అర్హత తక్కువైనా అదిరిపోయే జాబ్ కావాలంటే ఇలా చేయండి!!

   ఉద్యోగాన్వేష‌ణ‌లో ఉన్న‌వారు ఏ చిన్న అవ‌కాశం వ‌చ్చినా దాన్ని అందిపుచ్చుకునేందుకు ఆరాట‌ప‌డ‌తారు. ఆన్ లైన్ లోనూ, ఆఫ్ లైన్ లోనూ ఉద్యోగ ప్ర‌య‌త్నాలు చేస్తుంటారు. అయితే ఈ క్ర‌మంలో చిన్న చిన్న పొర‌పాట్లు నిరుద్యోగుల‌కు కొన్నిసార్లు అవ‌కాశాల‌ను దూరం చేస్తాయి. ఆన్ లైన్ ప్లాట్ పామ్ లో ఉద్యోగాల‌ను సెర్చ్ చేస్తున్న‌ప్పుడు ఫ‌లానా పొజిషన్ కు కావాల్సిన అర్హ‌త‌ల‌ను క్లియ‌ర్ గా వెల్ల‌డిస్తారు. స‌దరు జాబ్ కు కావాల్సిన అర్హ‌త‌లు మ‌న‌కు లేన‌ప్పుడు మ‌నం అండ‌ర్ క్వాలిఫైడ్ అవుతాం. ఇటువంట‌ప్పుడు చాలా మంది అభ్య‌ర్ధులు ఆ జాబ్ ను అస్స‌లు క్లిక్ చేయ‌రు. మ‌నం దీనికి స‌రిపోం అని సైలంటైపోతారు. కానీ చిన్న చిన్న జాగ్ర‌త్త‌లు తీసుకుని మిమ్మ‌ల్ని బెట‌ర్ గా ప్ర‌మోట్ చేసుకుంటే మీరు అండ‌ర్ క్వాలిఫైడ్ అయినా ఉన్నత అవ‌కాశాలు మీ త‌లుపు త‌డ‌తాయి. మిమ్మ‌ల్ని మీరే బెస్ట్ బ్రాండ్ గా క్రియేట్ చేసుకుని ఎంప్లాయ‌ర్స్ కు న‌మ్మ‌కం క‌లిగిస్తే త‌క్కువ అర్హతలు ఉన్నా మంచి ఉద్యోగాన్ని సాధించే వీలుంది. 

ఆ రెండు ల‌క్షణాలు ఉంటే మిమ్మ‌ల్ని ఆప‌త‌రం కాదు! 

     ఒక జాబ్ కు స‌రిప‌డా అన్ని అర్హ‌తులు మీకు లేకున్న‌ప్ప‌టికీ మీరు ఆ జాబ్ అప్ల‌య్ చేస్తే మిమ్మ‌ల్ని అండర్ క్వాలిఫైడ్ గా ప‌రిగ‌ణిస్తారు. ఇటువంటి స‌మ‌యంలో అభ్య‌ర్ధులు రెండు ముఖ్య‌మైన విష‌యాల మీద శ్ర‌ద్ధ పెట్టాలి. అవి ఏంటంటే 1. టెక్నిక‌ల్ స్కిల్స్ 2. జాబ్ ను మీరు ఎంత స‌మ‌ర్ధ‌వంతంగా నిర్వ‌హించ‌గ‌ల‌రు అన్న విశ్వాసం. నిజానికి ఎంప్లాయ‌ర్స్ కు కావాల్సింది అర్హ‌త‌లు కంటే ఈ రెండు విష‌యాలే కావాలి. అందుకే కంపెనీలు ముఖ్యంగా అభ్య‌ర్ధుల నుంచి ఈ రెండు విష‌యాల‌ను ఎక్కువ‌గా ఆశిస్తాయి.  కాబ‌ట్టి ఒక అభ్య‌ర్ధి జాబ్ రావాలా? వ‌ద్దా? అన్న విష‌యాన్ని నిర్దారించేవి ఈ రెండు విష‌యాలే. కాబ‌ట్టి టెక్నిక‌ల్ గా మీరు బ‌లంగా ఉన్నార‌ని కంపెనీకి విశ్వాసం క‌లిగించ‌గ‌లిగితే మీకు జాబ్ గ్యారంటీ. మీకున్న టెక్నిక‌ల్ నాలెడ్జ్ ను స‌రైన రీతిలో ప్ర‌ద‌ర్శిస్తే ఎంప్లాయ‌ర్ మిమ్మ‌ల్ని ఎట్టి ప‌రిస్థితుల్లోనూ వ‌దులుకోడు. ఇప్పుడు మ‌నం చెప్పుకున్న ఈ రెండు ముఖ్య‌మైన అర్హ‌త‌లు మీకు ఉంటే అండ‌ర్ క్వాలిఫైడ్ అనేది మిమ్మ‌ల్ని ఇబ్బందిపెట్ట‌దు. 

హార్డ్ స్కిల్స్ లోటును సాఫ్ట్ స్కిల్స్ తో భర్తీ చేయొచ్చు!

     ఒక్కోసారి అర్హతలతో పాటు మనం చెప్పుకున్న టెక్నికల్ స్కిల్క్ కూడా ఉండకపోవచ్చు. అయితే పట్టుదల ఉంటే ఈ అడ్డంకిని అధిగమించొచ్చు. అది ఎలాగంటే కంపెనీలు హార్డ్ స్కిల్స్ తో పాటు కమ్యూనికేషన్ స్కిల్స్ , టీమ్ వర్క్, లీడర్‌షిప్ క్వాలిటీస్ కు పెద్దపీట వేస్తాయి. ఇవి బాగా ఉన్నవారినే అధిక శాతం కంపెనీలు నియమించుకునేందుకు ఆసక్తి చూపుతాయి. ఎందుకంటే సాఫ్ట్ స్కిల్స్ పనివాతావరణాన్ని మెరుగుపరుస్తాయి. సాటి ఉద్యోగుల్లో స్ఫూర్తిని నింపి ఉత్పాదకత పెరిగేలా చేయడంలో సాఫ్ట్ స్కిల్స్ దే కీలక పాత్ర. ఈ విషయంలో మీరు బెస్ట్ అని ఎంప్లాయర్ ను ఒప్పించగలిగితే మీకు అండర్ క్వాలిఫైడ్ అయినా మీకు ఉద్యోగం ఇచ్చేందుకు కంపెనీలు ఆసక్తి చూపుతాయి. ఎందుకంటే సాఫ్ట్ స్కిల్స్ లో పట్టు ఉన్నవారికి తర్వాత హార్డ్ స్కిల్స్ తో తర్ఫీదు ఇచ్చి తమకు అనుకూలంగా మార్చుకోవడం కంపెనీలకు పెద్ద సమస్య కాదు కాబట్టి. 

నేర్చుకునేందుకు సిద్ధంగా ఉండండి!

      అండర్ క్వాలిఫైడ్ అభ్యర్ధులకు ముఖ‌్యంగా కావాల్సింది ఆత్మవిశ్వాసం. మీకంటే ఎక్కువ అర్హతలు ఉన్నవారితో సమానంగా మిమ్మల్ని జాబ్ లోకి తీసుకోవాలంటే మీలో ఏదో ప్రత్యేకత ఉండాలని ముందే చెప్పుకున్నాం కదా. ప్రస్తుతం చాలా మంది ఎంప్లాయర్స్ అకడమిక్ క్వాలిఫికేషన్స్ తగినన్ని లేకపోయినా నేర్చుకోవడానికి సిద్ధంగా ఉన్నవారిని నియమించుకునేందుకు ఆసక్తి చూపుతున్నారు. ఈ పరిణామాన్ని అండర్ క్వాలిఫైడ్ అభ్యర్ధులు అందిపుచ్చుకోవాలి. ఇంటర్వ్యూ పూర్తి ఆత్మ విశ్వాసంతో నేను రెడీ టు లెర్న్ అన్న విషయాన్ని ఎంప్లాయర్ కు ప్రభావవంతంగా చెప్పాలి. నేను అండర్ క్వాలిఫైడ్ కావచ్చు కానీ నేర్చుకోవడంలో మాత్రం నేను ఏ మాత్రం తక్కువ కాదు అని తెలియజేయాలి. 

బ్రాండింగ్ చేసుకుంటే ఎదురులేదు!

    ప్రతీ వ్యక్తిలోనూ ఒక ప్రత్యేకత ఉంటుంది. దానిని మీరు గుర్తించి అందుకు అనుగుణంగా కృషి చేస్తే మిమ్మల్ని ఎవరూ ఆపలేదు. అండర్‌ క్వాలిఫైడ్ అయినా జాబ్ మార్కెట్ కు ఏది అవసరమో గుర్తించి అందులో మీరు మాస్టర్ అనిపించుకుంటే అకడమిక్ అర్హతలు పెద్దగా ప్రభావం చూపవు. అలాగని అకడమిక్ అర్హతలు అవసరం లేదని కాదు. బాజ్ చేస్తూనే మీ అకడమిక్ అర్హతలను పెంచుకుంటే తర్వాత మీ స్థాయి మరింత పెరుగుతుంది. ఒక పని చేయడంలో  మీరు ది బెస్ట్ అనిపించుకునే విధంగా మీ ప్రత్యేకతను నిరూపించుకోవాలి. అప్పుడు అర్హతలు తక్కువ ఉన్నా మీకు ఉద్యోగం రావడం గ్యారంటీ. సో జాబ్స్ సెర్చ్ చేసేటప్పుడు ఎంప్లాయిర్ కోరుకుంటున్న అకడమిక్ అర్హతలు మీకు లేకున్నా టెక్నికల్, సాఫ్ట్ స్కిల్స్  పుష్కలంగా ఉంటే ఆత్మవిశ్వాసంతో ఆ జాబ్ కు అప్లై చేయండి. ఆల్ ది బెస్ట్ . 

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                       You can send your Educational related articles to  careertimes.online1@gmail.com