స్మార్ట్ గా వాడకుంటే స్మాష్ కావాల్సిందే!

       కేవ‌లం ఆరు అంగుళాల చిన్న‌ వ‌స్తువు ఇప్పుడు ఆరు ఆడుగుల బుల్లెట్ లాంటి మనిషిని కూడా త‌న చెప్పుచేత‌ల్లోకి తెచ్చుకుంది. మ‌నిషి అన్న పానీయాలు లేకుండా అయినా కొద్ది సేపు ఉండ‌గ‌లుగుతున్నాడోమో కానీ ఇది లేకపోతే బ‌త‌క‌లేని ప‌రిస్థితికి వ‌చ్చాడు. ఇంత ఉపోద్ఘాతం ఇచ్చాక మీకు ఇప్ప‌టికే అర్ధ‌మై ఉంటుంది. ఆ ఆరు అంగుళాల బుల్లెట్ ఏమిట‌న్న‌ది. అదేనండీ స్మార్ట్ ఫోన్. పెద్ద‌ల ద‌గ్గ‌ర్నుంచీ పిల్ల‌ల వ‌ర‌కూ ఇప్పుడు స్మార్ట్ ఫోన్ లేకుంటే బ‌త‌క‌డ‌మే దండ‌గ అన్న ప‌రిస్థితికి వ‌చ్చారు. ఫేస్ బుక్ ముచ్చ‌ట్లు, వాట్స‌ప్ రాయ‌బారాలు ఇవి లేక‌పోతే యువ‌త‌కు పొద్దు పోవ‌డం లేదు. అయితే అతి ఎప్పుడూ అన‌ర్ధానికి దారితీస్తుంద‌న్న నానుడి స్మార్ట్ ఫోన్ విష‌యంలో అక్ష‌రాలా నిజ‌మ‌వుతోంది.

విద్యార్ధుల పాలిట స్మార్ట్ ఫోన్ విల‌న్ గా మారిందా?

      ఈ రోజుల్లో స్మార్ట్ ఫోన్ మ‌న జీవితాల‌తో ఎంత‌గా పెన‌వేసుకు పోయిందో ప్ర‌త్యేకంగా చెప్పాల్సిన ప‌నిలేదు. ఒక విధంగా చెప్పాలంటే అది లేనిదే మ‌న‌కు రోజు గ‌డ‌వ‌దు. ముఖ్యంగా యువ‌త‌, విద్యార్ధులకు స్మార్ట్ ఫోన్ ఒక అత్య‌వ‌స‌ర వ‌స్తువుగా మారిపోయింది. ముఖ్యంగా కెరీర్ లో ఉన్న‌త శిఖ‌రాల‌కు చేరుకోవాల‌నే ల‌క్ష్య‌మున్న విద్యార్ధుల‌కు స‌మ‌స్త స‌మాచారాన్ని స్మార్ట్ ఫోన్ అందిస్తుంది. కానీ అదే స‌మయంలో మితితీరిన స్మార్ ఫోన్ వినియోగం విద్యార్ధుల‌కు చేటును తెస్తోంది. అధిక శాతం మంది విద్యార్ధులు స‌మాచారాన్ని తెలుసుకునేందుకు కాకుండా సోష‌ల్ మీడియాలో కాలం గ‌డుపుతూ విలువైన స‌మయాన్ని వృధా చేసుకుంటున్నారు. ముఖ్యంగా ఫేస్ బుక్, వాట్సప్ ఛాటింగ్ ల‌కు అధిక స‌మయాన్ని వెచ్చిస్తున్నారు. దీంతో కెరియ‌ర్ పై శ్ర‌ద్ధ త‌గ్గుతొంది. ఈ ప‌రిణామం ఇటు త‌ల్లిదండ్రుల‌ను అటు విద్యావేత్త‌ల‌ను ఆందోళ‌న‌కు గురిచేస్తోంది.

వాడ‌టం తెలియ‌క‌పోతే అన‌ర్ధాలే!

    స్మార్ట్ ఫోన్ అనేది రెండు వైపుల ప‌దునున్న క‌త్తిగా నిపుణులు అభివ‌ర్ణిస్తున్నారు. దాన్ని స‌రిగ్గా వాడ‌టం తెలిస్తే ఎన్ని లాభాలున్నాయో అలాగే దుర్వినియోగం చేస్తే అన్నే న‌ష్టాలున్నాయ‌ని చెపుతున్నారు. ముఖ్యంగా విద్యార్ధులు ఇంట‌ర్నెట్ ద్వారా త‌మ క్లాస్ స‌బ్జెక్ట్స్ తో పాటు కెరియ‌ర్ గైడెన్స్ ను సులువుగా పొందే వీలుంది. దీని వ‌ల‌న వారు మిగతా విద్యార్ధుల‌తో సులువుగా పోటీ ప‌డ‌గ‌లుగుతారు. అయితే అదే స‌మ‌యంలో సోష‌ల్ మీడియాలో, ఛాటింగ్ ల‌లో అధిక స‌మ‌యాన్ని వెచ్చిస్తే పోటీలో వెనుక‌బ‌డ‌తారు. తోటి విద్యార్ధుల‌తో స‌బ్జెక్ట్ కి సంబంధించిన విష‌యాల‌ను చ‌ర్చించేందుకు, స‌మాచారాన్ని ఇచ్చిపుచ్చుకునేందుకు సోష‌ల్ మీడియాను ఉప‌యోగిస్తే బాగుంటుంద‌ని, అంత‌కుమించి అన‌వ‌స‌ర విష‌యాల‌ను గంట‌ల‌కొద్ది చ‌ర్చిస్తే విద్యార్ధులు తీవ్రంగా న‌ష్ట‌పోవ‌డం ఖాయ‌మ‌ని నిపుణులు హెచ్చ‌రిస్తున్నారు.

       మ‌న ప‌నులు సులువుగా జ‌రిగేందుకు వాడుతున్న స్మార్ట్ ఫోన్ ఇప్పుడు మ‌న జీవితాల‌ను శాసిస్తోంద‌ని మాన‌సిక శాస్త్ర‌వేత్త‌లు చెపుతున్నారు. గంట‌ల త‌ర‌బ‌డి ఉప‌యోగించ‌డం వ‌ల‌న కంటి చూపు దెబ్బ‌తిన‌డంతో మాన‌సిన స‌మ‌తుల్య‌త దెబ్బ‌తింటుంద‌ని వారు విశ్లేషిస్తున్నారు. కేవ‌లం ఛాటంగ్ లోనే సంభాచించుకోవ‌డం వ‌లన‌ మ‌నుష్యుల మ‌ధ్య సంబంధాలు ప్ర‌భావిత‌మ‌వుతున్నాయ‌ని అంటున్నారు. ఫోన్, ఛాటింగ్ ద్వారా కాకుండా ప్ర‌త్య‌క్షంగా మ‌న ఆత్మీయుల‌తో మాట్లాడిన‌ప్పుడే మ‌న సంబంధాలు మ‌రింత ధృఢంగా మారుతాయ‌ని చెపుతున్నారు. ముఖ్యంగా టీనేజీ పిల్ల‌లు, విద్యార్ధులు ఫోన్ ను అప‌రిమితంగా వాడుతున్నారు. సోష‌ల్ మీడియాలో నిరంత‌రం అందుబాటులో ఉండ‌టం గొప్ప‌త‌నంగా భావిస్తున్నారు. ఈ ప‌రిస్థితి చాలా దుష్ప‌రిణామాల‌కు దారితీస్తుంద‌ని నిపుణులు హెచ్చ‌రిస్తున్నారు.

ఈ జాగ్ర‌త్తలు స్మార్ట్ గా తీసుకొండి.

•  ఫోన్ ను అవ‌స‌రానికి మించి వాడ‌కూడ‌దు. 
• విద్యార్ధులు త‌మ స‌బ్జెక్ట్ , కెరియ‌ర్ కు సంబంధించి విష‌యాల‌ను తెలుసుకునేందుకు ఉప‌యోగించాలి. అవ‌స‌రానికి మించి సోష‌ల్ మీడియాను ఉప‌యోగించ‌వ‌ద్దు. వీలుంటే స్నేహితుల‌ను నేరుగా క‌ల‌వండి.
• త‌ల్లిదండ్రులు స్మార్ట్ ఫోన్ లో త‌మ పిల్ల‌లు ఏమి చేస్తున్నారో అప్పడ‌ప్పుడు గ‌మ‌నించండి. మితిమీరి ఫోన్ వాడినా, ఏమైనా అస‌భ్య స‌మాచారం చూసిన‌ట్టు తెలిసినా పిల్ల‌ల్ని వెంట‌నే అదుపు చేయండి.
• ఛాటింగ్ ప‌రిమితంగా చేయండి. వీలుంటే స్నేహితుల‌ను, ఆత్మీయుల‌ను నేరుగా ప‌ల‌క‌రించండి. 

ఈ అతి అన‌ర్ధాల‌కు దారితీయొద్దు 

      పెద్ద‌లైనా, పిల్ల‌లైనా స్మార్ట్ ఫోన్ ప‌రిమితంగా, అవ‌స‌రానికి త‌గ్గ‌ట్టుగా ఉపయోగిస్తేనే మంచిది. అంత‌కుమించి అది లేకుంటే బ‌త‌క‌లేని స్థితికి చేరుకుంటే మ‌న‌ల్ని కాపాడ‌టం ఇంక ఎవ‌రి త‌రం కాకుండా పోతుంది. ముఖ్యంగా విద్యార్ధులు, చిన్న పిల్ల‌లు స్మార్ట్ ఫోన్ వినియోగంలో కొన్ని ప‌రిమితులు పాటిస్తే మంచిది. లేకుంటే భ‌విష్య‌త్ అంధ‌కారంగా మారిపోతుంది. ఈ విష‌యంలో త‌ల్లిదండ్రులు త‌గిన చ‌ర్య‌లు తీసుకోకుంటే పిల్ల‌లు స్మార్ట్ ఫోన్ కు బానిస‌లుగా మారిపోయే ప్ర‌మాదం ఉంది. అలా అని స్మార్ట్ ఫోన్ ను పూర్తిగా వాడ‌కుండా క‌ట్ట‌డి చేయ‌కుండా , విద్యా సంబంధ‌మైన విష‌యాలు తెల‌సుకునేందుకు, కొత్త విష‌యాలు నేర్చుకునేందుకు త‌గిన ప‌రిమితులు పెట్టుకుంటో మంచిది. లేకుంటే రానున్న రోజుల్లో ఇప్పుడున్న రుగ్మ‌త‌ల‌కు తోడు స్మార్ట్ ఫోన్ బెడ‌ద కూడా విద్యార్ధుల త‌ల్లిదండ్రుల‌కు కంటి మీద కునుకు లేకుండా చేయ‌వ‌చ్చు. 

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

            You can send your Educational related articles to  careertimes.online1@gmail.com