ లో ప్ర‌తిపాదించిన జాతీయ సామ‌ర్ధ్య పరీక్షల సంస్థ ( నేష‌న‌ల్ టెస్టింగ్ ఏజెన్సీ) ఏర్పాటైతే ఈ సంస్థ‌లు పూర్తిగా త‌మ విద్యా సంబంధ‌మైన విష‌యాల‌పై దృష్టి సారించేందుకు వీలు క‌లుగుతుంది. ప్ర‌స్తుతం ప‌లు విద్యా సంస్థ‌లు విద్యార్థి సామ‌ర్ధ్యాన్ని ప‌రీక్షించేందుకు ర‌క‌ర‌కాలు పరీక్షలను నిర్వహిస్తున్నాయి. అయితే ఈ పరీక్షల నిర్వ‌హ‌ణ, ప్ర‌మాణాలలో చాలా లోపాలు బ‌య‌ట‌ప‌డుతున్నాయి. కాబ‌ట్టి ఆయా విద్యా సంస్థ‌ల‌ను కేవలం బోధ‌న‌కే ప‌రిమితం చేసి సామ‌ర్ధ్య పరీక్షలను నిర్వ‌హించేందుకు ప్ర‌త్యేకంగా ఒక సంస్థ ఉంటే అది మంచి ఫ‌లితాల‌ను ఇస్తుంది. ప్ర‌తీ విద్యా సంస్థ‌కు కొన్ని ప్ర‌మాణాల‌ను స్థిర‌ప‌రిచి, సామ‌ర్ధ్య పరీక్షల విష‌యంలో అవి వాటిని అందుకునే విధంగా త‌ప్ప‌ని స‌రి విధానం ప్ర‌వేశ‌పెట్టాలి. జాతీయ విద్యా విధానంపై 1990 లో ఏర్పాటైన రామ‌మూర్తి క‌మిటీ కూడా సామ‌ర్ధ్య పరీక్షల నిర్వ‌హ‌ణ‌కు ప్ర‌త్యేక సంస్థ ఉండాల‌ని సూచించింది.
ఉద్యోగాల నుంచి డిగ్రీలను వేరు చేయాలి
1986 జాతీయ విద్యా విధానంలో భాగంగా ఉద్యోగాల నుంచి డిగ్రీలను వేరు చేయ‌డం అనే ప్ర‌తిపాద‌న వ‌చ్చిన విష‌యం తెలిసిందే. ఒక అభ్య‌ర్ధి చేయాల్సిన ఉద్యోగానికి, అత‌నికి డిగ్రీకి సంబంధం లేని విష‌యాన్ని గుర్తించాలి. ఎంపిక చేసిన కొన్ని ఉద్యోగాలు మిన‌హా మిగ‌తా వాటికి డిగ్రీ విద్యార్హ‌త అవ‌స‌రం లేద‌ని అందులో వెల్ల‌డించారు. మెడిసిన్, లా, ఇంజినీరింగ్, టీచింగ్ వంటి ఉద్యోగాల‌కు మిన‌హాయిస్తే మిగ‌తా ఉద్యోగాల‌కు డిగ్రీతో ప‌నిలేద‌ని చెప్పారు. ఏ కంపెనీ అయినా సంస్థ అయినా అభ్య‌ర్ధి డిగ్రీలు చూసి ఉద్యోగం ఇవ్వ‌డం లేదు. ప్ర‌త్యేకంగా ఒక అర్హ‌త పరీక్ష పెట్టి అందులో విజ‌యం సాధిస్తేనే ఉద్యోగం ఇస్తున్నాయి. యూనివ‌ర్సిటీలో ప్ర‌థ‌మ శ్రేణిలో ఉత్తీర్ణ‌త పొందిన విద్యార్ధి అయినా ఆయా కంపెనీలు నిర్వ‌హించే అర్హ‌త‌లు ప‌రీక్ష‌లు పాస్ కావాల్సిందే. ఈ నేప‌థ్యంలో డిగ్రీకి ఉన్న విలువ‌పై కూడా ఒక చ‌ర్చ త‌లెత్తింది.
ప్ర‌స్తుతం చాలా విద్యా సంస్థ‌లు కేవలం విద్యార్ధుల‌కు ప‌ట్టాల‌ను పంపిణీ చేసే సంస్థ‌లుగానే ఉన్నాయి. స‌రైన నైపుణ్యం లేన‌ప్పుడు ఎన్ని డిగ్రీలు ఉండి ఉప‌యోగం ఏముంటుంది. అర‌కొర నాణ్య‌తా ప్ర‌మాణాల‌తో బండి నెట్టుకొచ్చేద్దాం అనుకునే ఆలోచ‌న‌కి ముగింపు ప‌ల‌కాలి. ఇక త్వ‌ర‌లో ఏర్పాటు చేయ‌బోయే నేష‌న‌ల్ టెస్టింగ్ ఏజెన్సీ కేవలం పరీక్షల నిర్వ‌హ‌ణ అనే పాత్ర‌కు మాత్రమే ప‌రిమితం కాకూడ‌దు. జాతీయ స్థాయిలో కొత్త విద్యా ప్ర‌మాణాల‌కు నెల‌కొల్పే విధంగా ఆ సంస్థ స్వ‌రూపం ఉండాలి. దీని వ‌ల‌న విద్యాల‌యాల మీద కేవలం స‌రైన నాణ్య‌త‌తో కూడిన విద్య‌ను అందించ‌డం అనే బాధ్య‌త మాత్రమే ఉంటుంది. ఇందులో ఎటువంటి లొసుగులుకు లోపాల‌కు తావుండ‌దు. మిగ‌తా ప‌నిని నేష‌న‌ల్ టెస్టింగ్ ఏజెన్సీ స‌క్ర‌మంగా నిర్వ‌హిస్తే దేశంలో నాణ్య‌మైన విద్య‌కు బీజం ప‌డుతుంది.
ఈ ఫీచ‌ర్ పై గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.
97006 09135
Comments
Post a Comment