ఆఫీస్ లో నిద్ర వస్తోందా? అయితే ఇలా చేయండి!!

      ఈ నయా పని సంస్కృతిలో ఉద్యోగులు పనిచేసే విధానం పూర్తిగా మారిపోయింది. డెడ్‌లైన్లు, టార్గెట్లు అంటూ వెంటపడే బాస్ లు, పదోన్నతులు, శాలరీ హైక్ లు అంటూ తరిమే అంతర్గత ఒత్తిడులు వెరసి ఉద్యోగిని తీవ్ర సంక్షోభంలోకి నెట్టివేస్తున్నాయి. వీటికి తోడు మారుతున్న జీవనశైలి, ఆహారపు అలవాట్లు ఆరోగ్యాన్ని దెబ్బతీస్తున్నాయి. ఇటువంటి విభిన్న సమస్యల నేపథ్యంలో ఒక ఉద్యోగి సక్సెస్‌పుల్ కెరీర్ ను కొనసాగించడం కష్టసాధ్యంగా మారింది. ఈ నేపథ్యంలో ఆఫీస్ లో డెస్క్ జాబ్ చేసే వారు ఇటీవలి కాలంలో ఒక పెను సమస్యను ఎదుర్కొంటున్నారు. 'పని మధ్యలో నిద్ర ముంచుకు రావడం' ఎంత కంట్రోల్ చేసుకున్నా నిద్ర కమ్ముకొచ్చి పని సామర్ధ్యాన్ని తగ్గిస్తోంది. రాత్రి పూట సరిగ్గా నిద్రపోయినా ఇలా ఎందుకు జరుగుతోంది? అంటూ చాలా మంది ఉద్యోగులు తలలు పట్టుకుంటున్నారు. ఈ క్రమంలో ఆఫీస్ లో నిద్ర ఎందుకు వస్తోంది? ఈ నిద్ర సమస్యను అధిగమించేందుకు ఏం చేయాలి అన్న దానిపై 'కెరీర్ టైమ్స్' అందిస్తున్న ప్రత్యేక విశ్లేషణ.

సమస్య 1 

చేసే పనిపై ఆసక్తి లేకపోవడం

     ఆఫీస్ లో ఇలా పని మధ్యలో నిద్ర రావడానికి ప్రధానమైన కారణం చేసే పనిపై ఆసక్తి లేకపోవడం. ఈ విధంగా ఇంటరెస్ట్ లేని పని చేయడం వలన నిద్ర ముంచుకువస్తుంది. మీరు కూడా మీకు ఇష్టం లేని పనిచేస్తుంటే తక్షణం ఆ జాబ్ ను వదిలి మీ మనసుకు నచ్చిన పనిని వెతుక్కోండి. లేదా ఉన్న పనిపైనే ఇష్టం పెంచుకుని దానిపై కృషి చేయండి. ఆసక్తి, అభిరుచి ఉన్నప్పుడే మన మెదడు ఉత్తేజితమై పని చేయాలన్న కాంక్ష రగులుతుంది. లేకుంటే నిద్రే వస్తుంది. 

పరిష్కారం:

• మీకు పనిలో ఏ విషయం ఆసక్తికరంగా లేదో గమనించండి. 

• మీరు చేస్తున్న పనిలో రోటీన్ ఫీల్ అవుతుంటే అందులో కొత్త ప్లాట్‌ఫాం నేర్చుకునేందుకు ప్రయత్నించండి. 

• చేస్తున్న పనినే అభిరుచిగా మార్చుకునే ప్రయత్నం చేయండి. 

• అభిరుచితో చేసే పని అద్భుతంగా పూర్తవుతుంది. 

సమస్య 2 

ఆరోగ్య సమస్యలు 

    సీజనల్ గా వచ్చే దగ్గు, జలుబు మొదలైన సమస్యలకు వాడే మందులు మిమ్మల్ని డల్ గా తయారు చేసి నిద్ర వచ్చేలా చేస్తాయి. ముఖ్యంగా దగ్గుకు వాడే సిరప్ తో నిద్ర ముంచుకు వస్తుంది. ఇలాంటి మందులు వేసుకున్నప్పుడు మాత్రమే నిద్ర వస్తే దీనిపై పెద్దగా ఆందోళన చెందాల్సిన పనిలేదు. 

పరిష్కారం:

• మందుల ప్రభావం వలన మీకు నిద్ర వస్తుంటే ఎవరూ లేకుండా ఒక మంచి కునుకు తీయండి. 

• మందుల వలన వచ్చే సైడ్ ఎఫెక్ట్స్ ను ఎవ్వరూ తట్టుకోలేరు కదా? మీ పరిస్థితిని మీ కోలీగ్స్ కూడా అర్దం చేసుకుంటారు. 

• ఆ నిద్ర మత్తును అలానే కొనసాగిస్తే మరింత డల్ అయి పని మందగిస్తుంది. 

• ఒక 10 నిమిషాలు మంచి కునుకు తీస్తే ప్రెష్ గా ఉండి తర్వాత మీ పనిని ఉత్సాహంగా చేయగలుగుతారు. 

సమస్య 3 

అస్తవ్యస్థ జీవనశైలి 

     అస్తవ్యస్థంగా ఉండే జీవనశైలి కూడా మీకు ఆఫీస్ లో నిద్ర వచ్చేలా చేస్తుంది. ఇలాంటి జీవన విధానం వలన చేస్తున్న పనిపైన అస్సలు ఆసక్తి లేకుండా తయారవుతుంది. ఇది మీపై ఒత్తిడిని పెంచి నిద్రమత్తుతో డల్ గా ఉండేలా చేస్తుంది. మీ జీవితంలో ఇలా జరుగుతుందంటే మీ పర్సనల్ లైఫ్, మీ ప్రొఫెషనల్ లైఫ్ రెండూ ప్రమాదంలో పడ్డట్టే. 

పరిష్కారం:

• చిన్న చిన్న లక్ష‌్యాలు పెట్టుకుని వాటిని సాధించేందుకు ప్రయత్నించండి. 

• ఇలా చేయడం మీ లైఫ్ లో బోర్ ను పొగొట్టి మీ ఆత్మవిశ్వాసాన్ని పెంచుతుంది. 

• ఉదయం డాన్స్ ఎక్సర్‌సైజ్ లేదా జిమ్ కు వెళ్లి చెమటలు పట్టేలా సాధన చేయండి. 

• యోగా, ధ్యానం కూడా మంచి ఫలితాలనే ఇస్తాయి.

• ఉదయం పూటని హుషారుగా ఉంచుకుంటే రోజంతా హుషారుగా ఉండొచ్చు. 

• సాయింత్రం పూట ఆఫీస్ పని పూర్తయ్యాక ఏమైనా సోషల్ సర్వీస్ చేయండి. 

• ఇలా చేయడం వలన మీ రోజు సంపూర్ణం అయిన ఫీల్ వస్తుంది. 

• మరుసటి రోజు మరింత హుషారుగా లేచి మీ దినచర్యను ఆరంభిస్తారు. ఇక మీకు నిద్ర వచ్చే ఛాన్సే లేదు. 

సమస్య 4

ఎప్పుడూ ఒకే రకమైన పని

    ప్రతీ రోజూ ఒకేరకమైన పని చేయడం ఎవరికైనా బోరింగ్ గానే ఉంటుంది. దీని వలన పనిపై ఆసక్తి తగ్గి నిద్ర ముంచుకొస్తుంది. అయినా ప్రతీరోజూ చేసే పని అయినా కాస్త వినూత్నంగా ఆలోచించి చేయడం మన చేతుల్లోనే ఉంటుంది. ఆ చిన్న మార్పు చేసుకుని పని చేసుకుంటే  పనిలో మనకు మనమే స్పూర్తిగా నిలవొచ్చు. 

పరిష్కారం: 

• మీ పని గంటలను మూడు, నాలుగు భాగాలుగా విభజించుకోండి. 

• ఉదయం పూట రెండు గంటలు పనిచేసి ఒక 15 నిమిషాలు బ్రేక్ తీసుకొండి. 

• మంచి కాఫీ తాగితే ఉత్సా‍హం కలిగి పనిని బాగా చేయగలుగుతారు. 

• ఇక లంచ్ టైమ్ లో మీ సన్నిహితులైన కోలీగ్స్ తో లంచ్ చేయండి. వాళ్లతో మీ ఆలోచనలను పంచుకొండి. 

• మధ్యహ్నం 3 తర్వాత చిన్న బ్రేక్ తీసుకుని అలా ఆఫీస్ ప్రాంగణంలో మీ ఫ్రెండ్ తో అలా నడిచి వస్తే పనిలో కొత్త ఉత్సాహం వస్తుంది.  

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                    You can send your Educational related articles to  careertimes.online1@gmail.com