ఇలాగైతే బీకాంలో 'ఫిజిక్స్' చ‌ద‌వాల్సిందే?

     ప్ర‌స్తుత పోటీ ప్ర‌పంచంలో విద్యా వ్య‌వ‌స్థ ప‌నితీరే విద్యార్ధి భ‌విష్య‌త్ కు అత్యంత కీల‌క‌మైన విష‌యం. ఒక్క నిమిషం,  ఒక్క ప్ర‌శ్న‌, ఒక్క మార్కు..ఇందులో ఏదైనా విద్యార్ధి క‌ల‌ల లోకాన్ని చిదిమేయ‌వ‌చ్చు. ఇటువంటి ప‌రిస్థితుల్లో అత్యంత అప్ర‌మ‌త్తంగా ఉంటూ, విద్యార్ధికి మార్గ నిర్దేశ‌నం చేయాల్సిన మ‌న విద్యా వ్య‌వ‌స్థ అర్ధం ప‌ర్ధం లేని అసంబ‌ద్ధ నిర్ణ‌యాల‌తో, తిక్క ప్ర‌యోగాల‌తో విద్యార్ధి భ‌విష్య‌త్ తో ఆటలాడుతోంది. తాజాగా ప‌దో త‌ర‌గ‌తి ప‌రీక్ష భౌతిక శాస్త్రం పేప‌ర్ లో బ్లూ ప్రింట్ విధానానికి పాత‌రేసి, క‌ఠిన ప్ర‌శ్న‌ల‌తో విద్యార్ధిని కంగారు పెట్ట‌డం ఎంత వ‌ర‌కూ స‌మంజ‌సం?  ఏ స‌బ్జెక్ట్ లో మార్కులు త‌గ్గినా మొత్తం ప‌ర్సెంటీజీ యే ప‌డిపోయే ప్ర‌మాదం ఉన్న ప‌రిస్థితుల్లో ఇలాంటి తిక్క ప్ర‌యోగాలు, ఎంద‌రో విద్యార్ధుల‌ భ‌విష్య‌త్ ను ప్ర‌శ్నార్ధకం చేస్తాయి. 

బంగారు భ‌విష్య‌త్ తో ప్ర‌యోగాలా? 

        ఒక విద్యార్ధి ప‌న్నెండు సంవ‌త్స‌రాల పాటు చ‌దివిన చ‌దువుకు ప‌దో త‌ర‌గ‌తి ప‌రీక్ష‌లో ఉత్తీర్ణ‌త అన్న‌ది ఒక సాధికారిక గుర్తింపు. దీనికి తోడు ప‌దో త‌ర‌గ‌తి ప‌రీక్ష‌లో ఉత్తీర్ణ‌త ఆధారంగానే విద్యార్ధి భవిష్య‌త్ ఆధార‌ప‌డి ఉంటుంది. ఇంత‌టి కీల‌క‌మైన ప‌దో త‌ర‌గ‌తి ప‌రీక్ష‌లో ఇప్పుడు నిబంధ‌న‌ల‌కు తిలోద‌కాలిచ్చి ప‌నికిమాలిన ప్ర‌యోగాల‌కు తెర‌లేపుతున్నారు. ఈ ఏడాది ప‌దో త‌ర‌గ‌తి భౌతిక శాస్త్రంలో ఇచ్చిన ప్ర‌శ్న‌లు అస‌లు బ్లూ ప్రింట్ విధానం ఉందా అన్న సందేహాల‌ను లేవ‌నెత్తింది. అస‌లు ప్ర‌శ్నాప‌త్రం కూర్పు ఒక ప‌ద్ధ‌తి ప్ర‌కారం జ‌ర‌గాల్సి ఉంటుంది. బ్లూ ప్రింట్ ప్రకారం ప్ర‌తీ పేప‌ర్ లో 40 శాతం ప్ర‌శ్న‌లు సాధారణంగా, 30 శాతం ప్ర‌శ్న‌లు సాధార‌ణం క‌న్నా త‌క్కువ‌గా మ‌రో 30 శాతం క‌ఠినంగా ఉండాలి. ఈ బ్లూ ప్రింట్ ను  మాడ‌టేట‌ర్లు ప‌రిశీలిస్తారు. ఈ మాడ‌రేట‌ర్లు సద‌రు స‌బ్జెక్ట్ లో నిష్ణాతులు అయి ఉండాలి. బ్లూ ప్రింట్ ప్ర‌కారం ఒక సామాన్య విద్యార్ధి కూడా పాస్ మార్కులు తెచ్చుకునే విధంగా పేప‌ర్ ఉండాలి. కానీ ప‌దో త‌ర‌గ‌తి విద్యార్ధి సామ‌ర్ధ్యాన్ని అంచ‌నా వేయ‌కుండా పేప‌ర్ ఇచ్చారంటే అస‌లు లోపం ఎక్క‌డుంది? అస‌లు మోడ‌రేట‌ర్లు ఉన్నారా? అన్న సందేహాలు త‌లెత్తుతున్నాయి. 

బ్లూ ప్రింట్ కు తిలోద‌కాలిచ్చారా? 

      రెండు తెలుగు రాష్ట్రాల్లో దాదాపు 15 ల‌క్ష‌ల మంది విద్యార్ధులు ప‌దో త‌ర‌గ‌తి ప‌రీక్ష రాస్తున్నారు. స‌రైన ప‌ర్య‌వేక్ష‌ణ లేకుండా విద్యా శాఖ‌లు చేస్తున్న‌ అడ్డ‌గోలు ప్ర‌యోగాలు వాళ్ల ఆత్మ‌, మ‌నో సైర్ధ్యాల‌ను దెబ్బ‌తీస్తున్నాయి. అస‌లు ఒక ప్ర‌శ్నా పత్రం త‌యారు చేయ‌డానికి మూడంచెల విధానం ఉంటుంది. అందులో మొద‌ట‌గా బ్లూ ప్రింట్ విధానానికి అనుగుణంగా 300 మార్కుల‌కు ప్ర‌శ్నా ప‌త్రాన్ని త‌యారు చేస్తారు. రెండో అంచెలో ఆ ప్ర‌శ్నా ప‌త్రాన్ని 150 మార్కుల‌కు కుదిస్తారు. ఇక మూడో అంచెలో 150 మార్కుల‌కు కుదించిన ప్ర‌శ్నా ప‌త్రాన్ని మ‌రో ఆరు ప్ర‌శ్నాప‌త్రాలు త‌యారు చేస్తారు. ఈ ఆరు ర‌కాల ప్ర‌శ్నాప‌త్రాల‌ను క‌మిటీ వ‌ద్దకు తీసుకొస్తారు. వారు అందులోంచి మూడు ప్ర‌శ్నాప‌త్రాల‌ను సెలెక్ట్ చేస్తారు. ప్ర‌శ్నాప‌త్రాలు త‌యారు చేసే ఆ క‌మిటీ అధ్య‌క్షుడు, స‌బ్జెక్ట్ నిష్ణాతుడై, విద్యావిదానంలో అనుభ‌వ‌జ్ఞుడై, టీచింగ్ లో ఆపార అనుభ‌వం క‌లిగి ఉండాలి. కానీ ఇక్క‌డే ఒక ప్ర‌ధానమైన త‌ప్పు జ‌రుగుతోంది. ప్ర‌భుత్వాలు మారుతున్న‌ప్పుడ‌ల్లా త‌మ త‌మ ప్ర‌భుత్వాల‌కు విధేయులైన వారిని ఈ కీల‌క‌మైన ప‌ద‌వుల్లో కూర్చొపెడుతున్నారు. వాళ్ల‌కు స‌రైన అర్హ‌త‌లున్నాయా? లేవా అన్న విష‌యాల‌ను గాలికి వ‌దిలేస్తున్నారు. విద్యార్ధుల సామ‌ర్ధ్యాన్ని అంచ‌నా వేయ‌లేని వారిని విద్యా విధానంపై అవ‌గాహ‌న లేని వారిని, టీచింగ్ లో అనుభ‌వం లేని వారిని నియ‌మించి విద్యార్ధుల భ‌విష్య‌త్ తో చెల‌గాట‌మాడుతున్నారు. 

దేనికైనా మార్కులే ప్రాతిప‌దిక‌!

     ప్ర‌శ్నాప‌త్రాలు త‌యారు చేసేవారు గ‌మ‌నించాల్సిన విష‌యం ఏంటంటే ప‌రీక్ష అంటే ఏడాది పాటు విద్యార్ధి నేర్చుకున్న విష‌యాన్ని ప్ర‌జంట్ చేయడానికి ఇచ్చే 3 గంట‌ల స‌మ‌యం. ఇటువంటి ప‌రిస్థితుల్లో అధికారులు ప్ర‌శ్నాప‌త్రాల్లో ప్ర‌యోగాలు చేసి త‌మ తెలివిని ప్ర‌ద‌ర్శించుకోవాలా? అంత‌గా త‌మ తెలివికి ప‌ని క‌ల్పించుకోవాలంటే పాఠాన్ని మ‌రింత సులువైన విధంగా విద్యార్ధికి భోదించే విష‌యంలో సామ‌ర్ధ్యాన్ని నిరూపించుకోవాలి. అస‌లు ఫిజిక్స్ స‌బ్జెక్ట్ చాలా క‌ఠిన‌మైన‌ది. విద్యార్ధి మంచి శ్ర‌ద్ధ పెడితే కానీ అర్ధం కాదు. ప్ర‌ఖ్యాత గ‌ణిత శాస్త్ర‌వేత్త రామానుజం మ్యాథ్స్ ఎక్క‌డ ముగుస్తుందో ఫిజిక్స్ అక్క‌డ మొద‌ల‌వుతుంద‌ని చెప్పారు. అంత‌టి కీల‌క‌మైన‌, క్లిష్ట‌త‌ర‌మైన భౌతిక శాస్త్రాన్ని మ‌న వాళ్లు భౌతిక్క శాస్త్రంగా మార్చేసారు. ఇలాంటి తిక్క ప్ర‌యోగాలు చేయ‌డం వ‌ల‌న విద్యార్ధికి వ‌చ్చే మార్కులు ప్ర‌భావిత‌మ‌వుతాయి. ఉన్న 6 స‌బ్జెక్ట్ ల‌లో ఏ ఒక్క స‌బ్జెక్ట్ లో అయినా 50 కంటే మార్కులు త‌గ్గినా గ్రేడ్  ప‌డిపోయే ప్ర‌మాదం ఉంది. ప్ర‌భుత్వం మార్కుల వ్య‌వ‌స్థ‌ను మూసేసినా ఇంట‌ర్ ప్ర‌వేశాలు క‌ల్పించేట‌ప్పుడు, స్కాలర్ షిప్ లు ఇచ్చేట‌ప్పుడు, డిస్కౌంట్ లు ఇచ్చేట‌ప్పుడు కార్పోరేట్ కాలేజీలు మార్కుల‌నే చూస్తున్నాయి. 

4 మార్కులతో చేతులు దులుపుకుంటే స‌రిపోతుందా? 

     ప‌దో త‌ర‌గ‌తి ఫిజిక్స్ ప్ర‌శ్నాప‌త్రంలో అస్ప‌ష్టంగా ఉన్న ప్ర‌శ్నకు రాయ‌డానికి ప్ర‌యత్నించిన విద్యార్దుల‌కు 4 మార్కులు ఇస్తామ‌ని ప్ర‌క‌టించ‌డం వ‌ల్ల ఈ త‌ప్పును వెన‌క్కి నెట్టే ప్ర‌య‌త్నం త‌ప్ప మ‌రేమీ కాదు. అస‌లు బ్లూ ప్రింట్ విధానాన్ని తుంగ‌లో తొక్కి మార్కులు ఇవ్వ‌డం ఎంత వ‌ర‌కు స‌మంజ‌సం అన్న‌ది విద్యా నిపుణుల వాద‌న‌. ప‌రీక్ష‌లో విద్యార్ధికి 75 శాతం క‌ఠిన‌మైన ప్ర‌శ్న‌లు ఇచ్చి కేవ‌లం 25 శాతం సాధార‌ణ ప్ర‌శ్న‌లు ఇవ్వ‌డం ఎంత‌వ‌ర‌కూ స‌మంజ‌సం. ఇది ఒక సామాన్య విద్యార్ధికి మింగుడుప‌డ‌ని విష‌యం. భోధ‌న‌లో ఏ ఒక్క‌రు ప్రాయోగిక ప‌ద్ధ‌తిని పాటించ‌రు కానీ విద్యార్ధి ప్రాయోగిక ప్ర‌శ్న‌ల‌కు స‌మాధానాలు రాయాల‌ని ఆశించ‌డం వ‌ల్ల ఎటువంటి ప్ర‌యోజ‌నం లేదు. అస‌లు నిబంధ‌న‌ల‌ను గాలికి వ‌దిలి విద్యార్ధులు భ‌విష్య‌త్ ఆట‌లాడుతున్న‌వారిపై క‌ఠిన చ‌ర్య‌లు తీసుకోవాలి. ఇలాంటి పున‌రావృతం కాకుండా చ‌ర్య‌లు తీసుకోవ‌డంతో పాటు ప్ర‌భుత్వాలు కీల‌క‌మైన విద్యా రంగంలో రాజ‌కీయాల‌కు అతీతంగా అర్హ‌త‌లు ఉన్న‌వారితోనే కీల‌క ప‌ద‌వులు భ‌ర్తీ చేయాలి. అప్పుడే మ‌న విద్యా వ్య‌వ‌స్థ‌లో మార్పుల‌ను ఆశించ‌గ‌లం. 

ఈ ఫీచ‌ర్ పై  గైడెన్స్ కావాల్సిన వారు ఈ క్రింది నెంబ‌ర్ వాట్సాప్ గ్రూప్ లో చేర‌వ‌చ్చు.

97006 09135

                    You can send your Educational related articles to  careertimes.online1@gmail.com